Mga Buhat 6–9

Dapita ang mga estudyante sa paghunahuna og usa ka mensahe gikan sa propeta nga sa sinugdan ilang nakita nga mahagiton nga dawaton. Ipakita ang mosunod nga mga tubag, ug dapita ang mga estudyante sa pagpili og usa nga labing haom sa kon unsa ang ilang gibati.

• Bukas ako sa mensahe.

• Mibati ako og pagsukol sa mensahe.

• Mibati ako og kasuko ug pagsupak sa mensahe.

Ipasabot nga sa Mga Buhat 6–7, atong mailhan ang usa ka lider sa Simbahan nga ginganlan og Esteban. Mihatag siya og wali nga wala mauyoni sa pipila ka lider sa Hudeyo. Samtang magtuon ang mga estudyante niini nga asoy, dapita sila sa paghunahuna mahitungod sa unsay ilang makat-onan gikan ni Esteban ug sa mga lider sa Hudeyo.

Ipakita ang mosunod nga mga pangutana ug mga kapanguhaan. Dapita ang mga estudyante sa pagtuon sa mga tudling aron mas masabtan nila ang konteksto ug ang sulod sa mensahe ni Esteban (tan-awa sa kahanas “Pagsabot sa mga Kasulatan gikan sa Kinatibuk-ang Mensahe” diha sa Mga Kahanas sa Pagtuon sa Kasulatan).

1. Unsa ang atong nahibaloan mahitungod sa calling ni Esteban sa Simbahan? (Basaha ang Mga Buhat 6:1–8.)

2. Unsa ang atong nahibaloan mahitungod sa mga tawo nga gitudloan ni Esteban? (Basaha ang Mga Buhat 6:9–15.)

3. Basaha ang “Mga Buhat 7:1–53. Sa unsang paagi gigamit ni Esteban ang biblikanhong kasaysayan sa pagpanalipod sa iyang kaugalingon?” diha sa Mga Tabang sa Kasulatan: Bag-ong Tugon.

Human magtugot og panahon sa pagtuon, dapita ang mga estudyante sa pagpakigbahin sa unsay ilang nakat-onan mahitungod ni Esteban, sa iyang mga tigpaminaw, ug sa iyang mensahe.

Basaha og dungan ang Mga Buhat 7:51–60 o tan-awa ang “The Martyrdom of Stephen” (gikan sa time code 3:00 hangtod sa 5:43). Mahimo nimong ipangutana ang usa o mas daghan pa sa mosunod nga mga pangutana:

5:43

• Unsa kaha ang gipasabot sa pagsukol ngadto sa Espiritu Santo?

• Unsa ang nahitabo sa mga tawo samtang sila misukol sa Espiritu Santo? (Tabangi ang mga estudyante nga makasabot nga kon kita mosukol sa Espiritu Santo, mas lagmit nga atong isalikway ang Ginoo ug ang Iyang awtorisadong mga sulugoon.)

• Unsa ang nahitabo kang Esteban dihang iyang giablihan ang iyang kasingkasing ngadto sa Espiritu Santo? (Tabangi ang mga estudyante nga makasabot nga kon kita modawat sa Espiritu Santo, kita mas mapaduol ngadto ni Jesukristo ug sa Langitnong Amahan.)

• Unsa ang pipila ka ehemplo kon sa unsang paagi kita mosukol sa Espiritu Santo sa atong panahon?

Dapita ang mga estudyante sa paghunahuna og usa ka higayon nga sila mibati nga natintal sa pagsukol sa Espiritu Santo. Mahimo dayon nilang itandi kini nga kasinatian sa panahon nga giablihan nila ang ilang kasingkasing ngadto sa Espiritu Santo. Samtang itandi sa mga estudyante kini nga mga kasinatian, iparekord nila ang mga pulong o mga hugpong sa mga pulong nga naghulagway sa kalainan. Dapita ang mga estudyante sa pagpakigbahin sa ilang mga panabot. Aron makatabang niini nga panaghisgot, mahimo ninyong tan-awon ang “Feeling the Holy Ghost” (3:17).

3:18

Mahimo nimong taposon ang kalihokan sa pagkat-on pinaagi sa pagbasa og dungan sa mosunod nga pahayag ni Elder Ronald A. Rasband:

Ang atong Amahan sa Langit nasayod nga sa mortalidad magsagubang kita og mga hagit, kalisdanan, ug kasamok; nasayod Siya nga manlimbasog kita sa mga pangutana, mga kasagmuyo, mga tintasyon, ug mga kahuyang. Aron mahatagan kita og kalig-on ug balaanong giya, gihatagan kita Niya sa Balaang Espiritu, lain nga pangalan alang sa Espiritu Santo.

Ang Espiritu Santo nagbugkos kanato ngadto sa Ginoo. Pinaagi sa balaanong buluhaton, Siya nagdasig, nagpamatuod, nagtudlo, ug nag-aghat kanato nga maglakaw diha sa kahayag sa Ginoo. (“Tugoti ang Balaang Espiritu nga mao ang Mogiya,” Liahona, Mayo 2017, 93)

Hatagi ang mga estudyante og panahon sa pagpamalandong ug sa pagrekord kon unsa ang ilang mahimo aron mahimong mas bukas sa impluwensiya sa Espiritu Santo.

Balik ngadto sa “Mga Opsiyon sa Kalihokan sa Pagkat-on.”

Mahimong sugdan nimo ang kalihokan pinaagi sa pagpakita sa mosunod nga mga hulagway ug mga pamahayag:

• Unsa ang komon nga mga problema ang inyong nakita niini nga mga pagsukod sa kaugalingon?

Awhaga ang mga estudyante sa pagpamalandong niini nga mga pamahayag samtang magkat-on sila og dugang mahitungod ni Saulo.

Dapita ang mga estudyante sa pagbasa sa Mga Buhat 8:1–4; 9:1–2 ug sa pagrekord og mubo nga bayograpiya ni Saulo base niini nga mga bersikulo. Paghangyo og pipila ka estudyante sa pagbasa kon unsay ilang nasulat.

• Kon kini lang ang inyong nahibaloan mahitungod kang Saulo, unsa kaha nga matang sa tawo nga inyong mahunahuna? Unsa man ang inyong bation kon siya motunga dinha sa inyong balay o sa inyong miting sa sakramento?

Dapita ang mga estudyante sa pagbasa sa Mga Buhat 9:3–22 o tan-awa ang “The Road to Damascus” (5:23), mangita sa unsay gitudlo niini nga kasinatian kanato mahitungod ni Saulo ug sa Ginoo. Human mabasa kini nga mga bersikulo o motan-aw sa bidyo, mahimo nimong hatagan ang mga estudyante og panahon sa paghisgot sa unsay ilang nakat-onan. Mahimo nilang mailhan ang mga kamatuoran sama sa mosunod: Si Jesukristo nakakita sa atong potensiyal alang sa maayo ug naghatag kanato og mga oportunidad sa pagbag-o. Bisan pa sa atong nangagi, makapili kita nga mausab pinaagi ni Jesukristo ug mahimong mga instrumento sa Iyang mga kamot.

5:23

Mahimo nimong ipakita ang mosunod nga mga pangutana. Dapita ang mga estudyante sa pagpamalandong ug sa pagrekord sa ilang mga hunahuna mahitungod sa mga pangutana nga labing may kalabotan kanila:

• Unsa kaha ang makita ni Jesukristo diha kaninyo nga walay laing makakita? Unsaon ninyo sa pagkahibalo unsa ang Iyang nakita diha kaninyo? (Mahimo ninyong tan-awon ang “Our True Identity” [3:39].)

  

  3:44

• Sa unsa nga mga paagi nga ang inyong nangagi nga mga sayop o mga sala makapugong kaninyo? Unsa nga mga pagpili ang inyong mahimo aron ang Ginoo makapalingkawas kaninyo gikan sa inyong nangagi?

• Kinsa kaha ang gipugngan ninyo tungod kay kamo nagtan-aw lamang kanila sa ilang nangagi nga mga sayop? Sa unsang paagi nga ang Langitnong Amahan ug si Jesukristo makapausab sa paagi nga kamo nagtan-aw sa inyong kaugalingon ug sa uban?

Ikonsiderar ang pagbasa og dungan sa mosunod nga pamahayag ni Elder Kevin S. Hamilton. Dapita ang mga estudyante sa pagpakigbahin og mga ehemplo sa mga tawo kinsa, bisan pa sa nangagi nga mga sayop, nahimong matinud-anon nga mga disipulo ni Jesukristo. Awhaga ang mga estudyante sa paghunahuna mahitungod sa usa ka tawo (kini mahimong ilang kaugalingon) kinsa ilang mapaningkamotan nga makita nga mas klaro pinaagi sa mga mata sa Manluluwas. O mahimo ninyong tan-awon ang “His Grace—Am I Beyond Saving?” (6:25).

6:25

Ang Manluluwas mihimo sa Iyang walay kinutoban ug mahangtoron nga Pag-ula aron nga kita sa tinuod mausab, maghinulsol, ug mahimong mas maayo. … Isip mga anak nga lalaki ug mga anak nga babaye sa usa ka mahigugmaong Amahan sa Langit, kita adunay gahom diha sa atong kaugalingon nga mag-usab.

Ang mga kasulatan puno sa mga ehemplo sa mga lalaki ug mga babaye kinsa nag-usab.

Si Saul, usa ka Pariseo ug aktibo nga tigpanggukod sa unang Kristiyano nga simbahan, nahimo nga Pablo, usa ka Apostol ni Ginoong Jesukristo. (“Niana Ako Mohimo sa Mahuyang nga mga Butang nga Mahimo nga Malig-on,” Liahona, Mayo 2022, 52)

Balik ngadto sa “Mga Opsiyon sa Kalihokan sa Pagkat-on.”

Ikonsiderar ang pagpakita sa mosunod o susama nga mga pamahayag:

• “Dili kaayo ko mopakigbahin sa akong mga gituohan tungod kay dili kaayo ko maayo sa pagsulti mahitungod sa akong hugot nga pagtuo.”

• “Naglikay ako sa paghatag og mga panalangin sa pagkapari tungod kay nabalaka ko nga dili nako masulti ang husto nga mga butang.”

• “Gisalikway nako ang usa ka calling tungod kay wala ko mobati nga aduna akoy abilidad sa pagbuhat niini og tarong.”

• Unsa pa ang ubang mga paagi nga kita nagkulang og pagsalig o mibati nga kita kulang sa abilidad sa pagbuhat sa buhat sa Dios?

Ipakita ang mosunod nga pamahayag ni Presidente Russell M. Nelson o tan-awa ang “Increase Our Access to His Power” (0:29).

0:30

Kon mapainubsanon lamang kita nga mopresentar sa atong kaugalingon ngadto sa Ginoo ug mohangyo Kaniya nga tudloan kita, Iyang ipakita nato kon unsaon sa pagpalambo sa atong paggamit sa Iyang gahom. (“Ang Bugti sa Gahom sa Priesthood,” Liahona, Mayo 2016, 69)

Ipasabot nga sa Mga Buhat 8 ug 9, adunay tulo ka asoy nga makatudlo kanato mahitungod sa paggamit sa gahom sa Dios. Dapita ang mga estudyante sa pagbasa sa usa o sa daghan pa niini nga mga asoy, mangita sa mga baroganan mahitungod sa paggamit sa gahom sa Dios.

• Mga Buhat 8:9–24: Si Simon misulay sa pagpalit sa gahom sa pagkapari.

• Mga Buhat 8:27–40: Si Felipe mitudlo ug mibunyag sa usa ka opisyal nga taga-Etiopia.

• Mga Buhat 9:32–43: Si Pedro miayo sa usa ka tawo ug mibuhi og balik ni Tabita.

Human mohatag og panahon sa pagtuon, dapita ang mga estudyante sa pagpakigbahin sa mga kamatuoran nga ilang napalgan. Mahimo silang mopakigbahin og mga kamatuoran sama sa mosunod: Dili kita makagamit sa kalibotanon nga mga butang aron sa pagkab-ot sa gahom sa Dios. Mapalambo nato ang atong gahom sa pagbuhat sa buhat sa Dios kon kita dali nga motubag sa mga pag-aghat sa Espiritu Santo. Atong mapalambo ang atong paggamit sa gahom sa Dios kon kita motudlo mahitungod ni Jesukristo gikan sa mga kasulatan. Kon kita moluhod sa atubangan sa Dios diha sa mapainubsanong pag-ampo, atong mapalambo ang atong paggamit sa Iyang gahom.

Samtang ang mga estudyante mopakigbahin sa mga kamatuoran nga ilang nadiskobrehan, mahimo nimo silang pangutan-on og follow-up nga mga pangutana nga mogamit sa ilang kasinatian. Pananglitan, mahimo nimong ipangutana ang mosunod:

• Kanus-a ninyo nakita kini nga kamatuoran nga nahimong epektibo sa inyong kinabuhi o sa kinabuhi sa usa ka tawo nga inyong nailhan?

Aron matabangan ang mga estudyante nga mobati sa kamatuoran ug sa kaimportante sa unsay ilang nakat-onan, mahimo nimong ipakita pag-usab ang pamahayag ni Presidente Nelson. Dapita ang mga estudyante sa mapainubsanong pagpangutana sa Ginoo kon unsa kaha ang gusto Niyang itudlo kanila kon unsaon mapalambo ang ilang paggamit sa Iyang gahom.

Aron matabangan ang mga estudyante sa paggamit sa unsay ilang nakat-onan ug gibati, dapita sila sa pagkonsiderar kon unsaon nila pagtudlo sa unsay ilang nakat-onan ngadto sa uban diha sa klase. Sama pananglit, ang mga estudyante mahimong mohimo og usa ka meme, mopakigbahin og personal nga kasinatian, mangita og may kalabotan nga kinutlo, o mogamit og ubang pamaagi sa pagtudlo. Human sila adunay panahon sa pagpangandam, dapita ang mga estudyante sa pagpakigbahin ngadto sa usa ka kauban sa unsay ilang nakat-onan mahitungod sa paggamit sa gahom sa Dios sa ilang mga kinabuhi.

Ikonsiderar ang pagdapit sa mga estudyante sa pagpakigbahin sa ilang mensahe ngadto sa usa ka tawo sa gawas sa klase, sama sa usa ka higala, usa ka sakop sa pamilya, o sa usa ka tawo nga ilang gipangalagaran. Mahimo nilang ipakigbahin kini nga mensahe sa personal o sa social media.

Balik ngadto sa “Mga Opsiyon sa Kalihokan sa Pagkat-on.”