Galuega 6–9

Valaaulia tagata aoga e mafaufau i se savali mai le perofeta lea na latou iloa i le taimi muamua e faigata ona talia. Faaali atu tali nei, ma valaaulia tagata aoga e filifili le tali e sili ona fetaui ma o latou lagona sa iai.

• Sa ou gaua’i atu i le savali.

• Sa ou lagona le tetee i le savali.

• Sa ou lagonaina le ita ma le tetee i le savali.

Faamalamalama atu faapea i le Galuega 6–7, tatou te aoao ai e uiga i se taitai o le Ekalesia e igoa ia Setefano. Sa ia tuuina atu se lauga sa le fiafia ai nisi o taitai Iutaia. A o suesue e tagata aoga lenei tala, valaaulia i latou e mafaufau i mea e mafai ona latou aoaoina mai ia Setefano ma taitai Iutaia.

Faaali atu fesili nei ma punaoa o loo i lalo. Valaaulia tagata aoga e suesue fuaitau ina ia mafai ona latou malamalama lelei i le talaaga ma le anotusi o le savali a Setefano (tagai i le tomai “Malamalama i Tusitusiga Paia i le Talaaga” i le Tomai mo le Suesueina o Tusitusiga Paia).

1. O le a se mea ua tatou iloa e uiga i le valaauga a Setefano i le Ekalesia? (Faitau le Galuega 6:1–8.)

2. O le a se mea ua tatou iloa e uiga i tagata sa aoaoina e Setefano? (Faitau le Galuega 6:9–15.)

3. Faitau le “Galuega 7:1–53 Na faapefea ona faaaoga e Setefano le talafaasolopito faaletusi paia e puipuia ai o ia lava?” i le Fesoasoaniga mo Tusitusiga Paia: Feagaiga Fou.

A uma ona tuu se taimi mo suesuega, valaaulia tagata aoga e faasoa mai mea na latou aoaoina e uiga ia Setefano, lana au faalogologo, ma lana savali.

Faitau faatasi le Galuega 7:51–60 pe matamata i le “The Martyrdom of Stephen” (mai le taimi faailo 3:00 i le 5:43). E mafai ona e fai atu se fesili se tasi pe sili atu o fesili nei:

5:43

• O le a sou manatu i le uiga o le tetee atu i le Agaga Paia?

• O le a le mea na tupu i tagata a o latou tetee atu i le Agaga Paia? (Fesoasoani i tagata aoga ia malamalama a tatou tetee atu i le Agaga Paia, o le a sili atu ona tatou teena le Alii ma Ana auauna faatagaina.)

• O le a le mea na tupu ia Setefano a o ia tatalaina lona loto i le Agaga Paia? (Fesoasoani i tagata aoga ia malamalama a tatou mauaina le Agaga Paia, tatou te latalata atili atu ai ia Iesu Keriso ma le Tama Faalelagi.)

• O a nisi o faataitaiga o le auala tatou te tetee atu ai i le Agaga Paia i o tatou aso?

Valaaulia tagata aoga e mafaufau i se taimi na latou lagona ai le faaosoosoina e tetee atu i le Agaga Paia. Ona mafai lea ona latou faatusatusaina lenei aafiaga ma se taimi na latou tatalaina ai o latou loto i le Agaga Paia. A o faatusatusa e tagata aoga nei aafiaga, tuu atu ia i latou e faamaumau upu po o fasifuaitau e faamatala ai le eseesega. Valaaulia tagata aoga e faasoa mai o latou malamalamaaga. Ina ia fesoasoani i lenei talanoaga, e mafai ona tou matamata i le “Feeling the Holy Ghost” (3:17).

3:18

E mafai ona e faaiuina le gaoioiga e aoao ai i le faitauina faatasi o le saunoaga lenei a Elder Ronald A. Rasband:

Na silafia e lo tatou Tama o i le Lagi o le a tatou fetaiai i le olaga faaletino ma luitau, puapuaga, ma faigata; na Ia silafia o le a tatou tauivi ma fesili, faanoanoaga, faaosoosoga ma vaivaiga. Ina ia aumaia ia i tatou le malosi faaletino ma le taitaiga faalelagi, ua Ia tuuina mai ai le Agaga Paia.

O le Agaga Paia e noatiaina i tatou i le Alii. O lona tofiga faalelagi, Na te musuia, molimau mai, aoao, ma uunaia i tatou ia savavali i le malamalama o le Alii. (“Tuu Atu i le Agaga Paia e Taitai,” Liahona, Me 2017, 93)

Tuu atu i tagata aoga se taimi e mafaufau ai ma faamaumau mea e mafai ona latou faia ina ia sili atu ai ona tatala atu i le uunaiga a le Agaga Paia.

Toe foi i le “Filifiliga o Gaoioiga e Aoao Ai.”

E mafai ona e amataina le gaoioiga i le faaali atu o ata ma faamatalaga nei:

• O a ni faafitauli taatele o loo outou vaaia i nei iloiloga faaletagata lava ia?

Uunaia tagata aoga e mafaufau loloto i nei faamatalaga a o latou aoao atili e uiga ia Saulo.

Valaaulia tagata aoga e faitau le Galuega 8:1–4; 9:1–2 ma faamaumau se talaaga puupuu o le soifuaga o Saulo e faavae i nei fuaiupu. Fai atu i ni nai tagata aoga e faitau mai mea na latou tusia.

• Afai e na o le pau lea o le mea na e iloa e uiga ia Saulo, o le ā le ituaiga tagata e te manatu e iai o ia? O le a sou lagona pe afai e alu atu o ia i lou fale po o la outou sauniga faamanatuga?

Valaaulia tagata aoga e faitau le Galuega 9:3–22 pe matamata le “The Road to Damascus” (5:23), ma vaavaai mo mea ua aoaoina ai i tatou e lenei aafiaga e uiga ia Saulo ma le Alii. A uma ona faitau nei fuaiupu pe matamata le vitio, e mafai ona e tuuina atu i tagata aoga se taimi e talanoaina ai mea na latou aoaoina. Atonu latou te faailoa mai upumoni e pei o nei: E silafia e Iesu Keriso lo tatou gafatia mo le lelei ma tuuina mai ia i tatou avanoa e suia ai. E ui lava i o tatou taimi ua tuanai, e mafai ona tatou filifili e suia e ala ia Iesu Keriso ma avea ma meafaigaluega i Ona aao.

5:23

E mafai ona e faaali atu fesili nei. Valaaulia tagata aoga e mafaufau loloto ma faamaumau o latou manatu e uiga i fesili e sili ona talafeagai ia i latou:

• O le a se mea e ono vaaia e Iesu Keriso ia te oe e le mafai e se isi tagata ona vaai i ai? E mafai faapefea ona e iloa mea o loo Ia silasila i ai ia te oe? (E mafai ona tou matamata i le “Our True Identityi” [3:39].)

  

  3:39

• O a ni auala atonu o loo taofia ai oe e au mea sese po o agasala ua tuanai? O a filifiliga e mafai ona e faia ina ia mafai ai e le Alii ona faasaolotoina oe mai lou taimi ua tuanai?

• O ai atonu o loo e taofia ona e te vaai ia i latou i na o a latou mea sese ua tuanai? E mafai faapefea e le Tama Faalelagi ma Iesu Keriso ona suia le auala e te vaai ai ia te oe lava ma isi?

Mafaufau e faitau faatasi le saunoaga lenei a Elder Kevin S. Hamilton. Valaaulia tagata aoga e faasoa mai ni faataitaiga o tagata o e, e ui lava i mea sese ua tuanai, ae ua avea ma soo faamaoni o Iesu Keriso. Uunaia tagata aoga e mafaufau i se tasi (atonu o i latou lava) o le a latou taumafai malosi e vaai manino atili i ai e ala atu i fofoga o le Faaola. Pe mafai foi ona tou matamata i le “His Grace—Am I Beyond Saving?” (6:25).

6:25

Na galueaiina e le Faaola Lana Togiola e le i’u ma faavavau ina ia mafai moni ai e i tatou ona sui, salamo, ma avea ma tagata sili atu. … I le avea ai o ni atalii ma afafine o se Tama i le Lagi alofa, ua ia i tatou le mana i totonu e suia ai.

Ua tumu tusitusiga paia i faataitaiga o alii ma tamaitai o e na suia.

O Saulo, o se Faresaio ma sē na matuai faasaua i le ekalesia Kerisiano anamua, na avea ma Paulo, o se Aposetolo a le Alii o Iesu Keriso. (“Ona Ou Faia Lea o Mea Vaivai ia Avea ma Mea Malolosi,” Liahona, Me 2022, 52)

Toe foi i le “Filifiliga o Gaoioiga e Aoao Ai.”

Mafaufau e faaali atu faamatalaga nei po o faamatalaga faapena:

• “Ou te le faasoa soo atu ou talitonuga aua ou te le lelei tele i le talanoa e uiga i lo’u faatuatuaga.”

• “Ou te aloese mai le tuuina atu o faamanuiaga o le perisitua aua ou te popole o le a ou le ta’ua ni mea sa’o.”

• “Sa ou teena se valaauga aua ou te lei manatu sa ia te au le tomai e faia lelei ai.”

• O a nisi o auala tatou te le mautinoa ai pe lagona foi e leai so tatou tomai e faia ai le galuega a le Atua?

Faaali atu le saunoaga lenei a Peresitene Russell M. Nelson pe matamata i le “Increase Our Access to His Power” (0:29).

0:30

Afai o le a tatou faamaulalo i tatou lava i luma o le Alii ma ole atu ia te Ia e aoao i tatou, o le a Ia faaali mai ia i tatou le auala e faateleina ai lo tatou mauaina o Lona mana. (“O Le Tau o le Mana o le Perisitua,” Liahona, Me 2016, 69)

Faamalamalama atu faapea i le Galuega 8 ma le9, e tolu tala e mafai ona aoaoina ai i tatou e uiga i le mauaina o le mana o le Atua. Valaaulia tagata aoga e faitau se tasi pe sili atu o nei tala, ma vaavaai mo mataupu faavae e uiga i le mauaina o le mana o le Atua.

• Galuega 8:9–24: Ua taumafai Simona e faatau mai le mana o le perisitua.

• Galuega 8:27–40: Ua aoao atu ma papatiso e Filipo se alii mai Aitiope.

• Galuega 9:32–43: Ua faamalolo e Peteru se tagata ma toe faaola mai Tapita.

A uma ona tuuina atu se taimi e suesue ai, valaaulia tagata aoga e faasoa mai upumoni na latou mauaina. Atonu latou te faasoa mai upumoni e pei o nei: E le mafai ona tatou faaaogaina auala faalelalolagi e maua ai le mana o le Atua. Tatou te faateleina lo tatou mana e fai ai le galuega a le Atua pe a tatou tali vave atu i uunaiga a le Agaga Paia. Tatou te faateleina lo tatou mauaina o le mana o le Atua pe a tatou aoao atu e uiga ia Iesu Keriso mai tusitusiga paia. Pe a tatou tootutuli i luma o le Atua i le tatalo faamaulalo, e faateleina lo tatou mauaina o Lona mana.

A o faasoa mai e tagata aoga upumoni na latou mauaina, e mafai ona e fai atu ia i latou ni fesili tulitatao e faaaoga ai o latou aafiaga. Mo se faataitaiga, e mafai ona e fai atu fesili nei:

• O anafea na e vaaia ai lenei upumoni ua galue i lou olaga, po o le olaga o se tasi e te iloaina?

Ina ia fesoasoani i tagata aoga ia lagona le moni ma le taua o mea o loo latou aoaoina, e mafai ona e toe faaali atu le saunoaga a Peresitene Nelson. Valaaulia tagata aoga e fesili atu ma le lotomaualalo i le Alii po o le a se mea atonu e finagalo o Ia e aoao atu ia i latou e uiga i le auala e faateleina ai lo latou mauaina o Lona mana.

Ina ia fesoasoani i tagata aoga e faaaoga mea ua latou aoaoina ma lagonaina, valaaulia i latou e mafaufau pe faapefea ona latou aoao atu mea ua latou aoaoina i isi i le vasega. Mo se faataitaiga, e mafai e tagata aoga ona fatuina se manatu, faasoa mai se aafiaga patino, sue se upusii talafeagai, pe faaaoga se isi metotia o le aoao atu. A uma ona latou maua se taimi e saunia ai, valaaulia tagata aoga e faasoa atu i se paga mea sa latou aoaoina e uiga i le mauaina o le mana o le Atua i o latou olaga.

Mafaufau e valaaulia tagata aoga e faasoa atu la latou savali i se tasi o i fafo atu o le vasega, e pei o se uo, se tagata o le aiga, po o se tasi latou te auauna atu i ai. E mafai ona latou faasoaina atu lenei savali i le tagata lava ia po o luga o ala o faasalalauga faaagafesootai.

Toe foi i le “Filifiliga o Gaoioiga e Aoao Ai.”