Mateo 5; Lucas 6

Mahimo nimong ipakigbahin ang mosunod nga kahimtang:

• Unsaon nimo pagtabang sa pagpasabot ni Jaron bahin sa kalipay?

Ipasabot nga ang Manluluwas una mipakigbahin sa Wali Ibabaw sa Bungtod og siyam ka pagtulun-an isip ang Kabulahanan. Dapita ang mga estudyante nga basahon ang Mateo 5:3–12 ug pangitaa ang pulong nga nagsugod sa matag kabulahanan. Ipasabot nga ang pulong bulahan gikan sa Latin nga pulong beatus, nga nagpasabot nga palaran o malipayon (tan-awa sa “Mateo 5:3–12. Unsa ang mga Kabulahanan?” diha sa Mga Tabang sa Kasulatan: Bag-ong Tugon alang sa Dugang nga impormasyon).

Ikonsiderar ang pagpakita sa mosunod nga kamatuoran: Ang pagpaningkamot sa pag-angkon sa hiyas nga gitudlo sa Kabulahanan makatabang kanato sa pagduol ngadto kang Kristo ug masinati ang mas dakong kalipay.

Mahimo nimong dapiton ang mga estudyante sa pagrebyo sa Mateo 5:3–12 ug magpili og usa ka kabulahanan nga ganahan nila nga mas matun-an pa og lawom. Hatagi sila sa kauban nga handout aron matabangan sila nga makakat-on pa og dugang. (Samtang magtrabaho ang mga estudyante niining handout, sila magpraktis gamit sa mga kahanas “Pagpangita sa Kahulogan sa mga Pulong ug mga Hugpong sa mga Pulong” ug “Gamit ang mga Pagtulun-an sa mga Lider sa Simbahan aron Masabtan ang mga Kasulatan” gikan sa Mga Kahanas sa Pagtuon sa Kasulatan).

Ang mga estudyante mahimong mopakigbahin diha sa ginagmay nga mga grupo o isip usa ka klase kon unsa ang ilang nakat-onan kabahin sa kabulahanan nga ilang natun-an. Awhaga ang mga estudyante sa pagpakigbahin og personal nga kasinatian kon giunsa sa paggamit ang mga kamatuoran nga gitudlo diha sa Kabulahanan nga nakatabang kanila sa pagduol ngadto kang Kristo ug masinati ang mas dakong kalipay.

Mahimo nimong hatagan ang mga estudyante og panahon sa pagpamalandong ug sa pagrekord kon giunsa nila sa pagpangita aron maangkon ang hiyas diha sa kabulahanan nga ilang natun-an.

Balik ngadto sa “Mga Opsiyon sa Kalihokan sa Pagkat-on.”

Makapakita ka sa mosunod nga mga imahe sa asin ug kahayag:

Dapita ang pipila ka estudyante sa paghunahuna kon unsa ang gitudlo sa Manluluwas pinaagi sa simbolo sa asin diha sa Mateo 5:13. Dapita ang pipila sa paghunahuna kon unsa ang Iyang gitudlo gamit ang simbolo sa kahayag diha sa Mateo 5:14–16. Mahimo nimong ipakita ug marebyo ang mosunod nga mga pangutana nga makatabang sa mga estudyante sa paghubad sa simbolismo (tan-awa sa “Pagsabot sa Simbolismo diha sa Kasulatan” sa Mga Kahanas sa Pagtuon sa Kasulatan alang sa dugang tabang).

1. Unsa ang pagtandi nga gihimo diha sa bersikulo sa kasulatan o tudling nga imong gitun-an?

2. Unsa nga mga clue ang imong makit-an kabahin sa kahulogan sa simbolo diha sa teksto sa mga kasulatan, mga footnote, ug sa Giya ngadto sa mga Kasulatan? (Ang mga estudyante nga nagtuon sa bersikulo kabahin sa asin mahimo usab nga mobasa sa “Mateo 5:13. Unsay ipasabot sa pagkahimo nga ang ‘asin sa yuta’?” sa Mga Tabang sa Kasulatan: Bag-ong Tugon.)

3. Unsa ang gitudlo sa Manluluwas pinaagi niini nga simbolo?

Human magtugot og higayon sa pagtuon, ikonsiderar ang pagpangutana sa pipila sa mosunod nga mga pangutana:

• Sa unsang mga paagi ang mga disipulo ni Jesukristo makapakita sa mga kinaiya sa maayong asin? Sa unsang paagi kita mawad-an sa atong “lami,” o positibo nga impluwensiya?

• Unsay ipasabot sa pagpadan-ag sa imong kahayag? (Ang mga estudyante mahimong moila og usa ka kamatuoran sama sa mosunod: Ang atong matarong nga ehemplo isip mga disipulo ni Jesukristo makaawhag sa uban sa paghimaya sa Langitnong Amahan.) Makabasa ka sa pagtulun-an sa Manluluwas sa 3 Nephi 18:24–25 ug hisgoti kon sa unsang paagi kining mga pulong makaempluwensiya sa atong pagsabot sa Mateo 5:14–16.

• Paghunahuna og tawo nga imong mahulagway isip “ang asin sa yuta” o usa ka “kahayag sa kalibotan.” Sa unsang paagi ang matarong nga ehemplo niining tawhana nakaimpluwensiya kanimo o sa uban alang sa maayo? (Tingali makatabang ang pagtan-aw ug maghisgot “Shine Your Light So Others Can See” [3:19].)

  

  3:20

Awhaga ang mga estudyante sa pagpamalandong kon sa unsang paagi sila mahimong usa ka matarong nga impluwensiya sa uban, lakip diha sa social media. Aron matabangan ang mga estudyante sa paghunahuna sa pag-impluwensiya alang sa maayo nga anaa kanila o mahimong maangkon, mahimo nimong ipakita ug ipabasa ang mosunod nga pamahayag ni Presidente Susan H. Porter:

Unsay kadak-on ang kahayag nga gikinahanglan aron molusot sa kangitngit sa usa ka lawak? Usa ka gamay nga silaw. Ug kana nga silaw sa kahayag diha sa usa ka mangitngit nga dapit mahimo nga gikan sa gahom sa Dios nga anaa kanimo.

Bisan og mobati ka nga nag-inusara samtang ang mga unos sa kinabuhi mapuwersahon, ikaw makapadan-ag og kahayag diha sa kangitngit sa dili pagsinabtanay, pagkalibog, ug pagkawalay pagtuo. Ang imong kahayag sa hugot nga pagtuo diha ni Kristo mahimong makanunayon ug sigurado, naggiya niadtong naglibot kanimo ngadto sa kaluwasan ug kalinaw.

… Mga kasingkasing mahimong mabag-o ug ang mga kinabuhi mapanalanginan kon kita magtanyag og usa ka pudyot sa asin … ug usa ka silaw sa kahayag. (“Leksiyon diha sa Tabay,” Liahona, Mayo 2022, 61)

Awhaga ang mga estudyante sa pagtino og usa ka butang nga ilang mahimo o kinahanglan ipadayon sa pagbuhat aron matuman ang gilauman sa Manluluwas alang kanato nga mamahimong asin ug kahayag sa kalibotan.

Balik ngadto sa “Mga Opsiyon sa Kalihokan sa Pagkat-on.”

Ipakita ug hisgoti ang mosunod nga pamahayag ni Presdente Dallin H. Oaks:

Sukwahi sa mga institusyon sa kalibotan, nga nagtudlo kanato nga mahibalo og usa ka butang, ang ebanghelyo ni Jesukristo naghagit kanato nga mahimong usa ka butang. (“The Challenge to Become,” Liahona, Ene. 2000, 32)

Itudlo nga sa Mateo 5, si Jesukristo mihatag og usa ka mas taas nga balaod nga milabaw sa balaod ni Moises. Dapita ang mga estudyante sa pagtuon sa Mateo 5:17–20, 48 aron pagsuta kon sa unsang paagi ang pagsunod sa mas taas nga balaod mousab sa atong mga kinabuhi. (Tabangi ang mga estudyante sa pagsabot nga kon kita maningkamot sa pagsunod sa mas taas nga balaod, kita mamahimong mas sama sa Langitnong Amahan.)

Hunahunaa ang paggamit sa kauban nga handout aron sa pagtabang sa mga estudyante sa pagtuon ug pagtudlo sa usag usa kabahin sa mas taas nga balaod sa Manluluwas. Mahimo nimong bahinon ang imong klase ngadto sa lima ka grupo, usa alang sa matag hisgotanan, ug dapita ang matag grupo sa pag-andam ug pagtudlo sa klase. Kon dili, mahimo nimong tahasan ang matag estudyante og usa sa lima ka hisgotanan ug modapit kanila sa pagporma og grupo uban niadtong kinsa nagtuon sa uban nga mga hisgotanan. Mahimo na dayon sila nga makaandam sa pagtudlo sa ilang hisgotanan ngadto sa uban diha sa grupo.

Imbis ipareport sa mga estudyante sa ilang panaghisgotan sa grupo (o human sila nakareport), mahimo nimo silang dapiton sa pagpili og usa sa mga baroganan nga gitudlo sa Manluluwas ug mamalandong kon unsa ang ilang mahimo aron mas masunod kini nga baroganan.

Balik ngadto sa “Mga Opsiyon sa Kalihokan sa Pagkat-on.”