Filipi ma le Kolose

E mafai ona e amata i le valaauliaina o tagata aoga e faasoa mai nisi o aafiaga na latou feagai ai ma luitau a o saili e fai le galuega a le Alii.

• Pe a e feagai ma luitau, e mafai faapefea e ou uiga faaalia ona aafia ai le galuega a le Alii?

Mafaufau e faaali atu le ata lenei ma faamatala atu na tusia e Paulo lana tusi i tagata Filipi a o i ai o ia i le falepuipui, atonu i Roma (tagai i le Filipi 1:7, 13, 16).

Valaaulia tagata aoga e faitau le Filipi 1:12–14, 19–26, ma vaavaai mo mea e mafai ona latou aoao mai ia Paulo e uiga i le faia o le galuega a le Alii a o feagai ma luitau. E mafai ona e fai atu fesili faapenei:

• Na faapefea ona aafia le salalau atu o le talalelei a le Faaola i le faafalepuipuiina o Paulo?

• E te manatu na faapefea ona fesoasoani uiga faaalia o Paulo i lona faafalepuipuiina e agai ai i luma le galuega a le Alii? (Atonu e faasoa mai e tagata aoga se upumoni e pei o lenei: A tatou ola i le faatuatua, faamoemoe ma le lotofaafetai, e mafai e le Alii ona faalauteleina le talalelei e ala ia i tatou.)

• O anafea na e vaaia ai le faatuatua, faamoemoe, ma le lotofaafetai o se tasi a o feagai ma luitau ona fesoasoani e agai ai i luma le galuega a le Alii?

E mafai ona e faasoa atu se tasi pe sili atu o ata faataitai nei po o nisi o au lava ata faataitai. Valaaulia tagata aoga e mafaufau pe faapefea ona latou uunai i luma le galuega a le Faaola i le faatuatua, faamoemoe, ma le lotofaafetai i ata faataitai taitasi:

Tuu atu i tagata aoga se taimi e mafaufau ai i soo se avanoa latou te ono maua i le vaiaso a sau e fetaiai ai ma luitau ma le faatuatua, faamoemoe, ma le lotofaafetai. A lava se taimi , uunaia tagata aoga e mulimuli i le faataitaiga a Paulo a o latou faagasolo lo latou vaiaso.

Toe foi i le “Filifiliga o Gaoioiga e Aoao Ai.”

Tusi i luga o le laupapa le faauigaga lenei o le ositaulaga a Elder Dieter F. Uchtdorf:

O le ositaulaga o lona uiga o le lafoai o se mea mo se isi mea e sili atu ona taua. (“O Tatou Loto Uma,” Liahona, Me 2022, 124)

Faaali atu fesili nei, ma tuuina atu se taimi i tagata aoga e mafaufau loloto ai ma tusi faamaumau o latou manatu:

• O anafea le taimi mulimuli na talosagaina ai oe e lafoai se mea e fiafia i ai mo se mea e sili atu ona taua? O le ā le mea na sili ona taua? Pe e te lagona sa aoga? O a ni mafaufauga, lagona, po o ni popolega o ia te oe e uiga i le ositaulaga mo le Alii?

Faamalamalama atu na aoao mai e Paulo mataupu faavae e mafai ona fesoasoani ia i tatou i fesili ma popolega atonu tatou te maua e uiga i le ositaulaga. Faitau le Filipi 3:4–15 ma vaavaai mo le mea na aoao mai e Paulo e uiga i le ositaulaga. (Atonu e te mana’o e faamatala atu e faapea o le upu “faatusaina” i le fuaiupu 10 o lona uiga o le ioeina, o le fasifuaitau “tausisi atu pea” i le fuaiupu 12 o lona uiga o le fetaomi atu i luma, ma o le upu “maua” i le fuaiupu 12 o lona uiga ia ausia.)

• O le a le mea na ositaulagaina e Paulo ina ia maua ai le talalelei a Iesu Keriso i lona olaga?

• O le a le “taui” (fuaiupu 14) lea e tuuina mai e le Faaola ia i latou o e ositaulaga e mulimuli ia te Ia?

• O le a le mataupu faavae e mafai ona tatou aoao e uiga i le ositaulaga mai nei fuaiupu? (E mafai ona faailoa mai e tagata aoga se upumoni e pei o lenei: A o tatou ositaulaga ma le naunautai e mulimuli ia Iesu Keriso, tatou te iloa o Ia ma saunia e maua le ola e faavavau.)

Faitau faatasi le vaega o totoe o le saunoaga a Elder Uchtdorf e uiga i le ositaulaga:

O le ositaulaga o lona uiga o le lafoai o se mea mo se mea e sili atu ona taua. … I le talafaasolopito atoa, ua ositaulagaina e le Au Paia faamaoni manaoga patino faaletagata, tulaga mafanafana, e oo lava i o latou ola mo le Faaola.

E tofu i tatou uma ma mea, tetele ma laiti, e tatau ona tatou ositaulaga ina ia mulimuli atoatoa ai ia Iesu Keriso. O a tatou osigataulaga e faaalia ai mea tatou te faatauaina moni lava. O osigataulaga e paia ma faamamaluina e le Alii. “O Tatou Loto Uma,” Liahona, Me 2022, 124)

• O a nisi o mea na ositaulagaina e oe, lou aiga, po o uo e mulimuli ai ia Iesu Keriso?

• O a faamanuiaga ua oo mai i le faia o nei osigataulaga mo le Faaola?

Faaali atu fuaiupu nei e le’i mae’a ma valaaulia tagata aoga e faatumu ma faatino soo se uunaiga latou te maua:

Toe foi i le “Filifiliga o Gaoioiga e Aoao Ai.”

Tusi i luga o le laupapa fuaitau nei, ma valaaulia tagata aoga e suesue i ai, ma vaavaai mo se autu masani:

• O le a sou manatu i le uiga o le “tumau” i le Alii?

Mafaufau e faitau le saunoaga lenei a Elder Ulisses Soares:

O le sailiina o Keriso i mafaufauga uma, ma mulimuli ia te Ia ma o tatou loto atoa e manaomia ai lo tatou faaogatasia o lo tatou mafaufau ma manaoga faatasi ma Ia. Ua ta‘ua i tusitusiga paia lenei faaogatusa o le “tumau [ai] i le Alii” [Filipi 4:1]. O lenei alafua ua faailo mai ai e faapea ia tatou faatautaia pea lava o tatou olaga ia ogatasi ma le talalelei a Keriso ma taulai atu i aso taitasi i mea uma e lelei. (“Saili Atu ia Keriso i Mafaufauga Uma,” Liahona, Nov. 2020, 83–84)

• O le a se mea e mafai ona faigata ai i talavou matutua ona tutumau i le Alii?

Valaaulia tagata aoga e faitau le Filipi 4:4–13, ma vaavaai mo mataupu faavae e mafai ona fesoasoani i se tasi e tumau pe ogatusa ai ma le Alii. Ona faaali atu lea o faatonuga nei:

• Filifili le mataupu faavae i le Filipi 4:4–13 e sili ona e fiafia i ai.

• Saunia se savali puupuu (pe tusa ma le 3 minute) e uiga i le auala e mafai ai e lenei mataupu faavae ona fesoasoani i se tasi e tumau ai i le Alii.

  • Saili se mau lagolago po o se faamatalaga mai se taitai o le Ekalesia e faaaoga i lau savali.

  • Faasoa atu se faataitaiga faaletusi paia po o se faataitaiga patino i le auala e mafai ona faaaoga ai lenei mea i o tatou olaga.

A uma ona maua se taimi e saunia ai e tagata aoga a latou savali, tuu atu i tagata aoga taitasi e galulue faatasi ma se paga ma ia feauauai i latou taitoatasi e faasoa atu a latou savali. Uunaia i latou e molimau atu i mea latou te aoao atu.

E mafai ona e faaiuina i le valaauliaina o ni nai tagata aoga e faasoa mai mea na latou aoaoina mai le savali a a latou paga. Valaaulia i latou e faatino mea na latou aoaoina mai le mataupu faavae na latou aoaoina.

Toe foi i le “Filifiliga o Gaoioiga e Aoao Ai.”

E mafai ona e faaali atu i tagata aoga se ata o se laau ua toso ese mai le eleele. Fai atu i tagata aoga e mafaufau pe latou te iloaina se tasi ua “aveesea” mai lo latou faatuatua ia Iesu Keriso ma Lana Ekalesia. (Manatua: Ia nofouta atonu e lagona e nisi tagata aoga e pei o loo latou oo i lenei mea.)

• Mai lau matauga, o le a se mea e mafai ona taitai atu ai i le aveesea o se tasi mai lona faatuatua?

Faamalamalama atu faapea, i lana tusi i le au Kolose, sa popole ai Paulo i aa faaleagaga po o le faavae faaleagaga o le Au Paia Kolose. Sa aafia tagata o le Ekalesia i aoaoga ma faiga sese (tagai Kolose 2:4, 8, 16, 18, 20–23). Sa i ai nisi o le Au Paia i se tulaga matautia o le taliaina o nei aoaoga sese.

Tuu atu i tagata aoga e vaavaai i le Kolose 1:21–23 ma le 2:6–7 mo soo se upu e faamatala ai le mauaa faaleagaga, ma tusi i luga o le laupapa. (Mo se faataitaiga, “tutumau,” “faavaeina,” “tumau,” “mauaa,” “atiina a’e,” ma le “faatumauina.”) Ona tusi lea i luga o le laupapa le upumoni lenei: O le faavaeina ma le mauaa ia Iesu Keriso, e mafai ai ona tatou aloese mai le taitaiseseina e aoaoga sese.)

Vaevae le vasega ia le itiiti ifo i ni vaega se fa. Tofi vaega taitasi e suesue se tasi o poloka mau nei. Valaaulia tagata aoga e faailoga pe tusi i lalo upumoni e mafai ona fesoasoani i se tasi ia mauaa ia Iesu Keriso.

• Kolose 1:14–22

• Kolose 2:8–15

• Kolose 3:1–11

• Kolose 3:12–17

E mafai ona e faaali atu fesili nei ma valaaulia tagata aoga e talanoaina se fesili se tasi pe sili atu i a latou vaega:

• O a upumoni i nei fuaiupu e mafai ona fesoasoani ia te oe e lagona ai le mausali po o le mauaa ia Iesu Keriso?

• E mafai faapefea e nei upumoni ona fesoasoani ia te oe e aloese ai mai le faaseseina e aoaoga sese?

• Na faapefea ona fesoasoani lau molimau i se upumoni i nei fuaiupu ia te oe e tumau ai i le faamaoni pe a feagai ma aoaoga sese?

A uma le taimi mo talanoaga faalevaega, e mafai ona e fai atu i nisi o tagata aoga e fai se tasi pe sili atu o mea nei:

• Faamatala e uiga i se upumoni na e talanoaina i le asō e fesoasoani ia te oe e lagona ai le mauaa atili ia Iesu Keriso.

• Faamatala se taimi na fesoasoani ai lou faatuatua ma le molimau ia Iesu Keriso ia te oe e aloese ai mai le taitaiseseina e aoaoga sese.

Toe foi i le “Filifiliga o Gaoioiga e Aoao Ai.”