2 Korinito 1–7

Valaaulia tagata aoga e tusi i lalo ni tofotofoga na latou feagai pe o loo feagai nei ma i latou. Ona fai atu lea ia i latou e mafaufau loloto i le fesili lenei:

• E faapefea ona e tali atu i tofotofoga ma faafitauli o loo e feagai?

Faamatala atu, i lana auaunaga, sa feagai ai Paulo ma le tele o tofotofoga. E mafai e tagata aoga ona faitau le 2 Korinito 11:23–28 ma vaavaai mo tofotofoga na feagai ma Paulo. A uma ona faitau e tagata aoga le lisi lenei o tofotofoga o Paulo, valaaulia i latou e suesue le 2 Korinito 1:3–7, ma vaavaai mo le fautuaga a Paulo e uiga i le auala e feagai ai ma tofotofoga ma faafitauli. (Afai e manaomia, faamatala atu e faapea o se vaega toaitiiti o tagata o le Ekalesia i Korinito na tetee ia Paulo ma na mananao ia faaitiitia lana faatosinaga ia i latou. I nei fuaiupu, sa faafeiloai ai e Paulo le Au Paia i Korinito ma ta’u atu ia i latou e uiga i le mafanafana ma le faamafanafanaga na tuu atu e le Atua ia te ia ma ana soa faamisiona.)

E mafai ona tou talanoaina fesili nei:

• O a ni mea o loo aʻoaʻo mai e nei fuaiupu ia i tatou e faatatau i le uiga o le Atua? (E mafai ona faailoa mai e tagata aoga se upumoni e pei o lenei: O le Tama Faalelagi o se Atua o le agaalofa, o le e faamafanafanaina i tatou i o tatou tofotofoga ma faafitauli.)

• O a ni faataitaiga mai tusitusiga paia a le Tama Faalelagi po o Iesu Keriso o loo faamafanafanaina tagata i o latou tofotofoga ma faafitauli? Ae faapefea faataitaiga mai lou lava olaga?

Ina ia fesoasoani i tagata aoga ia lagona loloto atili ma iloa o le Tama Faalelagi o se Atua o le agaalofa ma le faamafanafanaga, mafaufau e matamata i le “Lagonaina o le Alofa ma le Agalelei o le Alii i Tofotofoga” (4:18).

4:17

• E tusa ai ma le 2 Korinito 1:3–4, o le a le taunuuga o le oo i le agaalofa ma le faamafanafanaga a le Tama Faalelagi?

E mafai ona e faasoa atu le saunoaga lenei a John C. Pingree Jr.:

O o tatou tofotofoga e fesoasoani tatou te iloa ai ma sauniuni mo le galuega a le Tama Faalelagi o loo i ai mo i tatou. Na faamalamalama mai e Alema, “Ina ua mavae lou puapuaga tele, sa faia e le Alii … a’u o se meafaigaluega i ona aao” (Mosaea 23:10). Faapei o le Faaola, o lana taulaga togiola ua mafai ai e Ia ona fesoasoani mai ia te i tatou (tagai Alema 7:11–12e mafai ona tatou faaaogaina le malamalama e maua mai aafiaga faigata e siitia ai, faamalolosia, ma faamanuia ai isi. (“E I Ai Sa’u Galuega mo Oe,” Liahona, Nov. 2017, 34)

Valaaulia tagata aoga e faasoa mai ni faataitaiga o auala na mafai ai ona latou faamafanafanaina pe faamalolosia se isi tagata ona o le uunaiga a le Faaola. Pe mafai foi ona latou faasoa mai pe na faapefea ona mafai e se isi tagata ona faamafanafana pe faamalosia i latou.

Valaaulia tagata aoga e vaai i tofotofoga na latou tusia i lalo i le amataga o lenei gaoioiga. Tuu atu ia i latou le taimi e mafaufau loloto ma tusi faamaumau o latou manatu e uiga i fesili nei:

• O a ni auala atonu o le a tuuina atu ai e le Tama Faalelagi ma Iesu Keriso ia te oe le faamafanafanaga ma le agaalofa i lou tulaga?

• E mafai faapefea e ou tofotofoga ma faafitauli ona saunia oe e faamafanafana, siitia, faamalosia, ma faamanuia isi?

Ina ia faaiu, e mafai ona outou faalogologo pe usu faatasi le pese “O Fea Lo’u Filemu?” (Viiga, nu. 68). Valaaulia tagata aoga e mulimuli i le faitauga pe faalogologo mo upu po o fasifuaitau e taua ia i latou ma e mafai ona fesoasoani ia i latou i o latou tulaga.

Toe foi i le “Filifiliga o Gaoioiga e Aoao Ai.”

Mafaufau e faaali atu le ata lenei o se katepila o loo liua i se pepe. Valaaulia tagata aoga e faasoa mai mea e faagaeetia ai i latou e uiga i lenei suiga. Ona tusi lea o le faamatalaga le atoatoa lenei i luga o le laupapa ma tuu atu i tagata aoga taitasi e faamaumau pe faapefea ona latou faamaeaina. Vala’aulia ni nai tagata aoga e fa’asoa mai mea sa latou tusia.

E pei lava ona mafai e se katepila ona liua i se pepe, e mafai foi e tagata ona liua i …

Faamalamalama atu faapea i le 2 Korinito 5:11–21, na aoao mai ai Paulo e mafai ona liua i tatou i ni tagata fou. Valaaulia tagata aoga e suesue i le 2 Korinito 5:14–21 (e aofia ai le Faaliliuga a Iosefa Samita i le vaefaamatalagaa o le fuaiupu 16), ma vaavaai mo mea na aoao mai e Paulo e uiga i lenei suiga.

• O le a sou manatu o le a le uiga o le avea ma tagata fou?

• Atonu e aoga le tuu atu i tagata aoga e faatulaga ni vaega toalaiti ma o i le Taiala o Autu ma faitau nisi o fuaitau i lalo o le ulutala “Tagata, Fou, Toe Fanauina Faaleagaga.” Valaaulia i latou e vaavaai mo upu ma fasifuaitau e faamanino ai le uiga o le avea ma se tagata fou. Fai atu ia i latou e faasoa mai o latou malamalamaaga. E faavae i mea ua latou aoaoina, e mafai e tagata aoga ona toe iloilo le faamatalaga na latou tusia i le amataga o lenei gaoioiga.

• O le a le matafaioi e faia e Iesu Keriso i lou suiga ina ia avea ai ma se tagata fou? (E mafai ona faailoa mai e tagata aoga se upumoni e pei o lenei: E ala mai ia Iesu Keriso e mafai ona tatou toe faalelei ma le Tama Faalelagi ma avea ma tagata fou.)

• O le a le uiga o le “galuega o le faaleleiga” a Iesu Keriso? (E mafai ona faitau e tagata aoga le “2 Korinito 5:18–21. O le a le uiga o le faalelei ma le Atua?i le Fesoasoaniga mo Tusitusiga Paia: Feagaiga Fou.)

• O a ni ou lagona mo Iesu Keriso, i le iloaina e ala i Lana Togiola e mafai ona e faaleleia ma le Tama Faalelagi ma avea ai ma se tagata fou?

Ina ia fesoasoani i tagata aoga e faaaoga upumoni o loo latou aoaoina, e mafai ona e faaali atu le vaaiga lenei:

• E faavae i la tatou talanoaga, o a upumoni e ono aumaia ai le faamoemoe ia Kofi?

Mafaufau e faasoa atu le saunoaga lenei a Elder Kevin S. Hamilton:

O se tasi o pepelo silisili a Satani e faapea e le mafai e alii ma tamaitai ona suia. …

E mafai ona avea o tatou vaivaiga aupito sili ma o tatou malosiaga silisili. E mafai ona suia i tatou ma ”avea ma tagata fou” [Mosaea 27:24–26; tagai foi i le 2 Korinito 5:17]. …

Na galueaiina e le Faaola Lana Togiola e le i’u ma faavavau ina ia mafai moni ai e i tatou ona sui, salamo, ma avea ma tagata sili atu. E mafai moni lava ona toe fanauina i tatou. E mafai ona tatou faatoilalo amio masani, mausa, e oo lava “i le le toe manao e fai mea leaga” [Mosaea 5:2]. I le avea ai o ni atalii ma afafine o se Tama i le Lagi alofa, ua ia i tatou le mana i totonu e suia ai. (”Ona Ou Faia Lea o Mea Vaivai ia Avea ma Mea Malolosi,” Liahona, Me 2022, 52)

• O le a se mea i lenei faamatalaga e ono fesoasoani ia Kofi? E mafai faapefea ona fesoasoani lena mea ia te oe? (E mafai e tagata aoga ona faamaumau o latou manatu.)

• O a nisi o faataitaiga mai tusitusiga paia po o lou lava olaga e faaalia ai e mafai moni lava e tagata ona suia ma avea ma tagata fou faatasi ai ma le fesoasoani a le Faaola? (Afai e fesoasoani, e mafai ona e matamata i le ”O Lona Alofa Tunoa: E Mafai Ona Suia e Ala ia Keriso” [3:29].)

  

  3:29

Uunaia tagata aoga e faamaumau ni uunaiga faaleagaga na latou maua e uiga i mea e mafai ona latou faia e oo ai i suiga e ala ia Iesu Keriso.

Toe foi i le “Filifiliga o Gaoioiga e Aoao Ai.”

E mafai ona e amata i le faasoaina atu o le ata faataitai lenei:

• O le a le mea e foliga mai o le popolega autu lea o Ioane? O le a se mea e ono misi?

Faamalamalama atu faapea i le 2 Korinito 7, na aoao mai ai e Paulo upumoni taua e uiga i tiga faale-Atua ma faalelalolagi. Valaaulia tagata aoga e faitau le 2 Korinito 7:8–10, ma vaavaai mo le mafuaaga e taua ai le sailia o le tiga faale-Atua i o tatou olaga. (Manatua: Atonu e taua mo i latou o loo faaaogaina le Lomiga a King James ona iloa o le upu ua faaliliuina o le ”salamo” i le fuaiupu e 8 o lona uiga o le ”faanoanoa.” Ma le isi, o le ”aua le salamo” o lona uiga ”aua le faanoanoa.”)

• O le ā le mea ua tatou a’oa’oina mai iā Paulo e faatatau i le tiga faale - Atua ma tiga faalelalolagi? (Fesoasoani i tagata aoga e faailoa mai upumoni nei: O le tiga faale-Atua e taitai atu ai i le salamo faamaoni ma se olaga e aunoa ma le faanoanoa. O le tiga faalelalolagi e mafai ona taitai atu ai i tatou i le oti faaleagaga, po o le vavaeese mai le Atua.)

• E mafai faapefea ona e faamatalaina le eseesega i le va o le tiga faaleatua ma le tiga faalelalolagi? (E mafai ona faitau e tagata aoga le ”2 Korinito 7:8–11. O le a le tiga faale’atua?” i le Fesoasoaniga mo Tusitusiga Paia: Feagaiga Fou.)

Faaali atu ma faitau le saunoaga lenei a Peresitene Dieter F. Uchtdorf, a o avea ma se tasi o le Au Peresitene Sili: Valaaulia tagata aoga e vaavaai mo mea na ia aoao mai e uiga i le tiga faale-Atua.

O le tiga e tusa i le Atua e taitai atu i le liua ma se suiga o le loto. Na te uunaia i tatou ia inoino i le agasala ae fiafia i le lelei. Na te uunaia i tatou ia tutu i luga ma savavali i le malamalama o le alofa o Keriso. O le salamo moni e faatatau i le suiga, ae le o le tiga ma mafatiaga. Ioe, o le faanoanoa faamaoni ma le loto momomo moni mo le le usiusitai e tele lava ina tiga ma o ni laasaga taua ia i le faagasologa paia o le salamo. Ae a oo atu le tausalaina i le musuā o le tagata lava ia po o le taofia ai o i tatou mai le toe tutulai ae i luga, o le a faatuai ai nai lo le uunaia o lo tatou salamo. …

… E i ai se auala e sili atu ona lelei. … O loo i ai sa tatou siamupini, o se Faaola, na savalia le vanu o le ata o le oti mo i tatou. Na Ia foai mai o Ia lava e maliu e totogi ai a tatou agasala. E leai se tasi na sili atu lona alofa nai lo lenei … . Na Ia tauave i Ona luga o tatou mafatiaga. Na Ia ave a tatou avega, ma lo tatou tausalaina i Ona tauau. (“E Mafai Ona E Faia Nei Lava!,” Liahona, Nov. 2013, 56)

• E faapefea ona e faamatalaina le ”auala sili atu” na aoao mai e Peresitene Uchtdorf?

• E mafai faapefea e le taulai atu i le Faaola ma Lana Togiola ona taitai atu ai i tatou i le faanoanoa faale-Atua, salamo faamaoni, ma le suiga moni?

E mafai ona e tuu atu i tagata aoga e toe tusi le vaaiga e uiga ia Ioane i se auala e faaalia ai o loo ia oo i le tiga faale-Atua mo ana amioga. Valaaulia tagata aoga e faasoa mai a latou iloiloga.

Uunaia tagata aoga e mafaufau i mea e mafai ona latou faia ina ia sili atu ai ona taliaina le tiga faale-Atua i o latou olaga.

Toe foi i le “Filifiliga o Gaoioiga e Aoao Ai.”