Mateo 14; Marcos 6; Juan 5–6

Mahimo nimong ipasabot og maayo nga ang pagsabot sa kahimtang nga naglibot sa Manluluwas sa pagpakaon sa lima ka libo makausab kon giunsa nato sa pagbasa ang istorya. Aron matabangan ang mga estudyante nga makapraktis sa kahanas sa “Pagsabot sa mga Kasulatan sa Konteksto niini” nga anaa sa Mga Kahanas sa Pagtuon sa mga Kasulatan, mahimo nimong buhaton ang mosunod:

• Ipakita ang mosunod nga hulagway ug pangutan-a ang mga estudyante unsay ilang nahibaloan mahitungod sa relasyon ni Jesukristo ug ni Juan Bautista. (Sama pananglit, mga manag-agaw sila [tan-awa sa Lucas 1:36]. Si Juan miandam sa dalan alang sa mortal nga misyon sa Manluluwas.)

  

• Dapita ang mga estudyante sa pagbasa sa Mga Tabang sa Kasulatan: Bag-ong Tugon diha sa entri [the entry] “Mateo 14:1–5. Nganong gibilanggo ni Herodes si Juan Bautista? (Ikompara sa Marcos 6:14–20.)” O mahimo nimong iminubo [summarize] ang mga kahimtang nga maoy hinungdan sa pagkabilanggo ug pagkamatay ni Juan (tan-awa sa Mateo 14:1–12).

• Dapita ang mga estudyante sa paghunahuna kon unsa kaha ang gibati sa Manluluwas sa pagkahibalo nga si Herodes mipunggot sa ulo si Juan. Mahimo nimong ipasabot nga human mahibalo mahitungod sa kamatayon ni Juan, si Jesus milakaw aron mag-inusara (tan-awa sa Mateo 14:13).

Dapita ang mga estudyante sa pagtuon sa Mateo 14:13–21, nga mangita giunsa ni Jesus sa pag-atubang ang nagkadaghan nga pundok sa katawhan samtang nagsubo pa sa pagkamatay ni Juan. Samtang mopakigbahin ang mga estudyante sa ilang mga hunahuna, ang pipila sa mosunod nga mga pangutana tingali mopalambo sa ilang pagkat-on:

• Sa unsang paagi ang pagkasabot sa kahimtang nga naglibot sa pagkamatay ni Juan makaimpluwensiya kon giunsa ninyo sa pagbasa ang istorya bahin sa pagpakaon ni Jesus sa lima ka libo?

• Unsay atong makat-onan mahitungod sa pagsagubang sa mga kalisdanan ug kasub-anan gikan sa mga gihimo sa Manluluwas? (Ang mga estudyante makatino og usa ka kamatuoran nga susama sa mosunod: Makasunod kita sa ehemplo sa Manluluwas pinaagi sa pagpakita og kaluoy ug pagserbisyo sa uban samtang nagsinati kita og kalisod.)

Ikonsiderar ang pagpakigbahin sa mosunod nga pamahayag ni Elder Moisés Villanueva:

Gipakita ni Jesukristo kanato nga sa panahon sa pagsulay ug kalisdanan, kita makahibalo sa mga kalisod sa uban. Tungod sa kaluoy, kita makatabang ug makabayaw kanila. Ug kon atong buhaton, kita usab mabayaw tungod sa atong Kristohanon nga pagserbisyo. Si Presidente Gordon B. Hinckley mipahayag: “Ang labing maayo nga tambal nga akong nasayran alang sa kabalaka mao ang pagtrabaho. Ang labing maayo nga medisina sa pagkawala sa paglaom mao ang pagserbisyo. Ang labing maayong tambal sa kaluya mao ang hagit sa pagtabang og usa ka tawo nga mas luya pa” [Mga Pagtulon-an sa mga Presidente sa Simbahan: Gordon B. Hinckley (2016), 178]. (“Gipangga sa Ginoo sa Tanan Ko nga mga Panahon,” Liahona, Nob. 2021, 46)

Dapita ang mga estudyante sa pagpamalandong og ilang mga kasinatian bahin niini nga baroganan—sa paghatag man og pagdawat og serbisyo. Ikonsiderar ang paghatag sa mga estudyante og panahon nga ikapakigbahin ang kaugalingon nilang mga kasinatian pinaagi sa ginagmay nga grupo.

4:59

4:52

Mahimo nimong taposon kining kalihokan sa pagkat-on pinaagi sa pagdapit sa mga estudyante sa pagpamalandong kon unsaon nila nga mas mahisama sa Manluluwas ug mangita og mga paagi nga makaserbisyo sa uban kon magsinati sila og kasubo, mamatyan, o kasakit.

Balik ngadto sa “Mga Opsiyon sa Kalihokan sa Pagkat-on.”

Ikonsiderar ang pagdapit sa mga estudyante sa paghunahuna ug sa pagrekord sa pipila ka butang nga nagdala og kahadlok ug pagduhaduha sa ilang kinabuhi. Tingali makatabang ang paghisgot kon unsay mahimong epekto sa pagduhaduha ug kahadlok sa atong mga hunahuna, mga lihok, ug mga pagpili.

Dapita ang mga estudyante sa pagbasa sa Mateo 14:22–31. Hangyoa sila sa pagpangita kon unsay hinungdan sa pagkaunlod ni Pedro. Mahimo nimong awhagon ang mga estudyante sa paghunahuna kon unsa kaha ang pagbati nga makalakaw sa tubig (tan-awa sa “Paghanduraw [imagine] sa mga Kasulatan,” nga anaa sa Mga Kahanas sa Pagtuon sa Kasulatan).

2:11

• Unsa nga mga pulong ug mga buhat sa Manluluwas ang makatabang nato kon magsinati kita og pagduhaduha o kahadlok?

• Unsay atong makat-onan mahitungod sa kahadlok ug sa hugot nga pagtuo gikan sa kasinatian ni Pedro nga naglakaw sa tubig? (Tingali makakita ang mga estudyante og lain-laing mga kamatuoran, lakip sa mga mosunod: Kon padayon natong huptan ang atong hugot nga pagtuo kang Jesukristo, dili kita mabuntog sa atong mga kahadlok.)

Ikonsiderar ang pagpakigbahin sa mosunod nga pamahayag ni Presidente Jeffrey R. Holland:

Samtang nakatutok ang iyang mga panan-aw ngadto sa Ginoo, ang mga hangin makapalid sa iyang buhok ang mga pisik makapaumog sa iyang mga kupo, apan maayo ra ang tanan—nagpadulong siya kang Kristo. Lamang dihang ang iyang pagtuo napaling, lamang dihang gihunong niya ang pagtutok ngadto sa Agalon … nagsugod siya sa pag-unlod. …

… Nagsubo ko nga ingon og kita dali ra kaayong mosaway ni Pedro niana nga pagkahadlok, sa pagkawala sa iyang hugot nga pagtuo, ug sa pagkaluya atol niining makahuloganong gutlo. … Utang nato kang Pedro ang atong kinadak-ang pagdayeg ug kadasig sa (a) tinguha, sa iyang pagpangahas og buhat sa unsay gihimo sa iyang agalon, sa paglakaw sa tubig, ug (b) sa aktwal nga kalamposan sa paghimo niini. …

Gisulti ko kini kay kita nagkinahanglan nga madasig sa atong hugot nga pagtuo ug moawhag og hugot nga pagtuo bisan asa ug bisan kanus-a kita makakaplag niini, bisan kon dili kini hingpit, diyutay ra, ug may kakulang pa. Walay usa kanato ang nagbaton og hingpit, kinahugtan nga pagtuo nga angay untang naa kanato, apan atong maalimahan kini nga hugot nga pagtuo nga ania kanato ug dayegon kini kon kana atong makita diha sa uban. (Our Day Star Rising: Exploring the New Testament with Jeffrey R. Holland [2022], 32–34)

Mahimo kang modapit sa mga estudyante sa pagpakigbahin og mga ehemplo sa hugot nga pagtuo diha kang Kristo nga ilang nasinati o nakita—bisan og makita nga ingon og kini “dili hingpit, dyutay, ug may kulang pa.”

Dapita ang mga estudyante sa pagpili og usa sa mosunod nga mga hut-ong sa mga pangutana ug sa pagrekord sa ilang mga tubag ngadto niini:

• Unsay nakatabang ninyo o niadtong inyong mga nailhan aron mapadayon ang inyong hugot nga pagtuo sa Manluluwas? Unsa ang butang nga inyong mahimo sa inadlaw ninyong kinabuhi aron molambo ang inyong hugot nga pagtuo Kaniya?

• Unsay nagbalda sa inyong pagtutok sa Manluluwas? Unsay inyong mahimo aron matangtang kini nga pagbalda?

• Sa unsang paagi kaha ikaw nagkaunlod sa espritwal nga paagi? Sa unsang paagi inyong makab-ot ang Manluluwas ug madawat ang Iyang pangluwas nga kamot?

Mahimo nimong taposon pinaagi sa pagpakigbahin sa imong pagpamatuod sa Manluluwas o sa pagdapit og usa ka estudyante sa pagpakigbahin sa ilang pagpamatuod.

4:31

1:9

Balik ngadto sa “Mga Opsiyon sa Kalihokan sa Pagkat-on.”

Mahimo nimong sugdan pinaagi sa pagpakita sa mosunod nga hulagway sa tawo nga dunay sakit didto sa linaw sa Betesda ug sa pagrebyo sa tradisyon libot sa makaayong mga gahom niini nga katubigan (tan-awa sa “Juan 5:2–9. Unsa ang tradisyon mahitungod sa linaw sa Betesda?” sa Mga Tabang sa Kasulatan: Bag-ong Tugon).

Dapita ang mga estudyante sa paghunahuna sa mosunod nga mga pangutana. Mahimo usab silang maghisgot nga may kapares o sa ginagmay nga grupo:

• Unsa kaha ang pagbati kon ikaw mao ang tawo nga adunay sakit sulod na sa 38 ka tuig?

• Kinsa ang inyong nailhan nga nanghinaot ug naghulat og pagkaayo sa ilang kinabuhi?

Dapita ang mga estudyante sa pagbasa sa Juan 5:1–9, mangita sa unsay atong makat-onan bahin sa Manluluwas gikan sa Iyang paghimamat sa maong tawo. Mahimo nimong hisgotan nga ang Betesda puwedeng hubaron nga “balay sa kaluoy.”

2:24

• Unsay natudlo ngari kanato sa pagkasugat ni Jesus ngadto niini nga tawo mahitungod sa Manluluwas? (Ang mga estudyante puwedeng moila og usa ka kamatuoran sama sa mosunod: Si Jesukristo maluloy-on ug mohatag og paglaom ug pagkaayo kanato.)

Mahimo nimong ipakigbahin ang mosunod nga pamahayag ni Presidente Jeffrey R. Holland:

Unsa kadugay kitang maghulat og kahupayan gikan sa mga kalisod nga miabot kanato? Unsa kahay atong mahimo aron makalahutay sa personal nga mga pagsulay samtang magsige kita og hulat ug ang tabang daw dugay kaayong moabot? Nganong langayon man kon ang mga palas-anon ingon og mas labaw pa sa atong makaya?”…

… Ang hugot nga pagtuo nagpasabot nga mosalig sa Dios sa maayo nga panahon ug sa daotang mga panahon, bisan og naglakip kini sa mga pag-antos hangtod atong makita ang Iyang mga bukton nga ipadayag tungod og alang kanato. (“Naghulat sa Ginoo,” Liahona, Nob. 2020, 115–16)

• Unsa ang pipila ka paagi nga kita makasalig sa Langitnong Amahan ug ni Jesukristo samtang maghulat kita nga makadawat og kaluoy ug pagkaayo?

Hatagi ang mga estudyante og panahon nga masulat ang mga matang sa pagkaayo nga ilang gihulat. Awhaga sila sa pagsulat mahitungod sa paglaom ug pagkaayo nga ilang makaplagan pinaagi ni Jesukristo. Mahimo silang molista og pipila ka paagi nga sila makasalig sa Manluluwas samtang nagtinguha ug naghulat sa Iyang pagpang-ayo.

Balik ngadto sa “Mga Opsiyon sa Kalihokan sa Pagkat-on.”

Ikonsiderar ang pagpakita sa mosunod nga mga pangutana, ug hatagi ang mga estudyante og panahon sa pagpamalandong:

Sa milabayng 24 ka oras, unsang mga butanga ang piho nimong nahimo sa pag-atiman sa imong lawas? Ug unsa man sab kaha sa imong espiritu?

Dapita ang mga estudyante sa pagpamalandong kon unsay gihimo nila matag adlaw sa pag-atiman sa ilang mga kalag samtang gitun-an nila ang sermon sa Manluluwas nga Pan sa Kinabuhi.

Ipasabot nga human sa pagpakaon ni Jesus sa lima ka libo, gibiyaan sila sa Manluluwas ug mitabok sa dagat sa Galilea. Dapita ang mga estudyante sa pagbasa sa Juan 6:25–26, mangita kon nganong ang mga tawo nangabot nga nangita kang Jesus. Hangyoa usab ang mga estudyante sa pagtan-aw kon unsay ikadugang sa Hubad ni Joseph Smith sa Juan 6:26 sa ilang panabot.

• Unsay inyong hunahuna mahitungod sa rason sa mga tawo sa pagpangita sa Manluluwas?

Mahimo nimong hatagan ang matag estudyante sa mosunod nga handout nga basahon ug dapiton sila sa paggamit niini sa pagpangita og mga rason sa pagpangita sa Manluluwas.

Human mahatagan ang mga estudyante og higayon sa pagpangandam, dapita ang matag estudyante sa pagpangita og kapares ug mopakigbahin kon unsaon nila sa pagtudlo ang mahitungod sa espirituwal nga pag-alima nga atong madawat gikan sa Manluluwas. (Ang mga estudyante mahimong mosulti og baroganan sama sa mosunod: Kon moambit kita sa Pan sa Kinabuhi, nga mao si Jesukristo, maalimahan kita sa espirituhanong paagi ug makaangkon og kinabuhing dayon.)

2:52

Balik ngadto sa “Mga Opsiyon sa Kalihokan sa Pagkat-on.”

Isulat sa pisara ang mosunod: “Lisod kining sultiha; kinsa may makapatalinghog niini?”

Basaha ang Juan 6:59–60 dungan sa mga estudyante, ug dapita sila sa pag-ila kon si kinsa ang nangutana sa Manluluwas niini.

• Unsay nakita sa pipila sa Iyang mga disipulo nga lisod o mga panultihon nga lisod dawaton? (Kon gikinahanglan, ikaw o usa ka estudyante ang mahimong mopamubo sa unsay gitudlo ni Jesus diha sa sermon sa Ang Pan sa Kinabuhi [tan-awa sa Juan 6:26–56].)

Dapita ang mga estudyante sa pagbasa sa Juan 6:60–69, mangita kon unsay atong makat-onan mahitungod sa pagsanong sa lisod nga mga pagtulon-an gikan sa Manluluwas.

• Unsa nga mga rason ang gihatag ni Pedro sa wala pagbiya? Unsay atong makat-onan gikan sa tubag ni Pedro? (Ang mga estudyante makatino og kamatuoran nga susama sa mosunod: Ang usa ka pagpamatuod ngadto sa Manluluwas makatabang nato nga magpabiling matinud-anon Kaniya kon makasugat kita og mga pagtulun-an nga sa tan-aw nato lisod dawaton.)

• Sa unsang mga paagi ang imong pagpamatuod sa Manluluwas nakatabang nimo nga magpabiling matinud-anon sa dihang nag-atubang og lisod nga mga pagtulun-an?

• Nganong importante ang pagtinguha sa espiritu sa pagpadayag kon makasugat kita og mga pagtulun-an nga lisod? (tan-awa sa Juan 6:63, 65). Sa unsang paagi kamo napanalanginan pinaagi sa paghinumdom sa espirituhanong mga kasinatian nga mipalig-on sa inyong pagpamatuod sa Manluluwas?

Mahimo kang magpakita o mohatag sa matag estudyante sa mosunod nga pamahayag ni Elder Neil L. Andersen.

2:6

Ang mga hagit, mga kalisdanan, mga pangutana, mga pagduha-duha—kini mga kabahin sa atong mortalidad. Apan wala kita mag-inusara. Isip mga disipulo ni Ginoong Jesukristo, kita adunay dako kaayo nga espirituhanong mga pundohanan sa kahayag ug kamatuoran nga atong magamit. … Sa atong mga adlaw sa kalisod, kita mopili sa dalan sa hugot nga pagtuo. Miingon si Jesus, “Ayaw kahadlok, sumalig ka lamang” [Marcos 5:36].

Sa tibuok nga mga katuigan kita balik-balik nga naghimo niining mahinungdanon nga espirituhanong mga lakang. Magsugod kita sa pagkakita nga “siya nga nakadawat sa kahayag, ug magpadayon diha sa Dios, makadawat og labaw pa nga kahayag; ug kana nga kahayag mag-anam og labaw kahayag ug labaw sa kahayag hangtod sa hingpit nga adlaw” [Doktrina ug mga Pakigsaad 50:24]. Ang atong mga pangutana ug mga pagduhaduha masulbad o mahimong dili na angayang kabalak-an alang kanato. Ang atong hugot nga pagtuo mahimong yano ug putli. Masayran nato ang unsay nasayran na natong daan. (“Kamo Igo nga Nasayod,” Liahona, Nob. 2008, 14)

Sa ginagmayng grupo, ang mga estudyante pwedeng maghisgot kon sa unsang paagi ang “espirituhanong pundohanan sa kahayag” o “mahinungdanon nga espirituhanong mga lakang” nakatabang o makatabang nila nga magpabiling lig-on kon gihagit og “lisod nga [mga] pulong” (bersikulo 60).

Sa pagtapos, ikaw o usa ka estudyante mahimong mopakigbahin og pagpamatuod kon unsay naghimo kanimo o kanila nga magpabiling matinud-anon dihang nag-atubang og “lisod nga [mga] [panultihon].”

Balik ngadto sa “Mga Opsiyon sa Kalihokan sa Pagkat-on.”