Juan 14–17

Hunahunaa ang paghisgot sa mosunod nga talan-awon:

Dapita ang mga estudyante sa pagbasa sa Juan 14:1–6, mangita alang sa usa ka kamatuoran nga ilang ikapakigbahin ngadto sa higala diha sa talan-awon. Hunahunaa ang pagbasa sa Juan 13:36–37 ug ipakita nga ang Juan 14:1–6 maoy usa ka tubag ngadto sa kang Pedro nga kabalaka nga siya dili makauban sa Ginoo. Hunahunaa ang pagpangutana:

• Unsa ang gitudlo ni Jesukristo mahitungod sa kamatuoran? (Tabangi ang mga estudyante sa pag-ila og usa ka baroganan sama sa mosunod: Si Jesukristo mao ang dalan, ang kamatuoran, ug ang kinabuhi.)

• Nganong importante nga mahibalo nga si Jesukristo mao “ang dalan, ang kamatuoran, ug ang kinabuhi” ug dili lamang usa ka dalan, usa ka kamatuoran, o usa ka kinabuhi? (Hunahunaa ang pagbasa ug paghisgot sa Mga Buhat 4:12; Mosiah 3:17.)

• Sa unsang paagi nga ang pagkahibalo nga si Jesus mao “ang dalan, ang kamatuoran, ug ang kinabuhi” nag-apekto sa imong hugot nga pagtuo diha Kaniya? Giunsa niini nga pagtuo pag-impluwensiya sa imong mga desisyon ug mga lihok?

Dapita ang mga estudyante sa pagbasa sa Juan 14:6–13 ug sa pagpangita kon giunsa ni Jesukristo pagpakita kanato sa dalan ngadto sa Langitnong Amahan.

• Giunsa sa mga pagtulon-an, ehemplo, ug Pag-ula ni Jesukristo pagtabang kanimo nga mas mapaduol ngadto sa Langitnong Amahan?

Sa pagpalawom sa pagsabot sa mga estudyante sa Juan 14:6, dapita sila sa paggamit sa buhat sa pagsiksik diha sa Librarya sa Ebanghelyo sa pagpangita sa mga pagtulon-an sa mga lider sa Simbahan mahitungod niini nga bersikulo (tan-awa ang kahanas sa “Using Teachings of Church Leaders to Understand the Scriptures” diha sa Mga Kahanas sa Pagtuon sa Kasulatan). Awhaga ang mga estudyante sa pagmarka ug sa pag-tag sa mga kinutlo nga ilang makaplagan nga ilabi ka makahuluganon (tan-awa ang kahanas sa “Tagging Scriptures ang Other Gospel Teachings” diha sa Mga kahanas sa Pagtuon sa kasulatan).

Hatagi ang mga estudyante og panahon sa pagpakigbahin sa mga pagtulon-an sa mga lider sa Simbahan nga ilang nakaplagan nga labing may kalabutan ug makahuluganon. Samtang ang mga estudyante nakigbahin, ikaw makapangutana nga nagdapit og paggamit, sama sa:

• Sa unsang paagi kamo makagamit niini nga pagtulon-an nganha sa inyong kinabuhi?

• Kanus-a kamo napanalanginan tungod sa pagpuyo niini nga pagtulon-an?

Ikaw makadapit sa mga estudyante sa pagribyo sa talan-awon gikan sa sinugdanan sa kalihokan sa pagtuon. Sila makahisgot kon unsaon nila sa pagtubag base sa unsay ilang nakat-onan karon.

Balik ngadto sa “Mga Kapilian nga Kalihokan sa Pagkat-on.”

Hunahunaa ang pagpakita og usa ka sanga nga giputol gikan sa kahoy, kahoy-kahoy, o gamay nga tanom. Hisgoti kon unsay mahitabo sa kadugayan sa sanga. Dapita ang mga estudyante sa pagbasa sa Juan 15:1–8 ug sa pagpangita sa unsay gitudlo sa Manluluwas nga naggamit og pagtandi sa usa ka sanga nga nabulag gikan sa punoan.

• Unsa ang gitudlo kanato sa ulohan nga “tinuod nga punoan” mahitungod ni Jesukristo? Sa unsa kaha nagrepresentar ang mga bunga?

• Unsa ang gitudlo kaninyo niini nga pagtandi mahitungod sa inyong relasyon ngadto sa Manluluwas? (Ang mga estudyante mahimong moila og usa ka baroganan sama sa mosunod: Samtang ako magpabilin diha ni Jesukristo, ako magdala og “daghan nga bunga.”)

• Unsa nga mga bunga, o mga panalangin, ang miabot nganha sa inyong kinabuhi samtang kamo misalig diha sa Manluluwas?

Hunahunaa ang paghisgot sa mosunod nga pamahayag ni Presidente Jeffrey R. Holland (o mahimong pilion ninyo ang pagtan-aw sa “Tinuod nga Punoan” [2:37]):

Ang Iningles nga berbo [verb] “abide” … nagpasabot “sa pagpabilin, sa pagpuyo.” …

Si Jesus miingon, “Kon wala ako, wala kamoy mahimo” [Juan 15:5]. … Si Kristo mao ang tanan kanato ug kita gikinahanglang “magpabilin” diha Kaniya sa kanunay, dili matarog, makanunayon, sa kahangtoran. Aron ang bunga sa ebanghelyo mamulak ug mopanalangin sa atong mga kinabuhi, kita kinahanglan gayod nga lig-ong gidugtong ngadto Kaniya, ang Manluluwas kanatong tanan, ug niining Iyang Simbahan, diin nagdala sa Iyang balaan nga ngalan. Siya ang punoan nga mao ang atong tinuod nga tinubdan sa kalig-on ug mao lamang ang tinubdan sa kinabuhing dayon. Diha Kaniya dili lamang kita molahotay apan kita usab mopatigbabaw ug magmadaugon niining balaang kawsa nga dili gayod mopakyas kanato. (“Abide in Me,” Liahona, Mayo 2004, 32)

Ipakita ang mosunod nga wala mahuman nga mga pamahayag, ug dapita ang mga estudyante sa pagkompleto sa usa nga labing makahuluganon nganha kanila. O ang mga estudyante makahimo og usa nga ilang kaugalingon.

• Kon mag-atubang og usa ka seryosong hagit sa panglawas ako makapabilin diha sa Manluluwas pinaagi sa …

• Kon ako adunay mga pangutana mahitungod sa ebanghelyo o sa Simbahan, ako makapabilin diha sa Manluluwas pinaagi sa …

• Kon usa ka tawo nakapasakit kanako o mitagad kanako og dili maayo, ako makapabilin diha sa Manluluwas pinaagi sa …

• Kon usa ka minahal namatay, ako makapabilin diha sa Manluluwas pinaagi sa …

Dapita ang mga estudyante sa pagpakigbahin ug sa pagpasabot sa ilang gikompleto nga mga pamahayag. Awhaga sil sa pagpadayon sa pagpangita alang sa mga paagi nga sila mas makapabilin og hingpit diha ni Kristo sa ilang matag adlaw nga mga kinabuhi.

Balik ngadto sa “Mga Kapilian nga Kalihokan sa Pagkat-on.”

Hunahunaa ang pagbasa sa mosunod nga pamahayag ni Presidente Susan H. Porter, o tan-a wa ang “I Feel My Savior’s Love” (3:39). Dayon paghisgot kon nganong ang pagsinati sa gugma sa Dios usa ka makapausab sa kinabuhi nga kasinatian.

3:40

Kon kamo masayod ug makasabot unsa ka hingpit kamo nga gihigugma isip usa ka anak sa Dios, kini makausab sa tanan. (“Ang Gugma sa Dios: Ang Labing Hingpit nga Kalipay sa Kalag,” Liahona, Nob. 2021, 33)

Ipasabot nga sa kataposang gabii sa Iyang mortal nga pagpangalagad, gitudloan ni Jesus ang Iyang mga disipulo og importanting mga kamatuoran mahtingod sa gugma. Dapita ang mga estudyante sa pagtrabaho sa ginagmay nga mga grupo sa pagtuon sa Juan 14:15–24; 15:9–14, mangita alang sa mga kamatuoran mahitungod sa gugma. Sa pagpalawom sa ilang pagsabot sa unsay gitudlo sa Manluluwas, sila makapangita alang sa mga koneksiyon tali sa gugma ug sa …

• Pagkamasulundon.

• Langitnong Amahan.

• Jesukristo.

• Ang Espiritu Santo.

• Ubang mga tawo.

(Mga kamatuoran nga mahimong makaplagan sa mga estudyante naglakip sa mosunod: Kon kita nahigugma sa Ginoo, kita maningkamot sa pagsunod sa Iyang mga sugo. Ang Ginoo nagsaad sa Espiritu Santo ngadto niadtong kinsa naghigugma Kaniya ug nagsunod sa Iyang mga sugo. Kita gimandoan sa paghigugma sa usag usa ingon nga si Jesus nahigugma kanato.)

Ikaw makadapit sa mga grupo sa pagpakigbahin sa mga kamatuoran nga ilang nakaplagan. Hunahunaa kon bisan hain sa mosunod nga mga pangutana makatabang ba sa imong mga estudyante sa pagbati sa importansiya sa unsay ilang gikat-unan:

• Unsa ang inyong nakat-onan gikan sa kinabuhi sa Manluluwas mahitungod sa gugma ug pagkamasulundon?

• Unsa ang inyong gibati sa dihang kamo misunod sa mga sugo gumikan sa gugma alang sa Langitnong Amahan ug ni Jesukristo?

• Kanus-a nimo nabati ang gugma sa Dios pinaagi sa Espiritu Santo? Sa unsa nga paagi kini nakaapekto kanimo?

• Kanus-s nimo nasinati ang Kristohanong gugma alang sa usa ka tawo o gikan sa usa ka tawo?

Sa pagtapos niining kalihokan sa pagkat-on, makadapit ka sa mga estudyante sa pagpamalandong kabahin kon unsay ilang mabuhat sa pagtugot sa gugma sa Dios sa pag-usab sa ilang mga kinabuhi.

Mubo nga sulat: Kini sagad alang sa mga tawo sa pagsulti nga ang gugma sa Dios walay kondisyon. Kon kini nga panagsultihanay moabot sa klase, hunahunaa ang pagbasa ug paghisgot sa mosunod nga pamahayag ni Elder D. Todd Christofferson:

Anaay daghang paagi sa paghulagway ug pagsulti bahin sa balaang gugma. Usa sa mga termino nga sagad natong mabati karon mao nga ang gugma sa Dios “walay kondisyon.” Samtang sa usa ka pagsabot tinuod kana, ang paghulagway nga walay kondisyon dili makita sa kasulatan. Kondili, ang Iyang gugma gihulagway sa kasulatan isip “dako ug katingalahan nga gugma” [Doktrina ug mga Pakigsaad 138:3], “gugmang hingpit” [1 Juan 4:18], “matubsanong gugma” [Alma 5:26], ug “gugma nga walay paglubad” [Jeremias 31:3]. Mas maayo kini nga mga termino tungod kay ang pulong nga walay kondisyon maghatod og sayop nga mga impresyon mahitungod sa balaang gugma, sama sa, mouyon ra ang Dios sa tanang butang ug dili ra kita hukman kay ang Iyang gugma walay kondisyon, o ang Dios walay pangayoon gikan kanato tungod kay ang Iyang gugma walay kondisyon, o ang tanan luwas na sa langitnong gingharian sa Dios tungod kay ang Iyang gugma walay kondisyon. Ang gugma sa Dios walay sukod ug kini mohangtod, apan kon unsay kahulogan niini sa matag usa kanato mag-agad kon unsaon nato sa pagsanong ang Iyang gugma. (“Magpabilin Kamo sa Akong Gugma,” Liahona, Nob. 2016, 48)

Balik ngadto sa “Mga Kapilian nga Kalihokan sa Pagkat-on.”

Hunahunaa ang pagpakita sa mosunod nga pamahayag ni Presidente Russell M. Nelson.

Sa umaabot nga mga adlaw, dili na posible ang espirituhanong pagsugakod kon wala ang giya, direksiyon, ug makahupay nga impluwensiya sa Espiritu Santo. (“Pagpadayag alang sa Simbahan, Pagpadayag alang sa Atong mga Kinabuhi,” Liahona, Mayo 2018, 96)

Dapita ang mga estudyante sa paghisgot kon nganong “kini dili mahimong posible sa pagpakabuhi sa espirituhanong paagi” nga walay Espiritu Santo.

Ipasabot nga sa panahon sa kataposang gabii sa Iyang mortal nga pangalagad, misaad si Jesus sa pagpadala sa Iyang mga disipulo sa Espiritu Santo. Mitudlo Siya kanila og importanting mga kamatuoran mahitungod sa lawom nga epekto nga ang Espiritu Santo aduna sa atong mga kinabuhi.

Dapita ang mga estudyante sa pagsiksik sa Juan 14:16, 26–27; 15:26–27; 16:13–14 alang sa nagkalainlaing mga paagi sa pagkompleto sa mosunod nga pamahayag sa pagpakita og usa ka kamatuoran nga ilang nakat-onan: Ang Espiritu Santo … Ang mga estudyante makahimo niini isip usa ka klase o sa usa ka ginagmay nga mga grupo. Dayon dapita ang mga estudyante sa pagsulat sa ilang mga pamahayag diha sa pisara. (Awhaga ang mga estudyante sa pagmarka o sa pag-tag sa mga kamatuoran nga ilang nadiskobre.)

Ang mosunod mao ang pipila sa posible nga mga paagi ang mga estudyante mahimong mokompleto sa pamahayag:

Ang Espiritu Santo …

• nagtudlo kanato sa tanang butang. (Juan 14:26)

• nagdala sa tanang butang ngadto sa atong panumdoman. (Juan 14:26)

• nagdala kanato og kalinaw. (Juan 14:27)

• naghupay. (Juan 14:16; 15:26)

• nagpamatuod ni Kristo. (Juan 15:26)

• naggiya kanato ngadto sa tanang kamatuoran. (Juan 16:13)

• nagpakita kanato sa mga butang nga moabot. (Juan 16:13)

• naghimaya sa Manluluwas. (Juan 16:14)

Dapita ang mga estudyante sa paghunahuna og usa ka panahon sa dihang ang Espiritu Santo miimpluwensiya kanila sa usa sa mga paagi nga gilista diha sa pisara. Ang mga estudyante makahimo sa pagpakigbahin sa ilang kasinatian ngadto sa usa ka kapares, sa usa ka gamay nga grupo, o sa klase.

Kini sagad alang sa mga young adult sa pagbaton og mga pangutana mahitungod kon sa unsa nga paagi ang Espiritu Santo molihok sa ilang mga kinabuhi. Ikaw makahimo sa pagpakita sa mga pangutana sa ubos ug hangyoa ang mga estudyante sa pagpili og usa nga gibati nila nga labing may kalabotan nganha kanila. Dayon dapita ang mga estudyante sa paghanduraw nga sila usa ka lider sa Simbahan diha sa Face to Face nga debosyonal ug gipangutana sa pangutana nga ilang napilian. Dapita ang mga estudyante sa pagpakigbahin sa ilang mga tubag.

Kon makatabang, ikaw makahimo sa pagpakigbahin og usa o daghan pa sa mosunod nga mga bidyo sa pagkahibalo kon giunsa sa uban, lakip ang mga lider sa Simbahan, pagtubag kini nga mga pangutana.

• “ Sa unsa nga paagi ako makasulti sa kalainan tali sa Espiritu Santo ug sa akong mga pagbati? ” (4:39)

  

  4:39

• “ Sa unsa nga paagi ako mas mobati kanunay sa Espiritu Santo? ”(4:12)

  

  4:12

• “Unsaon sa Balaang Espiritu paggiya?” (3:25)

  

  3:25

Dapita ang mga estudyante sa pag-ila og usa ka butang nga sila makabuhat sa pagdapit sa Espiritu diha sa ilang mga kinabuhi.

Balik ngadto sa “Mga Kapilian nga Kalihokan sa Pagkat-on.”

Dapita ang mga estudyante sa paghunahuna og usa ka panahon sa dihang sila nag-ampo alang sa laing tawo o sa dihang ilang nadungog ang usa ka laing tawo nag-ampo alang kanila o sa uban. Himoa nga usa o duha ka estudyante makigbahin kon unsa ang ilang gibati.

Pahinumdomi ang mga estudyante nga nag-ampo ang Manluluwas sa hapit na Siya mosulod sa Tanaman sa Getsemani. Kini nailhan isip ang Tigpataliwala nga Pag-Ampo. Klaroha nga ang usa ka tigpataliwala mao ang usa ka tawo kinsa molaban o mopangaliyupo alang sa laing tawo.

Dapita ang mga estudyante sa pagtuon sa Juan 17:3, 11–17, 22–26 nga magpares o sa ginagmay nga mga grupo ug sa pagmarka diha sa ilang mga kasulatan kon unsaon nila sa pagkompleto ang mosunod nga pamahayag: Si Jesukristo nag-ampo nga kita unta …

Human ang mga estudyante makagahin og panahon sa pagbasa, hangyoa sila sa pagreport kon unsay ilang nakit-an, ug sa pagsulat sa ilang mga tubag diha sa pisara. Ang imong nakompleto nga lista mahimong makita nga usa ka butang nga sama niini: Si Jesukristo nag-ampo nga kita unta …

• adunay kinabuhi nga walay kataposan. (Juan 17:2–3)

• nakaila sa Langitnong Amahan ug ni Jesukristo. (Juan 17:3)

• mabantayan (maprotektahan) sa Langitnong Amahan. (Juan 17:11)

• mahiusa, sama nga Siya ug ang Iyang Amahan usa. (Juan 17:11, 21–23)

• mapanalipdan gikan sa dautan sa kalibotan. (Juan 17:11, 14–16)

• makabaton sa Iyang hingpit nga kalipay. (Juan 17:13)

• pagasantuson. (Juan 17:17, 19)

• mahimong hingpit. (Juan 17:23)

• mauban Kaniya. (Juan 17:24)

• makabaton sa gugma sa Amahan. (Juan 17:26)

Human ang lista makompleto, ikaw makapangutana:

• Unsa ang gitudlo niini nga pag-ampo kanimo mahitungod ni Jesukristo ug sa Langitnong Amahan?

• Unsa ang imong gibati mahitungod sa Manluluwas, nahibalo nga Siya gusto kanimo nga magbaton niini nga mga panalangin?

Sa pagtabang sa mga estudyante sa pagsabot sa koneksiyon tali sa Tigpataliwala nga Pag-ampo sa Manluluwas ug sa Iyang Pag-ula, pahinumdomi sila nga Siya mihatag niini nga pag-ampo sa hapit na ang pag-antos diha sa tanaman. Papasa ang wala mahuman nga pamahayag “Si Jesukristo nag-ampo nga kita unta …” ug ilisi kini sa “Tungod sa Pag-ula ni Jesukristo, kita mahimo …”

• Unsa nga mga koneksiyon ang imong makita tali sa Tigpataliwala nga Pag-ampo ug sa Pag-ula ni Jesukristo? (Tabangi ang mga estudyante sa pag-ila sa kamatuoran nga tungod sa Pag-ula ni Jesukristo, mahimong kita makadawat sa mga panalangin nga Iyang giampo diha sa Iyang Tigpataliwala nga Pag-ampo.)

• Unsa ang imong gibati mahitungod sa Manluluwas, nahibalo nga Siya mihatag sa Iyang kinabuhi aron ikaw makabaton niini nga mga panalangin?

Hunahunaa ang paghangyo sa mga estudyante sa pagribyu sa lista diha sa pisara ug sa pagpili og usa o duha ka panalangin nga sila gusto nga makabaton diha sa ilang mga kinabuhi. Dapita ang mga estudyante sa pag-ampo kanunay nga ang Ginoo mohatag kanila niadto nga mga panalangin.

Balik ngadto sa “Mga Kapilian nga Kalihokan sa Pagkat-on.”