Mataio 9–10; Mareko 5; Luka 9

E mafai ona e faaali atu se ata o loo i ai nei o le Korama a Aposetolo e Toasefululua ona faasoa atu lea o le vaaiga lenei:

Faatoa uma ona aoao atu e faifeautalai ia Paula e uiga i le Korama a Aposetolo e Toasefululua. Ona o mea na tutupu i aso ua mavae, ua faaeteete ai o ia i tagata pule. Sa ia fai atu i faifeautalai: “Aisea e tatau ai ona ou faatuatuaina nei alii ma mea latou te aoao atu? O i latou o ni tagata e lē lelei atoatoa. E mafai ona ou faatuatuaina Iesu Keriso ae le o i latou.”

Valaaulia se tagata aoga se toatasi pe toalua e faasoa mai pe faapefea ona latou tali atu i le fesili ma popolega o Paula.

Mafaufau e faaali atu le faatusa o loo i ai faatasi ma Iesu o loo faauuina Ana Aposetolo e Toasefululua. E mafai ona e faamalamalama atu o le upu aposetolo o lona uiga “o le na auina atu” (tagai i le Taiala i Tusitusiga Paia, “Aposetolo,” Potutusi o le Talalelei). Valaaulia tagata aoga e faitau le Mataio 9:36–38; 10:1–8, 19–20, 40–42, vaavaai mo tiutetauave o Aposetolo.

• Aisea e mafai ai ona tatou faatuatuaina Aposetolo a le Alii? (E mafai ona faailoa mai e tagata aoga se upumoni se tasi pe sili atu o upumoni nei: E galulue ma tautatala Aposetolo a le Alii i Lona mana. Pe a tatou taliaina Aposetolo a le Alii, ua tatou taliaina o Ia. Pe a tatou mulimuli i auauna a le Alii, o loo tatou mulimuli ia te Ia.)

• E mafai faapefea ona e fesoasoani i se tasi e faateleina lo latou talitonuga ma le faatuatuaina o i latou ua valaauina e le Alii e avea ma Ana Aposetolo? (E mafai ona e fai atu i tagata aoga e toe iloilo le vaaiga.)

• O anafea na e lagonaina ai na tautala pe galulue Aposetolo o ona po nei i le mana o le Faaola?

E mafai ona e tuuina atu i tagata aoga se taimi e fai atu ai ni a latou fesili atonu e uiga i Aposetolo o ona po nei. Fautuaina tagata aoga e tali fesili a a latou uo.

Afai e fia aoao atili tagata aoga e uiga i le auala e fai ai Aposetolo i ona po nei ma sui o Iesu Keriso, e mafai ona e matamata i se vaega o le “Elder Bednar Speaks on Apostle’s Role” (mai le faailo taimi 1:14 i le 3:38).

11:7

Nai lo o le matamata i le vitio, e mafai ona e valaaulia tagata aoga e tatala le konafesi aoao aupito lata mai i le Potutusi o le Talalelei ma iloilo filemu nisi o lauga na tuuina mai e sui o le Au Peresitene Sili ma le Korama a Aposetolo e Toasefululua. A uma ona tuu atu i tagata aoga se taimi e iloilo ai lauga, valaaulia i latou e faasoa mai a latou aoaoga e sili ona fiafia i ai na latou mauaina ma pe faapefea e na aoaoga ona faamalolosia lo latou faatuatua ia Iesu Keriso. E mafai ona e valaaulia se tagata aoga se toatasi pe toalua e faasoa mai o latou lagona e uiga i le meaalofa o le alofa tunoa o le Faaola.

Toe foi i le “Filifiliga o Gaoioiga e Aoao Ai.”

Mafaufau e faasoa atu le saunoaga lenei mai ia Sister Amy A. Wright. E mafai ona e matamata muamua i le vaega o le sāvali a Sister Wright “Christ Heals That Which Is Broken” pe a ia faasoa mai le tala i le ulo tuai ua ta’e (mai le faailo taimi 0:00 i le 1:15).

10:39

“E tofu i tatou uma ma se mea i o tatou olaga ua gauia lea e moomia ona fonofono, faaleleia, pe faamaloloina. … Ou te molimau atu ia te oe, e leai se mea i lou olaga ua gauia,, e sili atu nai lo o le mana faamalolo, togiolaina, ma le gafatia o Iesu Keriso. (“E Faamaloloina e Keriso Mea ua Gauia,” Liahona, Me 2022, 84)

• O a nisi o faataitaiga o auala eseese tatou te manaomia ai le mana faamalolo o le Faaola? (Fesoasoani i tagata aoga ia malamalama atonu tatou te manaomia le mana faamalolo o le Faaola i le faaletino, faaleagaga, po o le faalelagona.)

Valaaulia tagata aoga e mafaufau ma faamaumau se mea i o latou olaga e manaomia ona fonofono, faaleleia, pe faamaloloina. E mafai ona e faaali atu upumoni nei ma valaaulia tagata aoga e vaavaai pe faapefea ona faaalia nei upumoni i tala o tusitusiga paia i pepa e tufa atu: E mafai ona tatou maua le faamoemoe ma le faamalologa a o tatou liliu atu i le Faaola. E mafai ona tatou faaaogaina le mana o Iesu Keriso a o tatou aapa atu ia te Ia i le faatuatua.

Vaevae tagata aoga i ni paga. Tuu atu i tagata aoga taitasi i le paga se tasi o pepa o loo i lalo e tufa atu. Valaaulia i latou e faataitai le tomai “Tusia o Faamatalaga Anoa” i le Tomai mo le Suesueina o Tusitusiga Paia a o latou suesueina a latou tala o mau ua atofaina. E mafai ona e faaali atu mea nei ma uunaia tagata aoga e faia a o latou suesue:

• Taofi ae mafaufau loloto i mea o loo e aoaoina.

• Tatalo mo le malamalama ma le faaaogaina.

• Tusifaamaumau mea ua outou aoaoina, mafaufau i ai, ma lagonaina (i se api talaaga po o se api e tusi ai faamatalaga, tusitusiga paia, po o le Potutusi o le Talalelei).

A uma ona maua se taimi e suesue ai e tagata aoga a latou tala o mau ua atofaina, valaaulia i latou e faasoa atu i a latou paga mea na latou aoaoina. Tuu atu ia i latou se taimi e faasoa mai ai manatu, aafiaga, ma molimau na latou faamaumauina. E mafai ona e fesili atu i le vasega:

• O a sāvali o le faamoemoe na e maua i le tala na e suesueina?

E mafai ona e faasoa atu lau molimau i le faamoemoe ma le faamalologa lea e sau e ala i le faatuatua ia Iesu Keriso. Uunaia tagata aoga e faatino ia uunaiga ua latou lagonaina ma faamaumauina.

Toe foi i le “Filifiliga o Gaoioiga e Aoao Ai.”

E mafai ona e tusia le faamatalaga lenei i luga o le laupapa: O le a ou alu ma faia soo se mea e finagalo ai le Alii ia te au! Fesili atu i tagata aoga po o le a se mea e ono manaomia mai ia i latou o e naunau e faia soo se mea e finagalo ai le Alii ia i latou.

Valaaulia tagata aoga e faitau le Luka 9:57–62, ma vaavaai mo mea o loo faamoemoeina e le Faaola mai ia i latou o e filifili e mulimuli ia te Ia.

• O le a se mea ua e e faigata e uiga i faamoemoega o le Faaola? (O nisi o saunoaga a le Faaola i nei fuaiupu e ono foliga mai e le alofa pe ogaoga i tagata aoga. Mafaufau e faaaoga punaoa mo nei fuaiupu i Fesoasoaniga a Tusitusiga Paia: Feagaiga Fou.)

• O le a le mataupu faavae e mafai ona tatou aoaoina mai aoaoga a le Faaola ia i latou o e na mananao e mulimuli ia te Ia? (E mafai ona faailoa mai e tagata aoga se upumoni e talitutusa ma lenei: E faamuamua e soo o Iesu Keriso o Ia i o latou olaga.)

• O le a sou manatu i le uiga o le fetalaiga a le Faaola ina ua Ia lapatai mai e faasaga i le tuu o o tatou “lima i le suotosina, ma toe tepa i tua”? (fuaiupu 62).

Valaaulia tagata aoga e faasoa mai ni faataitaiga o le auala na faamuamua ai e le Faaola le Tama Faalelagi. Afai e manaomia, e mafai ona e faasino atu tagata aoga i le Mose 4:1–2; Ioane 6:38–39; po o le Luka 22:39–44. E mafai foi e tagata aoga ona faasoa mai ni faataitaiga o tagata latou te iloa o e na faamuamuaina le Atua i o latou olaga.

• Aisea e mafai ai ona faigata i nisi taimi ona faamuamua le Atua?

• O a faamanuiaga ua e oo i ai ina ua e faamuamua le Atua i lou olaga?

Ina ia fesoasoani i tagata aoga ia lagona le moni ma le taua o lenei mataupu faavae, e mafai ona e faitau ma talanoaina le saunoaga lenei a Peresitene Jeffrey R. Holland:

O tagata uma o lauga i lenei konafesi aoao, o le a fai mai uma lava, i ala eseese, le mea na fetalai atu ai Keriso i le alii mauoa: “Sau i lou Faaola. O mai atoatoa ma le loto atoa. Ave lou satauro, po o le a lava le mamafa, ma mulimuli ia te Ia” [tagai i le Mareko 10:21]. … E le mafai ona i ai ni fuafaatatau afa, leai se amataga ma se taofi, leai se toe foi i tua. … Pe a fesiligia i tatou i mea faigata, e oo lava i mea e feteena’i ma faananauga o o tatou loto, ia manatua o le faamaoni tatou te folafola atu i le faamoemoe o Keriso o le tuuto silisili lea o o tatou olaga. (“O Le Oa Silisili,” Liahona, Nov. 2021, 8–9)

Mafaufau e faaali atu fesili nei. Ona valaaulia lea o tagata aoga e mafaufau loloto ma le agaga tatalo i nei fesili ma tusifaamaumau o latou manatu.

• O le a se mea atonu o taofia ai oe mai le mulimuli “atoatoa ma le loto atoa” i le Faaola?

• O le a se mea e tasi e mafai ona e faia e faaalia ai lou manao e faamuamua le Tama Faalelagi ma le Faaola i lou olaga?

Toe foi i le “Filifiliga o Gaoioiga e Aoao Ai.”