Mateo 26; Marcos 14; Juan 13

Hunahunaa ang pagpakigbahin sa mosunod nga talan-awon:

• Unsay hunahuna nimo mahitungod sa mensahe ni Rosa?

Dapita ang mga estudyante sa pagtrabaho kauban sa usa ka pares ug pagtuon sa Mateo 26:14–25, mangita kon giunsa sa Apostoles sa pagtubag sa dihang ilang nadungog nga usa kanila magluib sa Manluluwas.

• Unsa ang inyong nakaplagan nga mahinungdanon mahitungod sa pangutana “Ako ba, Ginoo?”

• Unsay gitudlo niini nga kasinatian kanimo mahitungod sa pagtan-aw sa imong kaugalingon nga panghunahuna?

Hunahunaa ang pagpakigbahin sa mosunod nga pamahayag ni Presidente F. Uchtdorf kanhi usa ka sakop sa Unang Kapangulohan:

Niining yano nga mga pulong, “Ako ba, Ginoo?” anaa ang sinugdanan sa kaalam ug ang dalan sa personal nga pagkakabig ug malungtarong kausaban. (“‘Ginoo, Ako Ba?,’” Liahona, Nob. 2014, 56)

Dapita ang mga estudyante sa paghunahuna og rekord diha sa ilang mga kasulatan sa mosunod nga mga kamatuoran nga gitudlo ni Presidente Uchtdorf: Mangutana sa atong mga kaugalingon, ‘Ginoo, ako ba?’ mao ang sinugdanan sa kaalam ug ang dalan ngadto sa personal nga pagkakabig ug mahangturong kausaban.

• Ngano nga ang yanong mga pulong “Ginoo, ako ba?” naggiya ngadto sa kaalam, pagkakabig, ug mahangturong kausaban?

Hatagi ang mga estudyante sa handout “Ginoo, ako ba?,” ug dapita sila sa pagbasa sa tinagsatagsa sa pamahayag ni Presidente Uchtdorf ug sa pagpamalandong kon unsaon kaha niini nga maggamit sa ilang mga kinabuhi.

Hunahunaa ang pagtapos niini nga kalihokan pinaagi sa pagtan-aw sa “Reflections” (4:21). Dapita ang pipila ka mga estudyante sa pagpakigbahin sa unsay ilang nakat-onan o gibati atol niini nga kalihokan sa pagkat-on. Mahimo nimong tapuson uban sa imong pagpamatuod nga ang sinsero nga pagpangutana sa atong mga kaugalingon, “Ginoo, ako ba?” mao ang sinugdanan sa kaalam ug sa dalan ngadto sa personal nga pagkakabig ug mahangturong kausaban.

4:21

Balik ngadto sa “Mga Kapilian nga Kalihokan sa Pagkat-on.”

Ipakita ang mosunod nga imahe sa pan ug tubig nga gamiton alang sa sakramento. Dapita ang mga estudyante sa paggamit sa mosunod nga mga pamahayag sa pagtimbangtimbang sa ilang kasinatian sa sakramento. Sila usab makatimbangtimbang sa ilang mga kaugalingon sa matag pamahayag naggamit sa gibug-aton gikan sa 1 ngadto sa 5, diin ang 1 = hugot nga dili mouyon ug 5 = uyon kaayo.

1. Ako naglantaw sa pag-ambit sa sakramento.

2. Kasagaran akong nagpunting diha sa Manluluwas atol sa sakramento.

3. Kanunay akong naghunahuna mahitungod sa akong mga pakigsaad atol sa sakramento.

4. Ang mga simbolo sa sakramento mga makahuluganon ngari kanako.

5. Dili ako mag-text, magdula og mga dula diha sa akong telepono, o maggamit og social media atol sa sakramento.

6. Kasagaran nakong bation nga nalig-on sa espirituhanong paagi pinaagi sa pag-ambit sa sakramento.

Dapita ang mga estudyante sa paghunahuna kon sa unsang paagi sila makapalambo sa ilang kasinatian diha sa sakramento samtang sila nagtuon kon giunsa sa Manluluwas sa pagpasiugda sa sakramento.

Mahimong ikaw gusto nga mopasabot nga si Jesukristo mipasiugda sa sakramento samtang Siya mikaon sa pagkaon sa Pista sa Pagpalabay uban sa Iyang mga disipulo (tan-awa sa Mateo 26:17–20). Makaribyu ang mga estudyante nga magdungan sa “Mateo 26:17–30. Unsa ang koneksiyon tali sa Pista sa Pagpalabay ug sa sakramento?” diha sa Mga Tabang sa Kasulatan: Bag-ong Tugon.

Ipasiksik sa pipila ka mga estudyante ang Mateo 26:26–30 ug ang Hubad ni Joseph Smith, Mateo 26:22, 24–25 (Librarya sa Ebanghelyo), ug ipasiksik sa uban ang Hubad ni Joseph Smith, Marcos 14:20–26 (Librarya sa Ebanghelyo). Dapita sila sa pagpangita alang sa katuyoan sa sakramento.

• Unsa ang gitudlo sa Manluluwas sa Iyang mga disipulo mahitungod sa katuyoan sa sakramento? (Mahimong mag-ila ang mga estudyante og usa ka kamatuoran sama sa mosunod: Mga disipulo ni Jesukristo kinahanglang moambit sa sakramento agi og paghandom Kaniya ug sa Iyang Pag-ula.)

Dapita ang mga estudyante sa pag-ila og usa ka simbolo gikan niini nga mga tudling sa kasulatan ug sa pagtuon kon sa unsa nga paagi kini may kalabotan ngadto sa sakramento. Mahimo ka sa pagpakita sa mosunod nga mga bullet point sa pagtabang sa mga estudyante sa pagbansay sa kahanas “Understanding Symbolism in the Scriptures” diha sa Mga Kahanas sa Pagtuon sa Kasulatan.

• Sa unsa kini nga simbolo ikantandi?

• Pagsiksik og mga timailhan mahitungod sa kahulogan sa mga simbolo diha sa teksto sa mga kasulatan ug sa mga footnote, sa mga ulohan sa kapitulo, sa Giya ngadto sa mga Kasulatan, Mga Tabang sa mga Kasulatan: Bag-ong Tugon, o sa uban pang mga tinubdan.

• Unsa ang gitudlo niini nga simbolo ngari kanato mahitungod sa sakramento? Sa unsang paagi kini nga kalabot ngadto sa Manluluwas?

Human magtugot og panahon alang sa pagtuon, dapita ang mga estudyante sa pagporma og gagmay nga mga grupo ug sa pagpakigbahin kon unsay ilang nakat-onan mahitungod sa mga simbolo nga ilang gitun-an. Awhaga sila sa paghisgot kon sa unsang paagi ang mas maayong pagsabot niini nga mga simbolo makahimo sa atong kasinatian sa sakramento nga mas makahuluganon.

Isip usa ka klase, makatan-aw kamo sa “Always Remember Him” (5:27) o makadungan sa pagkanta og usa ka himno sa sakramento. Awhaga ang mga estudyante sa pagpamalandong kon unsa ang ilang gibati samtang nagtan–aw sila sa bidyo o nag-kanta sa himno. Hunahunaa ang pagpakigbahin sa mga estudyante sa ilang mga pagbati mahitungod sa Manluluwas ug sa sakramento.

5:27

Dapita ang mga estudyante sa pagpamalandong kon sa unsang paagi ang ilang relasyon sa Manluluwas na-impluwensiya pinaagi sa pag-ambit sa sakramento agi og handumanan Kaniya ug sa Iyang Pag-ula. Makarekord sila og usa ka butang nga sila makabuhat sa pagbaton og usa ka mas makahuluganong kasinatian sa sakramento niinining umaabot nga Igpapahulay.

Balik ngadto sa “Mga Kapilian nga Kalihokan sa Pagkat-on.”

Dapita ang mga estudyante sa paghunahuna og usa ka panahon nga sila napamapainubsanon pinaagi sa usa ka lihok sa serbisyo nga gihimo alang kanila.

• Unsay inyong gibati mahitungod sa tawo o mga tawo kinsa miserbisyo kaninyo?

• Sa unsa nga paagi nga ang ilang lihok sa serbisyo nagpanalangin o nag-usab kanimo?

Mahimo nimong ipasabot nga sa mga panahon sa Bag-ong Tugon, ang mga tawo kasagaran dihay abugon nga mga tiil tungod sa paglakaw nga nagsandal diha sa hugaw nga mga dalan. Ang paghugas sa mga tiil sa bisita usa ka serbisyo nga kasagarang gihimo sa usa ka sulugoon. Ipakita ang nag-uban nga imahe, ug dapita ang usa ka estudyante sa pagbasa og kusog sa Juan 13:3–12. Dayon hisgoti ang mosunod nga mga pangutana:

• Unsa kaha ang inyong bation o itubag kon si Jesus magtanyag kaninyo sa paghugas sa inyong mga tiil?

• Nganong importante kini alang ni Pedro sa pagtugot sa Manluluwas sa paghugas sa iyang mga tiil? (Makahimo ka sa pagpakigbahin sa mga panabot nga makaplagan diha sa “Juan 13:4–12. Unsa ang kamahinungdanon sa paghugas sa Manluluwas sa mga tiil sa Iyang mga disipulo?” diha sa Mga Tabang sa Kasulatan: Bag-ong Tugon.)

• Unsa ang inyong nakat-onan mahitungod sa kinaiya ni Jesus gikan sa Iyang gibuhat nga paghugas sa mga tiil sa Apostoles?

Dapita ang mga estudyante sa pagbasa og hilom sa Juan 13:13–17 sa ilang mga kaugalingon ug sa pagpangita alang sa mga leksiyon nga atong makat-onan gikan sa mga pulong sa Manluluwas. Samtang nakigbahin ang mga estudyante, sila mahimong moila og usa ka kamatuoran sama sa mosunod: Atong makaplagan ang mas dakong kalipay samtang kita nagsunod sa ehemplo sa Manluluwas sa serbisyo.

Awhaga ang mga estudyante sa pagpakigbahin kon unsay ilang nakat-onan mahitungod sa serbisyo gikan sa ehemplo sa Manluluwas. Makahimo usab sila sa pagpakigbahin kon unsa ang ilang gibati kon sila nakaserbisyo sa uban.

Kon adunay pay panahon, ang mga estudyante makahimo usab sa pagtan-aw sa “Unselfish Service” (2:26). Dapita sila sa paghunahuna og usa ka tawo nga sila makaserbisyo sa umaabot nga semana. Hunahunaa ang pag-follow up sa sunod nga klase aron ang mga estudyante makareport sa ilang kasinatian.

Balik ngadto sa “Mga Kapilian nga Kalihokan sa Pagkat-on.”

Isulat ang mosunod nga mga tudling diha sa pisara, ug dapita ang mga estudyante sa pagpangita alang sa unsay parehas niini nga mga tudling ug unsa sila kalahi: Levitico 19:18; Mateo 22:39; Juan 13:34–35.

• Unsay atong makat-onan mahitungod sa gugma gikan niini nga mga tudling?

Ipakita ug basaha og dungan ang mosunod nga pamahayag ni Elder Lynn G. Robbins, emiritus Seventy nga Kinatibuk-ang Awtoridad:

Nahibalo kita nga bisan unsa nga sugo sa Dios naglakip og kabubut-on. Kita makasunod o dili mosunod, apan sa kanunay adunay pagpili. … Gihimo kini og tataw sa Manluluwas nga ang gugma usa ka sugo nga pagasundon. … Kini usa ka sugo nga nagkinahanglan og usa ka desisyon. …

Sa Mateo, ang Ginoo miingon, “Higugmaa ang imong silingan sama sa imong kaugalingon.” Sa Iyang mortal nga kinabuhi, Siya mipakita og usa ka hingpit nga matang sa gugma, dayon miingon, “Ako magahatag kaninyog bag-o nga sugo, Nga kinahanglang maghigugmaay kamo; maingon nga Ako nahigugma kaninyo, ang usa sa usa” (Juan 13:34). Ang paghigugma ingon nga siya nahigugma usa ka mas taas nga matang sa gugma kay sa paghigugma “ingon sa imong kaugalingon.” Kini usa ka putli nga gugma nga nagbutang og laing mas taas kay sa kaugalingon. (“Agency and Love in Marriage,” Ensign, Oct. 2000, 20–21)

• Nganong importante kining masabtan nga ang gugma usa ka pagpili?

Ipakita ang mosunod nga kamatuoran: Kon kita mopili sa paghigugma sama ni Jesukristo, kita nagpahayag og usa ka mas taas nga matang sa gugma.

Sa pagtabang sa mga estudyante sa pagpalawom sa ilang pagsabot sa unsay kahulogan niining paghigugma sama sa Manluluwas, ipakita ang mosunod nga mga tudling diha sa pisara: Marcos 10:17–23; Juan 8:1–11; Juan 13:2–5; 3 Nephi 11:13–15; 3 Nephi 17:16–18, 20; 3 Nephi 19:17–25.

Dapita ang mga estudyante sa paggamit sa “tag” nga bahin sa Librarya sa Ebanghelyo ug sa pagmarka sa mga ehemplo sa Kristohanong gugma diha sa gipakita nga mga tudling sa kasulatan o diha sa uban nga ilang mahunahunaan. Sila makagamit sa ulohan “Giunsa Paghigugma ni Jesus,” Mga Ehemplo sa Paghigugma ni Jesus,” o lain sa ilang gipili kon gi-tag nila ang unsay ilang gimarkahan (tan-awa ang “Tagging Scriptures and Other Gospel Teachings” diha sa Mga Kahanas sa Pagtuon sa Kasulatan). Ang mga estudyante nga migamit sa giimprinta nga mga kasulatan makamarka sa mga ehemplo sa Manluluwas uban sa usa ka makamarka.

Human matugotan og panahon alang sa personal nga pagtuon, ikaw makadapit sa mga estudyante sa pagsulat diha sa pisara og usa ka butang nga nakahatag og gibug-aton kanila mahitungod kon giunsa sa Manluluwas sa paghigugma sa uban. Ikaw dayon makapasulti sa mga estudyante mahitungod sa mga kasinatian sa dihang sila o ang uban nakahigugma sama sa nahimo sa Manluluwas.

Hunahunaa ang pagdapit sa mga estudyante sa pagsulat og usa ka paagi sila makahigugma sama sa nabuhat sa Manluluwas ug unsaon nila sa pagbansay niini ug dugang pa sa tibuok semana. Makatapos ka sa klase pinaagi sa pagkanta sa himno “Maghigugmaay” (Mga Himno, no. 196) o sa pagtan-aw sa “Love One Another” (1:51).

1:51

Balik ngadto sa “Mga Kapilian nga Kalihokan sa Pagkat-on.”