Mateo 28; Marcos 16; Lucas 24; Juan 20–21

Mahimo nimong sugdan pinaagi sa pagpakita o pagpakigbahin sa mosunod nga kasinatian nga giasoy ni Elder John M. Madsen mahitungod sa pagkadungog sa pakigpulong ni Elder Bruce R. McConkie.

Si Elder McConkie naghatag og pakigpulong mahitungod sa Pagkapukan ug nangutana, “Unsaon ninyo sa pagmatuod nga si Jesus mao ang Kristo?” Walay mitubag. Dayon miingon siya, “Kining tanan nakasentro sa Pagkabanhaw.” Ang sunod niyang pangutana, “Unsaon ninyo sa pagmatuod sa Pagkabanhaw?” Usab dihay kahilom, hangtod nga si Elder McConkie namahayag, “Kining tanan nakasentro sa … ” (tan-awa sa Marianne Holman, “Easter Is ‘the Lord’s Day,’” Church News, Apr. 1, 2013).

Pangutan-a ang mga estudyante kon unsaon kaha nila pagkompleto ang kapahayag. Dayon ipakigbahin nga ang tubag ni Elder McConkie mao ang “mga saksi.”

• Unsay inyong nakita nga importante mahitungod sa tubag ni Elder McConkie? (Kon gikinahanglan, ribyoha ang pipila ka mga pakisayran sa balaod sa mga saksi sa “Saksi” sa Giya ngadto sa mga Kasulatan [Librarya sa Ebanghelyo] o tan-awa ang “Law of Witnesses” [0:26]).

  

  0:27

• Nganong importante kini alang sa matag usa kanato ang mosalig sa balaod sa Ginoo bahin sa pagsaksi?

Ipasabot nga ang mga estudyante magtuon sa mga asoy niadto kinsa nahimong mga saksi mismo sa nabanhaw nga Kristo. Ipakita ang mosunod nga mga asoy sa Pagkabanhaw sa Manluluwas, ug grupoha ang mga estudyante sa tinagutlo ka tawo. Hangyoa ang matag sakop sa grupo sa pagpili og managlahi nga asoy nga pagatun-an. Samtang sila hilom nga nagtuon sa ilang gipili nga asoy, dapita sila sa pagpangita kon (1) unsa ang kasinatian sa matag tawo o mga tawo sa nabanhaw nga Kristo ug (2) unsa ang ilang nakat-onan mahitungod Kaniya ug sa Iyang Pagkabanhaw. Hangyoa sila sa pagpakigbahin diha sa ilang mga grupo kon unsay ilang nakat-onan o gibati samtang ilang gibasa ang ilang asoy.

• Maria Magdalena: Juan 20:11–18

• Sa duha ka tawo sa dalan paingon sa Emmaus: Lucas 24:13–32

• Sa Napulo ka Apostoles: Lucas 24:33–48

Human sa panahon alang sa panaghisgot sa grupo, pagdapit og pipila ka mga estudyante sa pagpakigbahin kon sa unsang paagi ang ilang hugot nga pagtuo diha ni Jesukristo naimpluwensiyahan pinaagi sa pagbasa ug paghisgot mahitungod sa mga kasinatian niining mga saksi.

Ipasabot nga ang pipila ka tawo mahimong maglisod sa pagtuo sa mga pulong niini nga mga saksi tungod kay, para nila, motuo lamang sila kon sila makakita na. Dapita ang mga estudyante sa pagbasa sa Juan 20:24–29, mangita kon unsa ang gitudlo sa Manluluwas ngadto ni Tomas mahitungod sa pagtuo.

• Unsa ang importanteng kamatuoran ang gitudlo sa Manluluwas ngadto ni Tomas? (Tabangi ang mga estudyante sa pagpangita og usa ka kamatuoran sama sa mosunod: kita bulahan tungod sa atong pagpili nga motuo nga si Jesukristo buhi bisan og wala kita makakita Kaniya.)

• Unsa nga mga panalangin ang miabot (o mahimong moabot) kaninyo tungod sa pagpili sa pagtuo ni Jesukristo nga wala makakita Kaniya? Unsa ang labing nakatabang kaninyo sa pagpalig-on sa inyong pagpamatuod ug pagtuo diha sa Manluluwas?

Ikonsiderar ang pagpakita sa mosunod nga pamahayag ni Presidente Henry B. Eyring:

Ang Ginoo mitudlo sa Iyang Apostol nga si Tomas, kinsa gusto og pisikal nga ebidensiya sa Pagkabanhaw sa Manluluwas pinaagi sa paghikap sa Iyang mga samad, nga ang pagpadayag mas luwas nga ebidensiya: “Ug si Jesus miingon kaniya, Mituo ba ikaw tungod kay nakita mo ako? Dalaygon kadtong wala managpakakita, ngani nanagpanuo” (Juan 20:29).

Ang mga kamatuoran nga nagtimaan sa dalan pabalik sa Dios mapamatud-an pinaagi sa Espiritu Santo. …

Ang kumpirmasyon sa kamatuoran moabot ngadto sa usa ka anak sa Dios kinsa nakaangkon sa katungod nga makadawat sa Espiritu Santo. (“Ang Espiritu Santo isip Inyong Kauban,” Liahona, Nob. 2015, 105)

• Unsa ang atong makat-onan gikan sa pamahayag ni Presidente Eyring mahitungod sa tahas sa Espiritu Santo?

Dapita ang mga estudyante sa pagsulat og usa ka mubo nga pagpamatuod kon giunsa nila pagkasayod, o gustong masayod, nga si Jesukristo nabanhaw. Mahimo usab nilang irekord kon unsay ilang gibati mahitungod sa unsay kahulogan niana para nila ug sa matag tawo sa yuta. Awhaga sila sa pagpakigbahin kon unsa ang ilang gisulat ngadto sa tawo diha sa klase, pinaagi sa social media, o sa ubang paagi.

Balik ngadto sa “Mga Opsiyon sa Kalihokan sa Pagkat-on.”

Mahimo nimong ipakita ang kauban nga mga hulagway ug dapita ang mga estudyante sa pagpakigbahin kon unsa kaha ang gibati sa mga disipulo samtang nagtan-aw sila ni Jesus nga namatay ug nakakita sa Iyang walay kinabuhi nga lawas nga gipahiluna sa usa ka lubnganan. Ipasabot nga hangtod niini nga punto, sila wala gayod makasabot kon unsa ang gipasabot ni Jesukristo sa dihang Siya miingon nga Siya mobangon pag-usab (tan-awa sa Lucas 18:34; Juan 12:16).

• Nganong ang kamatayon sa usa ka minahal lisod man kaayo nga kasinatian?

Ikonsiderar ang pagbasa sa mosunod nga pamahayag ni Presidente Gordon B. Hinckley:

Kon ang kataposang gininhawa sa kinabuhi kuhaon na, adunay usa ka pagtapos nga walay ikatandi nga kataposan. Kon ang usa ka amahan ug inahan mopahiluna sa patayng lawas sa usa ka minahal nga anak diha sa bugnaw nga lubnganan, adunay pagbangutan nga hapit dili mahupay. Kon ang usa ka [kapikas] molubong sa kauban sa [iyang] kinabuhi, adunay pag-inusara nga hilabihang kapait ug walay alibyo. … Kon ang mga anak gihikaw sa mga ginikanan kinsa mihigugma ug mialima kanila, adunay tumang pagkawala sa paglaom nga walay ikatandi. Ang kinabuhi sagrado, ug ang kamatayon subo. Ang kinabuhi mahayag ug malaumon. Ang kamatayon solemne ug mangitngit. Ang kahilom niini maanindot ug may kasegurohan. (“The Empty Tomb Bore Testimony,” EnsignMay 1988, 66)

Basaha og dungan ang Lucas 24:36–48 o tan-awa ang “The Risen Lord Appears to the Apostles” (2:21), mangita sa unsay nakat-onan sa mga Apostoles mahitungod sa Pagkabanhaw sa Manluluwas. (Ang mga estudyante mahimong moila og usa ka kamatuoran nga susama sa mosunod si Jesukristo adunay nabanhaw ug mahikap nga lawas nga unod ug bukog.)

2:22

Aron matabangan ang mga estudyante nga maghunahuna og maayo mahitungod kon sa unsang paagi ang pagtuo diha sa Pagkabanhaw sa Manluluwas makapausab sa panglantaw sa tawo kabahin sa kamatayon, ipanghatag ang handout nga “Pagkaplag og Paglaom diha sa Pagkabanhaw ni Jesukristo”:

Human ang mga estudyante nakabaton og igong panahon sa pagtuon ug pagpamalandong, dapita sila sa pagporma og gagmay nga mga grupo ug sa pagpakigbahin kon unsa nga mga kamatuoran ang ilang itudlo diha sa ilang pakigpulong sa lubong. Awhaga sila sa pagpakigbahin usab sa ilang mga pagbati mahitungod sa Pagkabanhaw sa Manluluwas.

Mahimo nimong taposon pinaagi sa pagtan-aw sa “Finding Hope through the Resurrection of Christ” (4:41) ug sa pagdapit sa mga estudyante sa pagpakigbahin kon sama sa unsa kaha ang mahimamat pag-usab ang namatay nga mga minahal diha sa unod.

4:42

Balik ngadto sa “Mga Opsiyon sa Kalihokan sa Pagkat-on.”

Ikonsiderar ang pagdapit sa mga estudyante sa pagrekord sa mga butang nga ilang gigahinan sa ilang panahon sa miaging pipila ka adlaw. Ipasabot nga gamiton nila kini nga lista unya sa kalihokan sa pagkat-on.

Dapita ang mga estudyante sa pagpakli ngadto sa Juan 21. Ipasabot nga ang mga panghitabo niini nga asoy nahitabo human si Jesukristo nabanhaw ug wala na magpuyo uban sa Apostoles. Paghatag og minubo nga asoy sa Juan 21:2–14, ug dayon dapita ang mga estudyante sa pagbasa sa Juan 21:15–17, mangita sa mensahe sa Manluluwas ngadto kang Pedro. Mahimo nimong ipakita ang mosunod nga hulagway ug hisgotan kon unsay girepresentahan sa sakayan, pukot, ug sa isda sa kinabuhi ni Pedro.

• Kon si Jesus mangutana kanimo og samang pangutana nga Iyang gipangutana ni Pedro, unsa ang imong hunahuna nga Iyang gipasabot ngadto sa “Niini” diha sa imong kinabuhi? (Ang mga estudyante mahimong motan-aw sa unsay ilang narekord sa sinugdanan niini nga kalihokan alang sa posibleng mga tubag.)

• Unsa ang gitudlo ni Jesukristo ngadto ni Pedro? (Ang mga estudyante mahimong moila og usa ka baroganan sama sa mosunod: Kon kita nahigugma ni Jesukristo, kita mopaka-on sa Iyang mga karnero ug mangalagad sa mga panginahanglan sa uban.)

• Sa imong hunahuna ngano kaha nga importante para ni Pedro nga makakita sa koneksiyon tali sa gugma alang sa Manluluwas ug sa pagpangalagad sa uban?

Ikonsiderar ang pagpakigbahin sa mosunod nga pamahayag ni Elder Patrick Kearon:

Nganong nangutana ang Manluluwas ni [Pedro] sa tulo ka higayon kon siya nahigugma ba Kaniya? … Nagkinahanglan Siya ni Pedro nga makasabot kon unsay pasabot sa pagkahimong disipulo ug sumusunod sa nabanhaw nga Kristo. … Unsa man ang gusto sa Ginoo gikan ni Pedro? Gusto Niya nga pakan-on ni Pedro ang Iyang mga karnero, ang Iyang mga nate. Mao kini ang trabaho nga gikinahanglan nga buhaton. …

Ang inyong pangutana lagmit mao, agig tubag sa tawag sa pagpangalagad, “Asa man ako magsugod?” Sugdi sa pag-ampo. …

Pangutana sa inyong Langitnong Amahan kon unsay mahimo ninyong buhaton, ug alang kang kinsa. Bisan unsang gamay nga buhat sa kamabination makapahimo kanato nga makatan-aw sa panggawas ug dala niini ang kaugalingong mga panalangin. Tubaga ang bisan unsang impresyon nga inyong madawat, bisan unsa pa ka gamay niini. Sunda kini. …

Sumala pa ni Sister Jean B. Bingham, “Usahay maghunahuna kita nga kinahanglang mobuhat og talagsaon ug bayanihong butang aron ‘maihap’ nga nagserbisyo sa atong mga silingan. Apan ang yanong mga buhat sa serbisyo mahimong dunay lawom nga mga epekto sa uban—ingon man sa atong mga kaugalingon” [“Pagpangalagad sama sa Gibuhat sa Manluluwas,” Liahona, Mayo 2018, 104]. (“A. Hallmark of the Lord’s True and Living Church” [tibuok kalibotan nga debosyonal alang sa mga young adult, Mayo 6, 2018], broadcasts.ChurchofJesusChrist.org.)

Mahimo kang magtawag og mga estudyante nga mopakigbahin og mga ehemplo sa yano nga mga buhat sa serbisyo nga bag-o lang nilang nadawat ug unsay ilang gibati mahitungod niini. Dapita sila nga mainampoon maghunahuna og usa ka yano nga buhat sa pagserbisyo nga ilang mahatag karon o ugma aron mapakita ang ilang gugma alang sa Manluluwas.

Balik ngadto sa “Mga Opsiyon sa Kalihokan sa Pagkat-on.”