Mateo 27; Marcos 15; Lucas 23; Juan 19

Mahimo nimong sugdan ang klase pinaagi sa pagpakita og pipila ka hulagway sa pag-antos sa Manluluwas nga mosangpot ngadto ug atol sa Paglansang sa Krus. Dapita ang mga estudyante sa pagpakigbahin kon unsa nga mga hunahuna ug mga pagbati ang anaa kanila samtang sila naghunahuna mahitungod sa unsay Iyang giantos.

Isulat ang mosunod nga mga pakisayran sa kasulatan diha sa pisara: Mateo 27:26–50; Marcos 15:15–37; Lucas 23:33–46; Juan 19:16–30. Bahin-bahina ang mga estudyante ngadto sa gagmay nga mga grupo. Dapita ang matag sakop sa grupo sa pagbasa og usa o dugang pa sa mga tudling.

Human mahatagi ang mga estudyante og panahon sa pagtuon, ipahisgot sa mga sakop sa grupo sa usag usa kon unsa ang ilang gihunahuna ug gibati samtang nagbasa sila mahitungod sa pag-antos sa Manluluwas.

Ikonsiderar ang pagpakigbahin ug paghisgot sa mosunod nga kahimtang:

• Unsaon ninyo sa pagtubag kini nga pangutana?

• Unsa nga mga kasulatan ang labing makatabang sa pagtubag niini nga pangutana?

Ipasabot nga ang pipila sa labing makahatag og panabot nga mga tudling kon nganong si Jesukristo nag-antos ug namatay makita diha sa mga kasulatan sa Pagpahiuli (tan-awa sa “Paggamit sa Kasulatan sa Pagpahiuli aron Masabtan ang Biblia” diha sa Mga Kahanas sa Pagtuon sa Kasulatan). Isulat ang mosunod nga mga pakisayran sa kasulatan diha sa pisara: 2 Nephi 9:21–23; Alma 7:12–14; Helaman 14:15–18; 3 Nephi 11:11–14; Doktrina ug mga Pakigsaad 19:16–19.

Dapita ang mga sakop sa grupo sa pagbasa sa usa sa mga tudling, mangita kon unsay gitudlo sa mga bersikulo kon nganong si Jesukristo kinahanglang mag-antos ug mamatay. Human mahatagi ang mga estudyante og panahon sa pagtuon, hangyoa ang mga sakop sa grupo sa pagpakigbahin ngadto sa usag usa kon unsa ang ilang nakaplagan.

Ikonsiderar ang paghisgot sa mosunod nga mga pangutana isip usa ka klase:

• Nganong importante man nga ilakip ang kasulatan sa Pagpahiuli sa atong pagtuon sa kinabuhi sa Manluluwas?

• Unsa nga mga kamatuoran ang imong nadiskobrehan niini nga mga tudling sa kasulatan sa Pagpahiuli kon nganong si Jesukristo kinahanglang mag-antos ug mamatay? (Ang mga tubag mahimong maglakip sa mga kamatuoran sama sa mosunod: Si Jesukristo nag-antos sa mga sakit ug mga kasakit sa tanang matang aron Siya mahibalo kon unsaon sa pag-abag, pag-ayo, ug paglig-on kanato. Si Jesukristo nag-antos ug namatay aron sa pagpahinabo sa Pagkabanhaw sa mga patay. Nag-antos si Jesukristo aron kita makahinulsol sa atong mga sala.)

• Giunsa niini nga mga kamatuoran pag-impluwensiya sa paagi nga ikaw naghunahuna ug mibati mahitungod sa pag-antos ug Paglansang sa Manluluwas?

Ikonsiderar ang pagpakita sa mosunod nga pamahayag ni Bishop Gérald Caussé:

Bisan kon kini walay kinutoban ug malukpanon, ang pag-ula sa Ginoo sa talagsaong paagi personal ug hinasa nga gasa, nga moangay sa matag usa kanato. Sama sa pagdapit ni Jesus sa matag usa sa Nephite nga mga disipulo nga mobati sa Iyang mga samad, namatay Siya alang sa matag usa kanato, sa personal nga paagi, sama nga kamo o ako ra ang tawo sa yuta. Iyang gipadangat kanato ang personal nga pagdapit nga moduol Kaniya ug mogamit sa talagsaong mga panalangin sa Iyang Pag-ula. (“Usa ka Buhi nga Saksi sa Buhi nga Kristo,” Liahona, Mayo 2020, 40)

• Nganong importante man nga makasabot nga si Jesukristo personal nga nag-antos ug namatay alang kaninyo?

• Unsa ang inyong mahimo aron magpakita sa inyong pasalamat alang sa pag-antos sa Manluluwas alang kaninyo? (Awhaga ang mga estudyante sa pagrekord sa ilang mga hunahuna ug mga impresyon.)

Balik ngadto sa “Mga Opsiyon sa Kalihokan sa Pagkat-on.”

Dapita ang mga estudyante sa paghunahuna sa kataposang higayon nga nakasinati sila og makaugtas nga sitwasyon. Dayon hangyoa sila sa pagpamalandong kon unsay atong makat-onan mahitungod sa atong kaugalingong kinaiya kon kita mag-atubang og kalisdanan.

Ikonsiderar ang pagpakita sa mosunod nga hulagway sa Paglansang sa Manluluwas. Mahimo nimong daklit nga ipakigbahin kon unsa sama ang paglansang pinaagi sa pagrebyo sa “Mateo 27:22–50. Unsa ang atong nahibaloan mahitungod sa paglansang?” diha sa Mga Tabang sa Kasulatan: Bag-ong Tugon.

Ipasabot nga ang mga lihok ug mga pulong sa Manluluwas samtang Siya nakasinati og dili mahanduraw nga kaugtas ug pag-antos diha sa krus naghatag kanato og pagsabot sa Iyang diosnong kinaiya.

Isulat ang mosunod nga mga pakisayran sa kasulatan diha sa pisara (ayaw ilakip ang mga pulong nga anaa sa parentheses). Dapita ang mga estudyante sa pagpangita niining mga tudling sa kasulatan ug sa pag-ila sa kataposang mga pulong sa Manluluwas. Ipasulat sa pipila ka estudyante ang mga pulong sa Manluluwas diha sa pisara tupad sa ilang katugbang nga mga pakisayran.

• Lucas 23:34 (“Amahan, pasayloa sila; kay wala sila mahibalo sa ilang gibuhat.”)

• Lucas 23:43 (“Sultihan ko ikaw, karong adlawa adto ka sa paraiso uban kanako.”)

• Juan 19:26–27 (“Babaye, tan-awa ang imong anak! … Tan-awa ang imong inahan!”)

• Mateo 27:46 (“Dios ko, Dios ko, nganong gibiyaan mo ako?”)

• Juan 19:28 (“Giuhaw ako.”)

• Juan 19:30 (“Natapos na.”)

• Lucas 23:46 (“Amahan, nganha sa imong mga kamot itugyan ko ang akong espiritu.”)

Dapita ang mga estudyante sa pagpakigbahin sa unsay ilang nakita nga mahinungdanon mahitungod sa kataposang natala nga mga pamahayag sa Manluluwas. (Ang mosunod nga mga entry sa Mga Tabang sa Kasulatan: Ang Bag-ong Tugon mahimong makatabang sa pagpalambo sa inyong panaghisgot: “Mateo 27:46. Ngano nga si Jesus mibati nga gibiyaan?” ug “Juan 19:30. Unsa ang mahinungdanon mahitungod sa pamahayag sa Manluluwas nga, ‘Natapos na’?”)

• Unsa ang matudlo kaninyo sa mga pulong sa Manluluwas mahitungod sa Iyang kinaiya samtang Siya nag-antos didto sa krus? (Ang mga estudyante mahimong moila sa mga kamatuoran sama sa mosunod: Bisan samtang Siya nag-atubang og makalilisang nga pag-antos, si Jesukristo naghunahuna mahitungod sa mga panginahanglan sa uban. Nag-atubang og kalisdanan, si Jesukristo milahutay hangtod sa kataposan.)

• Sa unsang paagi nga ang pagkahibalo niini nga mga kamatuoran mahitungod sa Manluluwas makaimpluwensiya sa inyong mga pagbati alang Kaniya?

Aron matabangan ang mga estudyante nga makasabot sa unsay ipasabot sa pagbaton og Kristohanong kinaiya kon mag-atubang og kalisdanan, basaha ug hisgoti ang mosunod nga pamahayag ni Elder David A. Bednar.

Ang kinaiya mapakita pinaagi sa pagtan-aw ug pagtabang sa uban kon ugaling mosukmat man ang kinaiyanhon natong pagkatawo ug atong reaksyon nga kaugalingon ra ang hunahunaon. … Sa tibuok Niyang mortal nga pangalagad, ug ilabi na atol sa mga panghitabo nga nagpadulong ug naglakip sa maulaong sakripisyo, ang Manluluwas sa kalibotan naghunahuna sa uban—kon ang kinaiyanhon nga lalaki o babaye sa kadaghanan kanato motutok sa kaugalingon. (sa Sarah Jane Weaver, “Elder Bednar Urges Mission Leaders to Seek to Develop ‘Essential Elements of a Christlike Character,’” Church News, July 9, 2019, newsroom.ChurchofJesusChrist.org)

Mahimo nimong dapiton ang mga estudyante sa pag-ila sa mga paagi nga sila maghunahuna sa uban samtang sila nag-atubang sa mga hagit sa ilang mga kinabuhi.

Balik ngadto sa “Mga Opsiyon sa Kalihokan sa Pagkat-on.”

Ipakita ang mosunod nga pamahayag ni Elder Ulisses Soares:

Ang pamphlet nga Alang sa Kalig-on mga sa Kabatan-onan naglangkob sa mosunod nga tambag … : “Pagbaton og moral nga kaisog sa pagbarog nga lig-on sa pagsunod sa kabubut-on sa Dios, bisan kon kamo kinahanglang mobarog nga mag-inusara” ([booklet, 2011], 2). (“Oo, Kita Makahimo ug Modaog Gayod!,” Liahona, Mayo 2015, 75)

• Nganong importante man nga magpakabuhi nga adunay moral nga kaisog?

Ipasabot nga kita makakat-on og importante nga mga leksiyon mahitungod sa moral nga kaisog pinaagi sa pagtandi sa mga lihok ni Jesukristo ug ni Poncio Pilato (tan-awa sa “Pagpangita og mga Kalainan diha sa mga Kasulatan” diha sa Mga Kahanas sa Pagtuon sa Kasulatan). Hatagi ang mga estudyante sa kauban nga handout. Mahimong makigtambayayong sila sa usa ka kauban o diha sa usa ka gamay nga grupo.

Ipakita ang mosunod nga kamatuoran: Nagsunod kita sa ehemplo sa moral nga kaisog sa Manluluwas kon naningkamot kita sa pagbuhat sa kabubut-on sa Dios sa tanang kahimtang.

Dapita ang mga estudyante sa paggamit niini nga kamatuoran pinaagi sa pagbuhat og usa o daghan pa sa mosunod nga sila ra, diha sa gagmay nga mga grupo, o isip usa ka klase:

• Paghimo og lista sa sosyal, kultural, o moral nga mga hagit nga inyong giatubang nga mahimong magkinahanglan og moral nga kaisog.

• Hisgoti kon unsaon ninyo sa pagsunod sa ehemplo sa Manluluwas ug sa pagpalambo sa moral nga kaisog sa pagbuhat sa unsay matarong kon mag-atubang og lisod nga mga kahimtang.

• Ipakigbahin ang mga kasinatian nga nakatabang kanimo sa pagpalambo sa moral nga kaisog sa pagbuhat sa unsay husto sa higayon nga nag-atubang og lisod nga mga kahimtang.

• Ipakigbahin ang mga ehemplo sa mga young adult nga imong nailhan kinsa mipakita og moral nga kaisog sa dihang miatubang og lisod nga mga kahimtang.

Aron sa pagdasig sa mga estudyante sa paglihok sa unsay ilang nakat-onan, mahimo nimong hatagan sila og panahon sa pagpamalandong ug sa pagrekord kon unsaon nila sa pagkompleto ang mosunod nga pamahayag: Mosunod ko sa ehemplo sa moral nga kaisog sa Manluluwas pinaagi sa …

Balik ngadto sa “Mga Opsiyon sa Kalihokan sa Pagkat-on.”