Mga Taga-Galacia

Hunahunaa ang pagpakigbahin sa mosunod nga talan-awon. Dapita ang mga estudyante sa paghunahuna og mga panahon nga ilang nasinati ang usa ka butang nga magkapareha.

• Unsa kaha ang gibati ni Carlos?

Ipasabot nga ang mga Santos sa Galacia kasagaran makabati og mga pagtulon-an nga supak sa ebanghelyo ni Jesukristo nga gitudlo pinaagi sa Iyang mga Propeta. Dapita ang mga estudyante sa pagpangita og usa ka pares ug sa pagbasa og dungan sa Mga Taga-Galacia 1:1–12. Dayon dapita sila sa paghisgot uban sa ilang pares kon unsaon sa mensahe ni Pablo ngadto sa mga taga-Galacia mahimong magamit ngadto sa sitwasyon ni Carlos.

Human matapos ang mga estudyante sa ilang panaghisgot, hunahunaa ang pagdapit og pipila ka mga estudyante sa pagpakigbahin ngadto sa klase kon unsay ilang nakat-onan. Mahimo usab nimong hisgotan ang mosunod nga mga pangutana:

• Sa unsang paagi ang mensahe ni Pablo magamit nganha sa imong kinabuhi?

• Sumala sa mga bersikulo 1 ug 11–12, nganong kita makasalig unsay gitudlo sa Apostoles sa Ginoo? (Tabangi ang mga estudyante sa pag-ila og usa ka kamatuoran sama sa mosunod: Kita makasalig sa Apostoles sa Ginoo tungod kay ang Ginoo nagpadayag sa mga kamatuoran sa Iyang ebanghelyo ngadto kanila.)

• Sa unsang mga paagi ikaw gipanalipdan sa panahon nga ikaw naghatag og prayoridad ngadto sa mga pagtulon-an sa buhing Apostoles sa Ginoo?

Hunahunaa ang pagpakigbahin sa mosunod nga pamahayag ni Sister Carol F. McConkie:

Kita … mopaluyo sa [Unang Kapangulohan] ug sa Korum sa Napulog Duha ka Apostoles isip mga propeta, mga manalagna, ug mga tigpadayag. “Aduna silay katungod, gahom, ug awtoridad sa pagpahayag sa hunahuna ug kabubut-on sa [Ginoo] … , ubos sa … Presidente sa Simbahan.” Sila mamulong diha sa ngalan ni Kristo. Sila managna diha sa ngalan ni Kristo. Sila mobuhat sa tanang butang diha sa ngalan ni Jesukristo. Sa ilang mga pulong atong madungog ang tingog sa Ginoo ug atong mabati ang gugma sa Manluluwas. …

Samtang mainampoon kitang nagbasa ug nagtuon sa propetikanhong pulong uban ang pagtuo diha kang Kristo, uban sa tinuod nga katuyoan, ang Espiritu Santo mamulong sa kamatuoran sa atong mga hunahuna ug mga kasingkasing. Unta atong ablihan ang atong mga dunggan nga makadungog, atong mga kasingkasing nga makasabot, ug ang atong mga hunahuna nga ang mga misteryo sa Dios mahimong mabuksan sa atong pagtan-aw. (“Pagpuyo sumala sa mga Pulong sa mga Propeta,” Liahona, Nob. 2014, 77, 79)

Dapita ang mga estudyante sa paghunahuna og usa ka butang nga ilang nakat-onan bag-ohay gikan sa mga propeta ug apostoles nga nakatabang kanila. Mahimo kang makapangutana:

• Giunsa sa mga pagtulon-an sa mga propeta ug apostoles pagpanalipod kanimo gikan sa mga paglingla sa kalibotan?

• Giunsa sa ilang mga pagtulon-an pagtabang kanimo sa pagbuntog sa pagduda o kalibog?

• Giunsa sa ilang mga pagtulon-an pagtabang kanimo nga mas makasabot og maayo sa tinuod nga kahulogan sa ebanghelyo sa Manluluwas?

Dapita ang mga estudyante sa pagpakigbahin sa ilang mga kasinatian.

Taposa ang kalihokan pinaagi sa pagdapit og usa o duha ka estudyante sa pagpakigbahin sa ilang mga pagpamatuod kabahin sa importansiya sa pagtuon ug pagsunod unsay gitudlo sa mga propeta ug apostoles sa Ginoo. Dapita ang mga estudyante sa paghunahuna unsay ilang mabuhat sa paghimo sa mga pulong sa Ginoo pinaagi sa Iyang mga propeta usa ka mas taas og prayoridad sa ilang mga kinabuhi.

Balik ngadto sa “Mga Kapilian nga Kalihokan sa Pagkat-on.”

Makasugod ka niini nga kalihokan sa pagkat-on pinaag sa pagpakigbahin sa mosunod nga talan-awon:

• Unsang sayop nga mga pangagpas nahimo ni John mahitungod sa Dios?

• Unsay gusto nimong masabtan ni John mahitungod sa Dios?

Dapita ang mga estudyante sa paghunahuna og mga panahon sa dihang mibati sila sama ni John. Ipasabot nga diha sa iyang sulat ngadto sa mga taga-Galacia, mitudlo si Pablo og importanting mga baroganan mahitungod kon unsaon nato nga kita makabarog nga walay lama ug may pagsalig diha sa Dios. Hatagi ang mga estudyante sa handout nga “Sa Unsang Paagi Kita Ipakamatarong sa atubangan sa Dios? [How Can We Be Justified before God],” ug dapita sila sa pagpangita og mga kamatuoran nga makatabang ni John. Ang mga estudyante makahimo niini nga kalihokan sa indibidwal nga paagi o sa ginagmay nga mga grupo.

Human mahatagan og panahon ang mga estudyante sa paghisgot, dapita sila sa pagpakigbahin sa ilang mga tubag. Tabangi sila sa pag-ila sa kamatuoran nga kita mahatagan og kaangayan sa atubangan sa Dios pinaagi sa atong hugot nga pagtuo diha ni Jesuktisto ug sa pagkamatinud-anon ni Kristo. (Hunahunaa ang pagbasa og dungan sa “Mga Taga-Galacia 2:15–16. Sa unsa nga paagi ang hugot nga pagtuo ni Jesukristo naghatag og katarungan kanato?” sa Mga Tabang sa Kasulatan: Bag-ong Tugon.)

Mahimo kini nga makatabang ang pagpakigbahin sa mosunod nga pahayag ni Elder D. Todd Christofferson isip kabahin sa inyong panaghisgot:

Ang kaangayan ug pagbalaan mao ang mga bunga sa Pag-ula nga “mahangturong hiyas,” diin nga hiyas nga atong gipasabot usab isip kalooy o grasya. …

Busa, dili nato kini kinugihan kini nga mga gasa, apan hinoon nga kita nagpili sa pagpangita ug pagdawat sa kaangayan ug pagbalaan. Tungod kay ang Manluluwas mibayad alang sa atong mga sala ug mitagbaw sa kaangayan alang kanato, kita nahimong mga utangan ngadto Kaniya kay sa ngadto sa kaangayan. Kita kinahanglan gayod nga motuman sa gipangayo nga mga kasabotan nga Iyang gitukod alang sa kapasayloan ug sa paglimpyo. … Ang tawo kinahanglan gayod nga mopili ni Kristo aron sa pagdawat unsa ang gitanyag ni Kristo. (“Justification and Sanctification,” Ensign, June 2001, 18, 23)

Hunahunaa kon unsaon sa mosunod nga mga pangutana pagpalawom sa pagsabot sa mga estudyante kabahin sa kaangayan:

• Unsaon nga ang pagsabot sa tahas sa Manluluwas sa paghatag og kaangayan magdala kanato og kalinaw ug paglaom imbis kabalaka ug kawalay kasigurohan?

• Sa unsa nga paagi ikaw mibati mahitungod sa Manluluwas, nasayod nga Siya miantos alang sa imong mga sala aron ikaw mahatagan og kaangayan diha sa atubangan sa Dios?

• Unsa ang imong mahimo sa pagpakita sa imong pasalamat ngadto ni Jesukristo alang sa unsa Siya kaandam sa pagbuhat alang kanimo? (Ang mga estudyante makarekord sa ilang mga hunahuna.)

Balik ngadto sa “Mga Kapilian nga Kalihokan sa Pagkat-on.”

Ipakita ang mosunod nga imahe ug pagdungan og basa sa Mga Taga-Galacia 5:16–17. Dapita ang mga estudyante sa pagpakigbahin kon giunsa niini nga imahe sa tug of war [binitaray] paggamit sa pagrepresentar sa mensahe ni Pablo.

• Ngano sa imong hunahuna adunay pakigbisog tali sa unod ug sa Espiritu alang sa tanang mga tawo?

Mahimo kamong magdungan sa pagbasa sa mosunod nga pamahayag ni Elder David A. Bednar:

Isip mga anak sa Dios, atong napanunod ang balaang mga kapasidad gikan Kaniya. Apan kita nagpuyo karon sa usa ka napukan nga kalibotan. Ang mga elemento gayod gikan diin gilalang ang atong mga lawas sa kinaiyanhon napukan ug kanunay nga alagad ngadto sa pagbitad sa sala, pagkadunot, ug kamatayon. Tungod niana, ang Pagkapukan ni Adan ug ang espiritwal ug temporal nga mga sangpotanan niini nag-apekto kanato pinaagi sa atong pisikal nga mga lawas. (“Kita Nagtuo sa Pagkaputli,” Liahona, Mayo 2013, 42–43)

• Unsa ang inyong nakat-onan gikan ni Elder Bednar mahitungod sa pakigbisog tali sa unod ug sa Espiritu?

Hunahunaa ang pagdapit og mga estudyante sa pagtrabaho kauban ang usa ka pares. Hatagi ang matag parisan og usa ka piraso nga papel (o pagamita sila og electronic nga himan). Dayon pasulata sila og duha ka ulohan [headings] diha sa papel: Bunga sa Espiritu ug Mga Kahigal sa Unod. Dapita ang mga estudyante sa pagtuon sa Mga Taga-Galacia 5:18–26 ug sa paglista sa mga pulong o mga pundok sa pulong ubos sa angay nga ulohan. (Awhaga ang mga estudyante sa paggamit sa “Ipasabot” nga sinulat sa Librarya sa Ebanghelyo sa pagtabang kanila sa bisan unsa nga mga pulong nga sila wala makasabot.) Ipahisgot sa mga estudyante uban sa ilang mga pares unsa nga mga pulong o pundok sa mga pulong nga milabaw ngadto kanila ug ngano.

Hunahunaa ang paghisgot isip usa ka klase ang mosunod nga mga pangutana:

• Unsa ang makahimo nga malisod ang paglikay sa mga “buhat sa unod”? (bersikulo 19).

• Sumala ni Pablo, unsaon nato pagbuntog ang mga tinguha sa unod? (Ang mga estudyante makaila og usa ka kamatuoran sama sa mosunod: Samtang kita naglakaw diha sa Espiritu, kita makabuntog sa mga tintasyon sa unod.)

• Unsa kaha ang ipasabot sa “managgawi diha sa Espiritu”? (bersikulo 25).

Ang mga estudyante makaporma og gagmay nga mga grupo ug dayon makigbahin og mga kasinatian kon sila mobati sa mga bunga sa Espiritu nga gilista diha sa mga bersikulo 22–23. O ang mga estudyante makarekord og usa ka bag-ong kasinatian uban sa Espiritu, ug ikaw dayon makadapit og pipila ka mga estudyante kinsa andam sa pagpakigbahin unsay ilang gisulat.

• Sa unsang paagi ang pagsinati sa mga bunga sa Espiritu mi-impluwensiya sa imong relasyon ngadto sa Langitnong Amahan ug ni Jesukristo?

Sa pagtapos sa kalihokan, makapangutana ka sa mga estudyante sa paghunahuna unsay ilang buhaton sa pagpahimulos sa mga bunga sa Espiritu og dugang pa diha sa ilang mga kinabuhi.

Balik ngadto sa “Mga Kapilian nga Kalihokan sa Pagkat-on.”

Makapakita ka sa mosunod nga imahe ug dapita ang pipila ka mga estudyante sa pagpakigbahin unsa nga mensahe ang ilang nakita nga girepresentar.

Ipasabot nga diha sa Mga Taga-Galacia 6, giawhag ni Pablo ang mga Santos sa paglakaw diha sa Espiritu ug motabang sa pagpas-an sa usag usa nga mga palas-anon. Mitudlo dayon siya og usa ka lawom nga leksiyon naggamit og kahulagwayan sa pagtanom ug sa pag-ani. Ipasabot nga migamit si Pablo og mga pulong nga pagpugas (pagtanom) ug pag-ani (pagsanggi).

Dapita ang mga estudyante sa pagtuon sa Mga Taga-Galacia 6:7–10, mangita alang sa leksiyon nga gitudlo ni Pablo naggamit sa kahulagwayan sa pagpugas ug pag-ani.

• Unsa ang mensahe ni Pablo diha sa bersikulo 7?

  Makahimo ka sa pagpasulat sa mga estudyante diha sa pisara sa ilang kaugalingong bersyon sa mensahe ni Pablo. Sama pananglit: Ayaw ilara ang imong kaugalingon. Ang Dios dili mabiaybiay. Unsa ang imong makuha gikan sa imong kinabuhi (sanggi) mao ang unsay imong ibutang ngadto sa imong kinabuhi (gitanom).

• Unsa ang pipila ka mga ehemplo niini nga mga kamatuoran sa atong inadlaw-adlaw nga mga kinabuhi?

• Unsa ang kalainan tali sa pagpugas sa paglipay sa unod ug sa pagpugas sa paglipay sa Espiritu?

• Unsa kaha ang ipasabot sa “dili magtinapolan sa pagbuhat og maayo”? (bersikulo 9).

Kini mahimong makatabang sa paghunahuna kon sa unsang paagi si Jesukristo mao ang hingpit nga ehemplo sa dili magtinapolan sa pagbuhat og maayo.

Hatagi og oportunidad ang mga estudyante sa paghunahuna kon unsaon nga sila makagamit sa mga kamatuoran nga ilang nakat-onan diha sa ilang mga kinabuhi. Usa ka paagi sa paghimo niini mao ang paghatag sa mga estudyante sa handout “Asa ang Akong mga Hunahuna ug Mga Buhat Modala Kanako? [Where Are My Thoughts and Actions Leading Me?]” ug hatagi sila og panahon sa pagkompleto niini.

Balik ngadto sa “Mga Kapilian nga Kalihokan sa Pagkat-on.”