Juan 7–10

Mahimo kang magsugod pinaagi sa pagpakita sa mosunod nga mga pangutana ug sa pagdapit sa mga estudyante sa pagrekord sa ilang mga tubag:

• Unsa ang pipila sa mga pagtulon-an ni Jesukristo nga ikaw adunay pagpamatuod niini?

• Mahitungod sa unsa nga pagtulon-an diin ikaw adunay mga pangutana?

• Sa unsa nga paagi kita mahibalo sa kamatuoran sa mga pagtulon-an sa Manluluwas?

Dapita ang mga estudyante sa pagbasa sa Juan 7:10–18, mangita alang sa unsay gitudlo ni Jesus mahitungod kon unsaon pagkahibalo sa kamatuoran sa Iyang doktrina. (Tabangi ang mga estudyante sa pag-ila og baroganan sama sa mosunod: Samtang atong buhaton ang kabubut-on sa Langitnong Amahan ug magsunod sa Iyang mga sugo, atong mahibaloan ang Iyang doktrina tinuod. Kon ang mga estudyante adunay mga pangutana mahitungod sa kahulogan sa doktrina, kamo makatan-aw ug makahisgot sa “ Unsa ang Doktrina? ” [3;42]).

3:42

• Nganong makahimo nga mahagiton ang pagpuyo sa usa ka kamatuoran sa ebanghelyo nga kita dili hingpit nga nakasabot?

• Sa unsang paagi ang pagpuyo sa mga kamatuoran sa ebanghelyo nagtabang sa usa ka tawo kinsa nakigbisog sa pagtuo og usa ka piho nga doktrina sa ebanghelyo?

Hunahunaa ang pagpakigbahin sa mosunod nga pamahayag ni Presidente Bonnie L. Oscarson:

Ang tinuod nga pagkakabig nagpasabot nga kita nagbuhat kon unsay atong gituohan. … Usahay bali ang atong buhaton. Pananglit, atong gamiton kini nga paagi: Malipay kong nagsunod sa balaod sa ikapulo, apan kinahanglan ko unang mahibaloan nga kini tinuod. Tingali mag-ampo kita aron makaangkon og pagpamatuod sa balaod sa ikapulo ug nanghinaot nga ang Ginoo mopanalangin kanato niana nga pagpamatuod sa dili pa gayod kita makasulat diha sa resibo sa ikapulo. Kini dili gayod mosalir niana nga paagi. Ang Ginoo nagpaabot nga kita mopakita og hugot nga pagtuo. Kinahanglan kanunay kitang mobayad og hingpit ug tinud-anay nga ikapulo aron makaangkon og pagpamatuod sa ikapulo. Kining sama nga sundanan magamit ngadto sa tanang mga baroganan sa ebanghelyo. (“Magpakabig Kamo,” Liahona, Nob. 2013, 76–77)

Ikaw makadapit sa mga estudyante sa pagribyu sa ilang mga tubag ngadto sa unang pangutana nga inyong gipakita (“Unsa ang pipila sa mga pagtulon-an ni Jesukristo nga ikaw adunay pagpamatuod niini?”).

• Giunsa sa pagpuyo sa mga pagtulon-an sa Manluluwas paglig-on sa imong pagpamatuod ug pagkakabig?

Dapita ang mga estuydyante sa pagribyu sa ilang mga tubag ngadto sa ikaduhang pangutana (“Mahitungod sa unsa nga pagtulon-an diin ikaw adunay mga pangutana?”). Hatagi ang mga estudyante og panahon sa paghanduraw kon unsaon ang paglihok niini nga pagtulon-an maka-impluwensiya sa ilang pagpamatuod. Sila makasulat og yano nga plano nga makaapil kana nga pagtulon-an o kamatuoran ngadto sa ilang mga kinabuhi.

Hunahunaa ang pagpakita sa mosunod nga imahe ug talan-awon:

Usa ako ka ngil-ad nga tawo. Unsa ang akong nabuhat makauulaw kaayo. Kon mahibaloan sa uban kon unsay akong nabuhat, dili sila morespeto kanako. Nasiguro ako nga ang Dios dili manumbaling kanako.

Ngano kaha nga ang usa ka tawo mobati og ingon niini nga paagi?

Sa unsang paagi kini nga mga pagbati makaapekto kanato?

Ipasabot nga samtang ang Manluluwas mitudlo didto sa templo, ang mga escriba ug ang mga Pariseo midala ngadto Kaniya og usa ka babaye nga nasakpang nanapaw. (Kini mahimong usa ka epektibo nga dapit sa pagpakita sa hulagway sa ubos ug sa pagbansay sa kahanas sa pagtuon “Paghanduraw sa mga Kasulatan” diha sa Mga Kahanas sa Pagtuon sa Kasulatan.)

• Unsa sa imong hunahuna ang gibati niini nga babaye samtang siya gipubliko pagpasangil og bug-at nga sala?

Ipabasa og dungan ang Juan 8:1–11, lakip ang Hubad ni Joseph Smith, sa Juan 8:11 (diha sa Juan 8:11, footnote c). Dapita ang mga estudyante sa pagpangita alang sa giunsa sa Manluluwas sa pagtabang kini nga babaye sa pagbuntog sa iyang mga pagbati sa pagkadili takos ug sa paghimaya sa Dios. Hunahunaa ang pagpangutana sa mosunod nga mga pangutana sa pagtabang nga mapalig-on ang pagsabot sa mga estudyante:

3:18

• Unsa ang mensahe sa manluluwas ngadto sa mga eskriba ug mga Pariseo? Unsaon nato paggamit kini nga mensahe sa atong mga kaugalingon ug sa uban?

• Unsa ang imong namatikdan mahitungod sa giunsa sa Manluluwas pagtagad kini nga babaye? Unsa ang mensahe sa Mnaluluwas ngadto kaniya? (Ang mga estudyante mahimong moila og usa ka kamatuoran sama sa mosunod: Samtang ang Manluluwas dili molaban sa sala, nagtanyag Siya kanato og kalooy pinaagi sa paghinulsol.)

• Sa unsang paagi ang paghinulsol nagtabang kanimo sa pagbati sa gugma ug kalooy sa Manluluwas? Sa unsang paagi ang pagpunting diha sa Manluluwas nagtabang kanato pagbuntog sa mga pagbati sa pagkadili takos?

Hunahunaa ang paghisgot sa mosunod nga pamahayag ni Sister Amy A. Wright:

Ang tubag ni Kristo niining bililhon nga babaye nga anak sa Dios mao ang … “Lakaw, ug ayaw na pagpakasala” [Juan 8:11]. Laing paagi sa pagsulti og “lakaw, ug ayaw na pagpakasala” mahimong “lakaw ug pagbag-o na.” Ang Manluluwas nagdapit kaniya sa paghinulsol: sa pagbag-o sa iyang kinaiya, sa iyang mga kaila, sa iyang pagtagad sa iyang kaugalingon, sa iyang kasingkasing.

Tungod ni Kristo, ang atong desisyon sa “paglakaw ug pagbag-o na” mahimong makatugot usab kanato sa “paglakaw ug pagpaayo,” tungod kay Siya ang tinubdan sa kaayohan sa tanan nga naguba sa atong kinabuhi. (“Si Kristo Moayo Nianang Naguba,” Liahona, Mayo 2022, 82)

Dapita ang mga estudyante sa pagpamalandong kon unsa ang ilang mabuhat sa pagdawat sa kalooy sa Manluluwas.

Isulat diha sa pisara ang mosunod:

• Kahayag batok Kangitngit

• Kamatuoran batok Mga Bakak

• Kagawasan batok Pagkaulipon

Ipasabot nga pipila sa mga lider nga Judeo balilk-balik nga misupak ni Jesukristo ug sa Iyang mga pagtulon-an. Sa Juan 8, giatubang ni Jesus ang Iyang mga kritiko ug gitudloan og gamhanang mga kamatuoran mahitungod sa pagbatok sa mga konsepto nga nahisulat diha sa pisara. O ang mga estudyante makapulipuli sa pagbasa og kusog sa Juan 8:12–58 ug sa pagmarka sa mga pulong o pundok sa mga pulong nga magtabang kanila nga mas masabtan og maayo ang mga konsepto diha sa pisara.

4:26

Human ang mga estudyante makatan-aw o makabasa sa asoy, dapita sila sa pagsulat diha sa pisara og bisan unsa nga mga pulong, hugpong sa mga pulong, o mga kamatuoran nga magtabang kanila sa pagsabot niini nga mga konsepto. Dayon hatagi ang mga estudyante og panahon sa pagpulipuli og pangutana sa usag usa mahitungod sa unsay ilang nasulat diha sa pisara. Kon gikinahanglan, kamo makapangutana og usa o daghan pa sa mosunod nga mga pangutana:

• Sa unsang paagi ang mga pulong nga kahayag, kamatuoran, ug kagawasan kalabot ngadto sa Manluluwas ug sa Iyang misyon?

• Giunsa ni Jesukristo pagdala kanato ug kagawasan? (Tabangi ang mga estudyante sa pagpunting diha sa mga pulong sa Manluluwas, “Kon magpabilin kamo sa akong pulong, nan, kamo tinuod gayod nga akong mga tinun-an, ug kamo mahibalo sa kamatuoran, ug ang kamatuoran magahatag kaninyo og kagawasan”[Juan 8:31–32].)

• Unsa nga mga kasinatian nagtudlo kanimo nga ang pagsunod ni Jesukristo ug ang pagpuyo sa Iyang mga pagtulon-an naghimo nato nga gawasnon?

• Giunsa sa mga pulong nga kangitngit, mga bakak, ug pagkaulipon kalabot ngadto sa kaaway?

• Sa unsang paagi ang sala mogiya ngadto sa pagkaulipon?

Hatagi og panahon ang mga estudyante sa pagpamalandong sa ilang nakat-onan gikan niini nga panaghisgotan. Ikaw makahimo sa pagbansay sulod sa pipila ka minuto sa pagpraktis og pagmemorya sa dinasig nga kamatuoran: “Kon pabilin kamo sa akong pulong, nan kamo tinuod gayod nga akong mga tinun-an; ug kamo mahibalo sa kamatuoran, ug ang kamatuoran magahatag kaninyog kagawasan.” (Juan 8:31–32). Awhaga ang mga estudyante sa paghunahuna mahitungod niini nga kamatuoran sa tibuok semana.

Mubo nga sulat: Ang mga Judeo nagpasigarbo sa ilang mga kaugalingon nga mga kaliwat ni Abraham, o mga anak. Gibati nila nga kini naghatag kanila og espesyal nga espirituhanong kahimtang. Gihagit ni Jesus ang ilang mga pagtuo pinaagi sa pagpahayag nga Siya mao ang Dios ni Abraham (tan-awa sa Juan 8:58). Kon ang mga estudyante adunay mga pangutana mahitungod sa unsay kahulogan niini, basaha og dungan ang “Juan 8:58–59. Nganong gusto sa mga Judeo nga batoon si Jesus sa dihang Siya miingon, ‘Sa wala pa si Abraham, mao na ako’?” diha sa Mga Tabang sa Kasulatan: Bag-ong Tugon.

Hunahunaa ang pagsulat sa mosunod nga wala mahuman nga pamahayag diha sa pisara: Espirituhanong pagkabuta mahitabo kon … Dapita ang pipila ka mga estudyante sa pagpakigbahin kon unsaon nila pagkompleto ang pamahayag. Awhaga ang mga estudyante sa pagpangita kon unsa ang ilang mahimong makat-onan mahitungod sa pagbuntog sa espirituhanong pagkabuta samtang sila nagtuon sa asoy sa pag-ayo sa Manluluwas sa usa ka lalaki nga natawo nga buta.

Basaha ang Juan 9:1–7.

7:51

Ipasabot nga ang Juan 9:8–38 nagrekord nga ang lalaki nga natawo nga buta gibalik-balik sa pagpangutana mahitungod kon giunsa siya pag-ayo. Bahina ang mga estudyante ngadto sa unom ka gagmay nga mga grupo. (Kon gamay ang imong klase, ang mga estudyante mahimong magtrabaho nga magtinagsa.) I-assign ang matag grupo sa pagtuon og usa sa mosunod nga mga pakisayran sa kasulatan: Juan 9:8–12; Juan 9:13–16; Juan 9:17–20; Juan 9:24–25; Juan 9:26–29; Juan 9:30–34. Hangyoa ang matag grupo sa pag-andam og mubo nga paghulagway (usa o duha ka kapahayag) mahitungod sa unsay ilang nabasa ug sa pagpangita og mga tubag sa mosunod nga mga pangutana. Mahimo nimong ipakita kini nga mga pangutana o moapud-apod og mga kopya niini ngadto sa mga estudyante:

• Giunsa pagtubag sa lalaki ang mga pangutana kaniya kon giunsa siya pag-ayo? Unsa ang iyang gisulti mahitungod ni Jesus diha sa iyang tubag?

• Unsa ang reaksyon sa mga tigpangutana ngadto sa tubag sa lalaki?

Human sa pipila ka minuto, pagdapit og usa ka estudyante sa matag grupo sa pagbasa sa ilang mubo nga paghulagway ug sa pagpakigbahin sa ilang mga tubag sa mga pangutana.

Human ang matag grupo nakapakigbahin, hunahunaa ang pagpangutana sa mosunod nga mga pangutana:

• Unsa nga ebidensya ang anaa nga kini nga lalaki nagtubo diha sa iyang espiritwal nga panan-aw? Sa unsa nga mga paagi ang mga Pariseo espirituhanon nga buta?

• Unsay atong nakat-onan mahitungod sa Manluluwas gikan niini nga espirituhanong asoy? (Mahimong ilhon sa mga estudyante ang usa ka kamatuoran sama sa mosunod: Sama lamang nga si Jesukristo mihatag og panan-aw ngadto niadtong kinsa mga buta, Siya makahatag og panan-aw ngadto niadtong kinsa nagtuo diha Kaniya.)

• Sa unsang mga paagi mahimo ka nga espirituhanong buta? Unsaon sa Manluluwas pagtabang kanimo sa pagbuntog og espirituhanong pagkabuta?

Ikaw makatapos uban sa mosunod nga pamahayag ni Presidente Thomas S. Monson. Dayon makadapit ka sa mga estudyante sa pagpakigbahin og mga ehemplo kon giunsa sa Manluluwas pagtabang kanila o sa usa ka tawo nga ilang kaila sa pagpalambo sa ilang espirituhanong panan-aw.

Kadtong mga mibati sa paghikap sa kamot sa Agalon ingon og dili makapasabot sa kausaban nga miabot sa ilang kinabuhi. Adunay tinguha nga magpuyo og mas maayo, mag-alagad nga matinud-anon, maglakaw nga mapaubsanon, ug mahimong mas mahisama sa Manluluwas. Ingon nga nakadawat sa ilang espirituhanon nga panan-aw ug nakapasiplat sa mga saad sa kahangtoran, sila mipalanog sa mga pulong sa buta nga tawo ngadto kang kinsa gipahiuli ni Jesus ang panan-aw: “Usa ka butang nga akong nahibaloan mao kini, nga kaniadto buta ako apan karon makakita na ako” [Juan 9:25]. (“Anxiously Engaged,” Liahona, Nov. 2004, 58)

Hunahunaa ang pagpakita sa mosunod nga hulagway ug magpasabot nga ang karaang mga magbalantay sa karnero mohipos sa ilang mga karnero inig ka gabii sa usa ka koral nga gitawag og toril sa karnero. Ang usa ka maayong magbalantay sa karnero mobantay sa ablihanan sa toril batok sa mga moatake og karnero ug sa mga kawatan. O makatan-aw ka sa “Sheepfold” (0:41).

0:41

Dapita ang klase sa pagbasa sa Juan 10:1–5, mangita ug maghisgot sa posible nga simbolismo.

Hatagi ang mga estudyante sa handout “Pagtuon sa Sambingay sa Maayong Magbalantay,” ug pagdapit kanila sa pagbansay sa kahanas “Pagpangutana nga Nagdapit og Makugihong Pagkat-on” diha sa Mga Kahanas sa Pagtuon sa Kasulatan.

Human ang mga estudyante makatuon sa Juan 10:7–15 ug makarekord sa ilang mga pangutana, dapita sila sa paghisgot nga magpares o sa gagmay nga mga grupo kon unsaon nila pagtubag ang ilang mga pangutana.

Human ang grupo adunay panahon sa paghisgot, ikaw makapakita sa mosunod nga kamatuoran: Ang Maayong Magbalantay (Jesukristo) nakaila sa Iyang karnero ug mihatag sa Iyang kinabuhi alang kanila.

Hunahunaa ang pagpakita sa mosunod nga imahe sa karnero nga gikuha sa bukid sa wala pa ang tigtugnaw moabot. Ipakita nga niini nga asoy ni Elder Gary E. Stevenson, sobra sa 200 ka karnero ang nangawala.

Kasagaran sa nawala nga mga karnero wala mawala tungod sa sakit o natural nga kamatayon apan ngadto sa mga manunukob [predator] sama sa mga leon sa bukid o mga lobo. Kini nga mga manunukob kasagaran makakaplag sa gagmayng mga karnero nga nangasaag gikan sa kahilwasan sa pundok, mipalayo gikan sa proteksyon sa magbalantay niini” (“Pagbantay sa mga Kalag,” Liahona, Nob. 2018, 111).

Hunahunaa ang pagpangutana og usa o mas daghan pa sa mosunod nga mga pangutana:

• Unsa nga mga kuyaw ang atong giatubang kon kita mopahawa gikan sa kahilwasan sa Maayong Magbalantay ug sa Iyang panon?

• Giunsa nimo pagbati ang kahilwasan pinaagi sa pagpabilin nga duol ngadto sa Maayong Magbalantay? Sa unsang paagi ikaw napanalanginan pinaagi nga kabahin sa Iyang panon?

• Unsa ang atong mabuhat sa pagsunod sa ehemplo sa Manluluwas ug mahimong maayong mga magbalantay ngadto sa uban? (Ang mga estudyante mahimong mag-ila og usa ka tawo nga sila mahimong magbalantay ngadto kanila.

Mahimo nga imong tapuson pinaagi sa pagbasa, pag-awit, o pagpamati ngadto sa himno “Gimahal sa Magbalantay” (Mga Himno, nu. 134). Ang mga estudyante makarekord sa ilang mga hunahuna, mga pagbati, ug mga impresyon.