1 ug 2 Pedro

Isulat ang mosunod nga mga pulong diha sa pisara: mga pagsulay ug pag-antos.

• Unsa ang pipila ka mga ehemplo sa mga pagsulay ug pag-antos nga giatubang sa mga young adult?

• Unsa ang inyong nakita sa mga tawo nga mitubag niini nga mga matang sa mga kasinatian?

Ipasabot nga sa dihang si Pedro misulat sa iyang mga sulat, ang mga miyembro sa Simbahan nag-atubang sa grabe nga pagpanggukod. (Tan-awa sa “Para kang kinsa ang mga sulat nga gisulat ni Pedro ug ngano?” sa Mga Tabang sa Kasulatan: Bag-ong Tugon.) Sa unang sulat ni Pedro, gitudlo niya ang mga baroganan nga makagiya kanato samtang kita mag-atubang sa mga pagsulay ug magsinati sa pag-antos. Awhaga ang mga estudyante sa paghunahuna mahitungod kon sa unsang paagi nila magamit kini nga mga baroganan sa kaugalingon nilang mga kinabuhi.

Dapita ang mga estudyante sa pagporma og mga grupo sa tinagtulo, ug hatagi ang mga estudyante sa handout nga “Giya nga mga Baroganan Atol sa mga Panahon sa Pagsulay ug Pag-antos.”

Human ang mga estudyante makatudlo sa matag usa, mahimo nimo silang dapiton sa pagpakigbahin sa ilang nakat-onan sa ilang mga panaghisgot diha sa grupo. Mahimo usab nilang isulat sa pisara ang mga baroganan nga ilang nakat-onan samtang ilang ipakigbahin.

Mahimo ninyong dungang basahon ug hisgotan ang 1 Pedro 2:19–24. Ikonsiderar ang pagpangutana sa mosunod nga mga pangutana aron mapalawman ang inyong panaghisgot:

• Unsa ang atong nakat-onan gikan sa ehemplo ni Jesukristo mahitungod sa paglahutay sa mga pagsulay? (Tabangi ang mga estudyante nga makasabot nga atol sa mga panahon sa kalisdanan, kita makapangita og kusog pinaagi sa pagsunod sa ehemplo ni Jesukristo.)

• Sa unsang paagi ang ehemplo ni Kristo makaimpluwensiya sa inyong kaugalingong pagtubag sa mga pagsulay ug pag-antos?

Mahimo nimong dapiton ang mga estudyante sa pagpamalandong sa mga baroganan nga ilang nahisgotan karon ug irekord kon sa unsang paagi nila magamit ang ilang nakat-onan. Awhaga ang mga estudyante sa pagpamalandong kon sa unsang paagi ang Manluluwas makatabang kanila.

Balik ngadto sa “Mga Opsiyon nga Kalihokan sa Pagkat-on.”

Ikonsiderar ang pagpakita sa mosunod nga pamahayag gikan ni Sister Rebecca L. Craven, kanhi Ikaduhang Magtatambag sa Kinatibuk-ang Kapangulohan sa Young Women:

Isip mga katawhan sa pakigsaad, dili kita kinahanglan nga moduyog sa uban diha sa kalibotan. Gitawag kita og “[usa ka] piniling katawhan” [1 Pedro 2:9]—unsa ka dako nga pagdayeg! Samtang ang mga impluwensya sa kalibotan nag-anam og dawat sa daotang mga butang, kinahanglan kitang maningkamot sa tanan natong kakugi nga magpabiling lig-on diha sa dalan nga magdala nato nga luwas ngadto sa atong Manluluwas, padak-an ang gilay-on tali sa atong pagsunod sa pakigsaad ug sa kalibotanon nga mga impluwensiya. (“Mabinantayon batok Dili Kaayo Magtagad,” Liahona, Mayo 2019, 10)

• Ngano kaha nga ang katawhan sa pakigsaad sa Ginoo dili unta isagol sa ubang bahin sa kalibotan?

• Ngano kaha nga mahagiton ang paglikay sa pakiglambigit sa tibuok kalibotan?

Dapita ang mga estudyante sa pagbasa sa 1 Pedro 2:9–10 ug sa pag-ila sa mga paagi nga gihulagway ni Pedro ang katawhan sa pakigsaad sa Ginoo. Mahimo nimong ilista diha sa pisara kini nga mga paghulagway.

• Unsa ang mensahe niini nga mga bersikulo alang sa katawhan sa pakigsaad sa Ginoo? (Mahimong mailhan sa mga estudyante ang usa ka kamatuoran nga sama sa mosunod: Ang katawhan sa pakigsaad sa Ginoo mga gipili, balaan, ug pinili nga katawhan.)

• Sa unsang paagi ang usa ka sumusunod ni Jesukristo mahimong gipili, balaan, ug “pinili”? (Alang sa konteksto kon sa unsang paagi si Pedro migamit sa pulong pinili, inyong mabasa sa “1 Pedro 2:9–10. Unsay ipasabot sa pagkahimong ‘gipili nga henerasyon’ ug ‘pinili nga katawhan’?” diha sa Mga Tabang sa Kasulatan: Bag-ong Tugon.)

• Sa unsang paagi nakatabang ninyo ang paghimo ug pagtuman sa mga pakigsaad aron mahimong lahi gikan sa tibuok kalibotan?

Ipakita ang mosunod mga tudling sa kasulatan: 1 Pedro 1:13–16, 21–23; 3:8–10, 15; 4:8–11. Isulat sa pisara ang mosunod nga dili kompletong pamahayag: Ako mahimong balaan, gipili, ug pinili nga sumusunod ni Jesukristo pinaagi sa …

Dapita ang mga estudyante sa pagtuon sa usa o daghan pa sa musunod nga gipakita nga mga tudling, nga mangita og mga paagi sa pagkompleto sa pamahayag diha sa pisara. Human sa paghatag og panahon sa mga estudyante sa pagtuon, dapita sila sa pagpakigbahin kon giunsa nila pagkompleto ang pamahayag. Samtang mopakigbahin sila, ikonsiderar ang pagpangutana sa mosunod aron mapalawom ang ilang pagkat-on:

• Nganong usahay mahimong mahagiton ang paggamit niini nga baroganan sa atong adlaw-adlaw nga mga kinabuhi?

• Kanus-a ninyo nakita kini nga baroganan nga gigamit?

• Kinsa ang mapanalanginan kon inyong gamiton kini nga baroganan?

Ikonsiderar ang pagtapos sa kalihokan sa pagkat-on pinaagi sa mosunod nga pamahayag ni Presidente Russell M. Nelson. Dapita ang mga estudyante sa pagkonsiderar kon unsaon nila nga mahimong balaan, gipili, ug pinili nga sumusunod ni Jesukristo.

Ang akong … pagdapit mao nga magpalahi kamo; pagpalahi sa kalibutan. Kamo ug ako nasayud nga kamo kinahanglan nga mahimong kahayag sa kalibutan. Busa, ang Ginoo nagkinahanglan ninyo nga makita, madungog, molihok, ug magsinina nga sama sa usa ka tinuod nga disipulo ni Jesukristo. …

Pagpakita og sumbanan alang sa tibuok kalibutan! Hangupa ang pagkalahi! (“Paglaum sa Israel” [tibuok kalibotan nga debosyonal sa kabatan-onan, Hunyo 3, 2018], Librarya sa Ebanghelyo)

Balik ngadto sa “Mga Opsiyon nga Kalihokan sa Pagkat-on.”

Ipakita ang mosunod nga sitwasyon:

Ipasabot nga si Pedro mitudlo og importanteng mga kamatuoran nga motubag sa mga kabalaka ni Isabella. Dapita ang mga estudyante nga magpares ug tun-an ang 1 Pedro 3:18–22; 4:6, nga mangita sa mga kamatuoran nga makatabang sa pagtubag sa kabalaka ni Isabella.

Ipakita ang mosunod nga tun-anan nga mga ideya aron sa pagtabang sa mga estudyante samtang sila mag-andam sa pagtubag ni Isabella.

• Pangita og usa o duha nga kasulatan sa Pagpahiuli nga maghatag og dugang panabot ngadto sa mga tudling sa 1 Pedro. Mahimo nimong sugdan sa Giya sa mga Kasulatan, “Kaluwasan Alang sa mga Patay,” Librarya sa Ebanghelyo.

• Basaha ang Topics and Questions, “Baptisms for the Dead,” Gospel Library.

• Gamita ang pagpangita nga himan sa Librarya sa Ebanghelyo sa pagpangita kon unsa ang gisulti sa mga propeta sa modernong panahon ug mga apostol mahitungod sa 1 Pedro 3:18–22; 4:6.

Human mahatagan og panahon ang mga estudyante sa pagtuon, dapita sila nga magkauban sa samang pares o lain nga pares ug magpulipuli sa pagpakigbahin sa tubag nga ilang giandam alang kang Isabella. Samtang magtudlo ang mga estudyante sa matag usa, maglakaw-lakaw ka klasrom aron maminaw ug magkat-on sa ilang mga tubag.

Human magtudlo ang mga estudyante sa matag usa, paggahin og panahon aron pagseguro nga ilang makita ang koneksiyon tali sa kaluwasan alang sa mga patay ug sa gugma sa Dios. Ikonsiderar ang pagpangutana sa mosunod:

• Unsay inyong nakat-onan mahitungod sa kinaiya ni Jesukristo pinaagi sa Iyang pangalagad ngadto sa kalibotan sa mga espiritu? (Mahimong mailhan sa mga estudyante ang usa ka kamatuoran nga sama sa mosunod: Ang pangalagad ni Jesukristo ngadto sa kalibotan sa espiritu nagpakita sa Iyang gugma kanato ug sa Iyang tinguha sa pagtanyag og kaluwasan sa tanang tawo.)

• Sa unsa nga paagi nga kining kamatuoran nakaimpluwensya sa inyong pagsabot ni Jesukristo?

• Unsaon ninyo sa pagsunod sa ehemplo sa Manluluwas ug sa pagpakita sa inyong gugma ug pagpakabana alang niadtong namatay na nga walay ebanghelyo?

Ikonsiderar ang pagpakigbahin sa mosunod nga pamahayag ni Presidente Russell M. Nelson:

Pinaagi sa paghimo alang sa uban sa unsay dili nila mahimo sa ilang kaugalingon, atong gisunod ang sundanan sa Manluluwas, kinsa naghimo sa Pag-ula aron mapanalanginan ang mga kinabuhi sa ubang mga tawo. (“Personal Preparation for Temple Blessings,” Ensign, May 2001, 34)

Kon aduna pay panahon, dapita ang mga estudyante sa pag-abli sa FamilySearch nga website o ang Family Tree nga app ug sa pagpangita sa mga katigulangan kinsa nagkinahanglan sa mga ordinansa. Awhaga ang mga estudyante sa pagtakda og usa ka tumong sa pagtambong sa templo o pagsumiter og mga ngalan sa pamilya alang sa mga ordinansa sa templo.

Balik ngadto sa “Mga Opsiyon nga Kalihokan sa Pagkat-on.”

Mahimo nimong ipakita ang litrato sa Manluluwas ug pangutan-a ang mga estudyante kon unsa ang ilang ganahan kaayo mahitungod Kaniya. (Mahimo silang molista og tulo hangtod lima ka butang diha sa ilang mga journal sa dili pa ipakigbahin diha sa klase.) Isulat ang mga tubag sa mga estudyante sa palibot sa litrato sa Manluluwas. Dayon dapita ang mga estudyante sa pagpakigbahin nganong ganahan sila niadtong mga hiyas o mga kinaiya sa Manluluwas.

Ipasabot nga si Pedro nagpasabot niini nga mga hiyas isip “[ang] diosnong kinaiya” (2 Pedro 1:4) ug sa pagpahayag sa iyang tinguha alang sa mga Santos nga makaangkon niining sama nga mga hiyas. Ipasabot sa mga estudyante nga ang pagkahimong “mag-aambit sa diosnong kinaiya” nagpasabot sa pag-angkon sa kinaiya ug mga hiyas sa Langitnong Amahan ug ni Jesukristo.

Dapita ang mga estudyante sa pagtuon sa 2 Pedro 1:1–8 ug markahi ang mga pulong o mga hugpong sa mga pulong nga may kalabotan sa “[ang] diosnong kinaiya.”

• Unsay inyong nakat-onan gikan niini nga mga bersikulo bahin sa inyong potensiyal? (Mahimong mailhan sa mga estudyante ang mga kamatuoran nga sama sa mosunod: Uban sa tabang sa Manluluwas, kita mahimong sama sa atong Amahan sa Langit ug ni Jesukristo.)

• Unsa ang inyong gibati sa pagkasayod nga gusto sa Langitnong Amahan ug ni Jesukristo nga kamo mahimong sama Kanila?

• Nagnong mahagiton ang pagkahimong sama sa Langitnong Amahan ug ni Jesukristo?

Dapita ang mga estudyante sa pagpili og usa ka hiyas nga gusto nilang mas masabtan ug mas hingpit nilang ilakip sa ilang mga kinabuhi. Hatagi ang mga estudyante og panahon sa pagtuon sa hiyas nga ilang gipili. Mahimo silang mogamit og usa o mas daghan pa sa mosunod nga mga kapanguhaan:

• “Kapitulo 6: Pagtinguha og Kristohanon nga mga Hiyas” sa Isangyaw ang Akong Ebanghelyo: Usa ka Giya sa Pagpakigbahin sa Ebanghelyo ni Jesukristo (2023), 123–38, Librarya sa Ebanghelyo

• Giya ngadto sa mga Kasulatan sa Librarya sa Ebanghelyo

• Pagpangita nga himan sa Librarya sa Ebanghelyo

• Mga Hilisgotan sa Kinatibuk-ang Komperensiya nga himan sa Librarya sa Ebanghelyo

Ipakita ang mosunod nga mga pangutana ug dapita ang mga estudyante sa pagrekord sa ilang mga hunahuna:

• Unsaon ninyo sa paghulagway niini nga hiyas ngadto sa usa ka tawo nga nagkat-on mahitungod niini sa unang higayon?

• Sa unsa nga paagi gipakita ni Jesukristo kini nga hiyas?

• Unsay inyong mahimo aron mapalambo kini nga hiyas?

Human ang mga estudyante dunay panahon sa pagtuon sa ilang gipili nga hiyas, dapita sila sa pagpakigbahin ngadto sa ilang pares kon unsay ilang nakat-onan.

Aron sa pagtabang sa mga estudyante nga makasabot unsa nga tabang ang ilang madawat pinaagi ni Jesukristo, mahimo ninyong dungan nga basahon ang mosunod nga pamahayag gikan sa Isangyaw ang Akong Ebanghelyo:

• Nganong mahinungdanon nga iapil ang Langitnong Amahan ug si Jesukristo sa inyong mga paningkamot nga mahimong sama Kanila?

• Unsa ang inyong buhaton aron malakip si Jesukristo samtang kamo naningkamot sa pagpalambo sa hiyas nga inyong napili? (Awhaga ang mga estudyante sa pagrekord sa ilang mga hunahuna ug mga impresyon.)

Balik ngadto sa “Mga Opsiyon nga Kalihokan sa Pagkat-on.”