2 Mga Taga-Corinto 8–13

Mahimo ninyong sugdan sa usa ka senaryo nga sama sa mosunod:

• Ngano nga lisod man usahay ang paghibalo kon unsaon pagtabang niadtong nanginahanglan?

Atol niini nga diskusyon, dapita ang mga estudyante sa pagtinguha og inspirasyon kon unsaon nila nga makahatag og kahupay niadtong anaa sa ilang palibot.

Ipasabot nga diha sa 2 Mga Taga-Corinto 8–9, gitambagan ni Pablo ang mga Taga-Corinto nga mga Santos sa pag-atiman sa mga kabos ug sa ubang mga tawo nga nanginahanglan. Ipakita ang mosunod nga mga pangutana ug mga tudling. Dapita ang mga estudyante nga magtinabangay diha sa gagmay nga mga grupo sa pagtuon sa mga tudling ug mangita og mga kamatuoran nga motubag sa may kalabotan nga mga pangutana:

• Unsa ang akong nakat-onan gikan sa Manluluwas mahitungod sa pagpanghatag ngadto sa mga kabos? Basaha ang 2 Mga Taga-Corinto 8:1–5, 9.

• Unsa kadaghan ang angay nakong ihatag? Basaha ang 2 Mga Taga-Corinto 9:6 (tan-awa usab sa Alma 1:30).

• Unsa ang angay nakong kinaiya kon maghatag ngadto sa nanginahanglan? Basaha ang 2 Mga Taga-Corinto 8:12; 9:7 (tan-awa usab sa Moroni 7:6–8).

• Sa unsang paagi ang paghatag nalambigit sa pagpasalamat? Basaha ang 2 Mga Taga-Corinto 9:11–15.

Human sa paghatag og panahon alang sa grupo nga pagtuon, dapita ang mga estudyante nga isulat sa pisara ang mga kamatuoran nga ilang nakaplagan nga nakatabang sa pagtubag sa mga pangutana. (Mahimo nilang ilhon ang mga kamatuoran nga sama sa mosunod: Ang pagsabot kon unsa ang gihatag sa Manluluwas kanato makatabang nato nga mahimong mas matinguhaon sa paghatag nga mohatag sa uban. Gusto sa Dios nga matinguhaon kitang mohatag bisan kon kita walay bisan unsang butang nga ikahatag. Kon mohatag kita nga madagayaon ngadto sa nanginahanglan, ang Dios madagayaon nga mopanalangin kanato. Gihigugma sa Dios ang malipayon nga tighatag. Ang paghupay sa gusto sa uban usa ka paagi sa pagpasalamat sa Dios.)

Ikonsiderar ang paghisgot sa pipila niining mosunod nga mga pangutana aron sa pagtabang sa mga estudyante nga mapalawman ang ilang pagsabot niini nga mga kamatuoran.

• Sa unsang paagi nga ang pagpamalandong sa kinabuhi ug misyon sa Manluluwas makapadasig kaninyo sa paghatag ngadto sa uban?

• Unsaon ninyo pagkahimong manggihatagon sa uban kon kamo wala kaayoy daghang ikahatag?

• Unsa ang makatabang ninyo nga mahimong malipayon nga tighatag? Sa unsang paagi kamo napanalanginan sa usa ka malipayon nga tighatag?

• Sa unsang paagi ang paghatag ngadto sa uban makapadayag og pasalamat ngadto sa Dios?

Mahimo kamong magdungan sa paghisgot og piho nga mga paagi nga makasunod kita sa sugo sa Ginoo sa pag-atiman niadtong nanginahanglan. Isip kabahin niini nga diskusyon, mahimo ninyong dapiton ang mga estudyante sa pagpakigbahin og mga panig-ingnan nga nakita nila sa ilang kaugalingong kinabuhi.

Ikonsidear ang pagtapos niini nga kalihokan pinaagi sa pagpakigbahin sa mosunod nga pahayag ni Presidente Jeffrey R. Holland:

Wala gyod ko masayod unsaon sa matag usa ninyo pagtuman sa inyong obligasyon ngadto sa dili o wala makatabang kanunay sa ilang mga kaugalingon. Apan nasayod ko nga nahibalo ang Dios, ug Siya motabang ug mogiya kaninyo sa inyong manggiloy-ong mga buhat sa pagkadisipulo kon mahunahunaon ug mainampoon ug mangita kamo og paagi sa pagsunod sa sugo nga balik-balik Niyang gihatag kanato. (“Dili ba Kitang Tanan Makililimos?,” Liahona, Nob. 2014, 41)

Hatagi ang mga estudyante og panahon sa pagpamalandong kon unsa ang personal nilang mahimo sa pagtabang og tawo nga nanginahanglan. Dasiga ang mga estudyante sa pagrekord sa ilang plano.

Balik ngadto sa “Mga Opsiyon nga Kalihokan sa Pagkat-on.”

Mahimo ninyong sugdan sa mosunod nga senaryo:

• Unsa ang nakita ninyo nga mga problema sa pamaagi ni Mary?

• Sa unsang paagi kini nga pamaagi mosangpot ngadto sa pagpanglingla?

Ipasabot nga sa panahon ni Pablo, ang ubang mga Santos nga taga-Corinto nakasugat og dili tinuod nga apostoles nga miilad sa katawhan.

Dapita ang mga estudyante sa pagbasa sa 2 Mga Taga-Corinto 11:3–4, 13–15, mangita kon sa unsang paagi si Satanas nagtinguha sa paglingla kanato.

• Sumala ni Pablo, sa unsang paagi kita malingla? (Mahimong maila sa mga estudyante ang usa ka kamatuoran nga sama sa mosunod: Si Satanas mogamit og dili tinuod nga mga magtutudlo ug makalingla nga mga binuhatan aron mapalayo kita gikan ni Jesukristo.)

• Sa unsang paagi ang Apostoles sa Ginoo, sama ni Pablo, mopanalipod kanato gikan sa pagpanglingla?

• Sa unsang paagi nga ang buhing mga propeta ug apostoles sa Ginoo nakatabang ninyo nga makalikay sa paglingla? Sa unsang paagi sila nakatabang ninyo nga makatutok kanunay ni Jesukristo?

Dapita ang mga estudyante sa paghunahuna nga sila mao si Mary, ug imbis nga maminaw ug mobasa sa masupilon nga mga pagtulun-an, modangop sila sa mga propeta ug apostoles sa Ginoo. Mahimo ninyng ipatan-aw ang mga estudyante sa Librarya sa Ebanghelyo ug mangita sa usa sa mosunod nga mga kapanguhaan aron makita kon unsa ang gitudlo sa mga propeta ug apostoles mahitungod ni Jesukristo:

• “Linain nga mga Saksi ni Kristo”

• “Ang Buhi nga Kristo: Ang Pagpamatuod sa Apostoles”

• Ang hilisgotan nga “Jesukristo” sa Kinatibuk-ang Komperensiya

Human sa igong panahon, dapita ang mga estudyante sa pagpakigbahin ngadto sa iyang kapares o sa klase kon unsa ang ilang nadiskobrehan. Mahimo kamong mangutana sama sa mosunod:

• Unsa ang gitudlo sa mensahe nga inyong gitun-an mahitungod ni Jesukristo?

• Sa unsang paagi ang inyong gibasa naka-impluwensiya sa inyong mga hunahuna o pagbati mahitungod sa Manluluwas?

• Sa unsang paagi ang pagtuon sa mga pulong sa mga propeta ug apostoles sa Ginoo nakatabang ninyo nga makasabot sa kamatuoran mahitungod ni Jesukristo? Sa unsang paagi kini nakapanalipod kaninyo aron dili malingla?

Sa pagtapos, mahimo ninyong i-display ang mosunod nga pamahayag ni Presidente Russell M. Nelson:

Walay kataposan ang mga pagpanglimbong sa kaaway. Palihog pangandam. Ayaw gayod pangayog tambag niadtong wala motuo. Pangita og giya gikan sa mga tingog nga inyong kasaligan—gikan sa mga propeta, mga manalagna, ug mga tigpadayag, ug gikan sa mga pag-aghat sa Espiritu Santo, kinsa “mopakita nganha kaninyo sa tanan nga mga butang nga kinahanglan ninyong buhaton” [2 Nephi 32:5]. (“Paghunahuna og Celestial!,” Liahona, Nob. 2023, 119)

Awhaga ang mga estudyante sa pagkonsiderar kon unsa ang ilang mahimo aron ang mga pulong sa mga propeta ug apostoles mahimong makahuluganon nga bahin sa ilang kinabuhi.

Balik ngadto sa “Mga Opsiyon nga Kalihokan sa Pagkat-on.”

Dapita ang mga estudyante sa pagpakigbahin og mga hagit o mga kahuyang nga giatubang sa mga young adult. Ilista sa pisara ang ilang mga tubag. Dayon hatagi ang mga estudyante og panahon sa paghunahuna og personal nga hagit o kahuyang nga ilang gipaningkamotan sa pagbuntog. Dapita sila sa paghunahuna sa ilang personal nga hagit o kahuyang atol niining kalihokan sa pagkat-on ug sa pagrekord sa bisan unsang pag-aghat nga ilang madawat.

Ipasabot nga diha sa 2 Mga Taga-Corinto 12:1–6, si Apostol Pablo naghisgot sa talagsaong panan-awon nga iyang nakita. Human maghisgot mahitungod niini nga panan-awon, naghisgot dayon siya mahitungod sa kahuyang nga iyang giatubang. Dapita ang klase sa pagbasa sa 2 Mga Taga-Corinto 12:7–10, mangita kon giunsa ni Pablo paghulagway sa iyang kahuyang. Samtang magpakigbahin ang mga estudyante sa ilang nakaplagan, ikonsiderar ang pagpakita og hulagway sa mga tunok sama sa mosunod:

• Unsa ang inyong nakita nga mahinungdanon mahitungod sa pagtandi ni Pablo sa iyang hagit o kahuyang ngadto sa “usa ka tunok sa unod”? (bersikulo 7). (Pahinumdom: Tingali makatabang ang paghatag og kahulogan sa lisod nga mga pulong ug ang pagpakigbahin sa entry nga “2 Mga Taga-Corinto 12:7–9: Unsa ang tunok nga nakahasol ni Pablo?” diha sa Mga Tabang sa Kasulatan: Bag-ong Tugon.)

Dapita ang mga estudyante sa pagbasa sa 2 Mga Taga-Corinto 12:8–10, nga mangita kon unsay nakat-onan ni Pablo samtang nangayo siya og tabang sa Ginoo.

• Unsay inyong nakat-onan mahitungod sa mga panlimbasog ni Pablo?

• Unsa nga hugpong sa mga pulong ang nagpabilin sa inyong hunahuna? Ngano man? (Mahimo kamong modapit sa mga estudyante sa pagpili og hugpong sa mga pulong nga nakita nila nga makapadasig kaayo ug sa paggahin og pipila ka minuto sa pagmemorya niini. Tingali usa kini ka maayong dapit sa pagpraktis sa kahanas sa “Memorizing Scripture” diha sa Scripture Study Skills).

• Unsa nga mga kamatuoran ang inyong nakat-onan mahitungod sa Manluluwas gikan sa kasinatian ni Pablo? (Mahimong maila sa mga estudyante ang mga kamatuoran sama sa mosunod: Ang grasya ni Jesukristo igo na nga mopalig-on nato sa atong mga kahuyang. Ang Ginoo dili kanunayng motangtang sa atong mga hagit, apan molig-on Siya nato samtang ato kining gilahutay sa matinud-anon nga paagi.)

• Sa unsang paagi ang pagkat-on niini nga mga kamatuoran makaapekto sa paagi nga kamo motubag sa inyong personal nga mga kahuyang o mga kakulangan?

Ang mga estudyante mahimong magporma og gagmay nga mga grupo ug magtuon sa “Grasya” sa Mga Hilisgotan ug mga Pangutana (Librarya sa Ebanghelyo). Dapita sila sa pagpangita og mga rason ngano nga ang grasya sa Manluluwas igo alang nila. Human makapakigbahin ang mga estudyante sa ilang nakaplagan, ikonsiderar ang paghisgot og dungan sa mosunod nga mga pangutana isip usa ka klase:

• Unsay inyong nakat-onan karon mahitungod sa Manluluwas nga nakadasig ninyo o nakatabang ninyo?

• Kanus-a kamo mibati ni Jesukristo nga naglig-on ninyo pinaagi sa inyong mga kahuyang? (Isip kabahin sa inyong panaghisgot niini nga pangutana, ikonsiderar ang pagtan-aw sa bidyo nga “Let God Guide You: From Weakness to Strength” [6:06]. Dapita ang mga estudyante sa pagpangita ug sa paghisgot sa mga pagtulun-an ni Pablo gikan sa 2 Mga Taga-Corinto 12 nga gihatagan og panig-ingnan niini nga bidyo.)

  

  6:7

Mahimo ninyong taposon pinaagi sa pagpakigbahin sa mosunod nga pamahayag ni Bishop Gérald Caussé:

Ang Dios dili Dios sa bantogang mga bayani, ni sa mga tawo nga walay mga kahuyang. Ang maong mga binuhat wala dinhi sa kalibotan! Ang Dios motabang sa mga tawo nga sama ninyo ug nako, kinsa nakahibalo sa mga kinutoban ug kahuyang sa ilang kondisyon ug nagtinguha sa Iyang tabang ug giya. …

… Samtang inyong … ibutang ang inyong pagsalig diha sa Ginoo, makita ninyo ang inyong mga kahuyang nga mahimong mga kalig-on pinaagi sa gahom ug grasya sa Iyang Pag-ula. (“For When I Am Weak, Then Am I Strong” [Brigham Young University devotional, Dec. 3, 2013], 3, 6–7, speeches.byu.edu)

Hatagi og panahon ang mga estudyante sa paghunahuna kon unsaon nila paggamit ang mga kamatuoran nga ilang nakat-onan ngadto sa ilang personal nga mga sirkumstansiya. Awhaga sila sa pagrekord sa ilang plano ug sa espirituwal nga mga impresyon nga ilang nadawat.

Balik ngadto sa “Mga Opsiyon nga Kalihokan sa Pagkat-on.”