Mataio 13; Luka 8; 13

Valaaulia tagata aoga e mafaufau ma talanoaina le vaaiga lenei, pe faaaoga se tasi o au lava vaaiga:

• Aisea e te manatu ai o ni tagata se toalua i le fonotaga e tasi, faalogoina se sāvali e tasi, ona maua e i la’ua taitoatasi se aafiaga e matua’i eseese lava?

Valaaulia tagata aoga e mafaufau pe o le a lo latou naunau e faalogo ma talia le afioga a le Atua. Ona valaaulia lea o i latou e toe iloilo le faataoto i le tagata lūlū. Uunaia tagata aoga e mafaufau i auala e mafai ona latou tatala atili ai ma talia afioga a le Atua.

Valaaulia tagata aoga e faitau le Mataio 13:3–8 pe matamata i le vaega muamua o le “Faataoto i le Lūlū Saito” (mai le faailo taimi 0:00 i le 0:55), ma vaavaai pe na faapefea ona faaaoga e le Faaola mea faitino, tagata, ma faatinoga i le faataoto. E mafai e tagata aoga ona tusi nei mea e fesoasoani ai ia i latou e vaai faalemafaufau i le faataoto. Ona mafai lea ona latou talanoaina mea latou te manatu sa aoao mai e le Faaola. E mafai ona e faaaogaina le tomai “Vaai Faalemafaufau i Tusitusiga Paia” i le Tomai mo le Suesueina o Tusitusiga Paia.

4:38

Valaaulia tagata aoga e faitau le faamalamalamaga a le Faaola e uiga i le faataoto i le lūlū saito i le Mataio 13:19–23 (tagai foi Luka 8:12–15) ma talanoaina mea sa latou aoaoina.

Mafaufau e faaali atu le saunoaga lea a Peresitene Dallin H. Oaks:

O eleele eseese ia na pauu i ai fatu ua faatusa lea i auala eseese o loo maua ai e tagata nei aoaoga ma mulimuli ai [i aoaoga a le Matai ma Ana auauna]. …

Ua lapataia e le faataoto o le tagata lulu saito i tatou e uiga i tulaga ma uiga ia e mafai ona taofia ai soo se tasi ua mauaina le fatu o le sāvali o le talalelei mai le mauaina o se seleselega lelei. …

… Ae e pule lava i tatou taitoatasi i le faatulagaina o mea faamuamua ma ia faia mea ia lelei ai lo tatou eleele ma fua tele ai la tatou seleselega. (“O Le Faataoto i le Lūlū Saito,” Liahona, Me 2015, 32, 35)

Ina ia fesoasoani i tagata aoao e iloilo mea latou te faamuamua ma mea o loo latou faia e “faaleleia ai [o latou] eleele ma [o latou] seleselega,” mafaufau e tuuina atu i tagata aoga le iloiloga lenei a le tagata lava ia:

A uma ona faamaeaina e tagata aoga le iloiloga faaletagata lava ia, e mafai ona e faaiuina i le talanoaina o fesili nei:

• O le a le auala ua saunia e le Faaola mo vao e veleina ai, lafo i fafo maa, ma faatamāoaigaina ai le eleele?

• E mafai faapefea e le iloaina o lenei mea ona aumaia ia te oe le faamoemoe e mafai ona e faafaileleina fatu lelei i lou loto?

Mafaufau e valaaulia se tagata aoga se toatasi pe toalua e faasoa mai pe na faapefea e le faaleleia o o latou eleele ona latalata atili atu ai i latou i le Faaola ma fesoasoani ia i latou e olioli ai i fua lelei o Lana talalelei.

Toe foi i le “Filifiliga o Gaoioiga e Aoao Ai.”

Mafaufau e faaali atu le faamatalaga le atoatoa lenei: “O le salamo e pei lava …” Ona valaaulia lea o tagata aoga e mafaufau i se mea faitino faaletino e mafai ona faatusa i le salamo.

Pe mafai foi ona e faaali atu ata nei ma valaaulia tagata aoga e faamatala pe faapefea ona pei ata taitasi o le salamo.

• O le a le taua o le faaaogaina o mea faaletino e aoao atu ai upumoni faaleagaga?

Faailoa atu e masani ona faaaoga e le Faaola tagata, mea faitino, ma faatinoga i tala faigofie, po o faataoto, “e faataitai ai ma aoao atu ai se upumoni po o se mataupu faavae faaleagaga” (Taiala i Tusitusiga Paia, “Faataoto,” Potutusi o le Talalelei).

Faaali atu le fesili lenei na fesili atu ai soo o le Faaola ia te Ia: “Se a le mea ua e fetalai atu ai i a te i latou i faataoto?” Mataio 13:10 Valaaulia tagata aoga e vaavaai mo le tali a le Faaola i le Mataio 13:11–17. Ona valaaulia lea o i latou e faasoa mai mea na latou mauaina. A o latou faasoa mai, mafaufau pe i ai se fesili o i lalo e mafai ona faalolotoina ai lo latou aoaoina:

• O a “mealilo o le malo”? Mataio 13:11 (Afai e manaomia e tagata aoga le fesoasoani e tali ai lenei fesili, e mafai ona e valaaulia i latou e faitau le “Mealilo a le Atua” i le Taiala i Tusitusiga Paia [Potutusi o le Talalelei]).

• O le a le mea e taofia ai tagata mai le iloaina o mealilo a le Atua? O le a le uiga o le i ai o ni mata e le mafai ona vaai, taliga e le mafai ona faalogo, po o se loto e le malamalama?

• O le a se mea e mafai ona tatou faia e saunia ai i tatou e maua mealilo a le Atua? (Mafaufau e valaaulia tagata aoga e faitau le 1 Nifae 10:19 ma le Alema 12:9–11. E ono mafai ona faailoa mai e tagata aoga se mataupu faavae e pei o lenei: Afai tatou te tatalaina o tatou mafaufau ma loto i le Atua, o le a Ia faaali mai Ana mealilo ia i tatou.)

E mafai e tagata aoga ona faamaumauina se faataitaiga o se mealilo a le Atua—o se mea na faaalia ia i latou e le Agaga Paia—ua latou mauaina. E mafai foi ona latou faamaumauina se mea latou te fia iloa.

Ina ia faaiu, mafaufau e faaali atu le saunoaga lenei a Peresitene Russell M. Nelson.

E finagalo moni ea le Atua e fetalai mai ia te oe? Ioe! …

Ou te uuna’ia outou ina ia faateleina lo outou tomai faaleagaga o i ai nei e maua ai faaaliga faaletagata lava ia, aua ua folafola mai e le Alii e faapea “afai e te [saili] mai, o le a e maua lea faaaliga e faaopoopo i luga o lea faaaliga, lea malamalama e faaopoopo i luga o lea malamalama, ina ia mafai ona e iloa mealilo ma mea filemu—o mea ia e maua ai le olioli, o mea ia e maua ai le ola e faavavau.”Mataupu Faavae ma Feagaiga 42:61].

Oi, e matua anoanoai mea e finagalo lou Tama o i le Lagi ia e iloa. E pei ona aoao mai Elder Neal A. Maxwell, “Ia i latou e i ai mata e vaai ai ma taliga e faalogo ai, ua manino lava o loo tufa fua mai e le Tama ma le Alo ia mealilo o le atulaulau!” (‟Faaaliga mo le Ekalesia, Faaaliga mo o Tatou Olaga,” Liahona, Me 2018, 95)

Tuu atu i tagata aoga se taimi e mafaufau loloto ai i le saunoaga a Peresitene Nelson ma faamaumau soo se uunaiga ua latou maua ma e tatau ona faatino.

Toe foi i le “Filifiliga o Gaoioiga e Aoao Ai.”

Mafaufau e valaaulia tagata aoga e tusi i lalo ni mafuaaga se tolu e tatau ai ona avea se tautinoga loloto, patino ia Iesu Keriso ma se vaega taua o o tatou olaga. E mafai foi e tagata aoga ona tusi i lalo ni taunuuga se tolu e ono i ai pe afai tatou te le maua lenei tautinoga. E mafai ona latou faasoa atu mea na latou tusia i se paga.

Faailoa atu o le a mafai e tagata aoga ona faailoa mai nisi o mafuaaga na aoao mai ai Iesu Keriso e faapea, o le malo o le lagi, o Le Ekalesia a Iesu Keriso o le Au Paia o Aso e Gata Ai, e taua. (E mafai ona outou faitau faatasi le”Malo o le Atua po o le Malo o le Lagi” i le Taiala i Tusitusiga Paia [Potutusi o le Talalelei] mo ni malamalamaaga faaopoopo e uiga i le upu malo o le lagi.)

A o suesue e tagata aoga faataoto a Iesu e uiga i le malo o le lagi, e mafai ona e valaaulia i latou e faataitai le tomai “Malamalama i Faatusa i Tusitusiga Paia” i le Tomai mo le Suesueina o Tusitusiga Paia. E mafai ona e faaali atu ma faasoa atu ia fautuaga nei mo le malamalama i faatusa o tusitusiga paia:

1. Faailoa faailoga e ala i le vaavaai mo faatusatusaga.

2. Saili mo ni faaātaātaga e faatatau i le uiga o faatusa i le anotusi o tusitusiga paia ma i vaefaamatalaga, ulutala o mataupu, le Taiala i Tusitusiga Paia, po o isi punaoa.

3. Mafaufau e uiga i le faatusa. Atonu e te fesili ifo ia te oe lava, “E faape’ī le malo o le lagi po o le Ekalesia a Iesu Keriso ?”

Valaaulia tagata aoga e vaai i le Mataio 13:24, 31, 33, 44, 45, ma le 47, vaavaai mo faatusatusaga na faia e le Faaola i le malo o le lagi.

E mafai ona e tusia le fuaiupu le atoatoa lenei i luga o le laupapa: O le malo o le lagi e pei …

Valaaulia tagata aoga e faasoa mai pe faapefea ona latou faamae’aina le fuaiupu e faavae i mea na latou mauaina a o latou faitauina fuaiupu. (O tali e mafai ona aofia ai: o se tagata sa luluina le fatu lelei, o se fua o le sinapi, o le mea faafefete, o le oa ua natia i se fanua, o se tagata faatauoloa o loo sailia penina, ma se upega fagota.) (Tusi mea taitasi nei i luga o le laupapa a o faailoa mai e tagata aoga.

Tusi mau faasino nei i luga o le laupapa:

• Mataio 13:24–30

• Mataio 13:31–32

• Mataio 13:33

• Mataio 13:44

• Mataio 13:45–46

• Mataio 13:47–50

Valaaulia tagata aoga e filifili ni nai faataoto e suesue faatasi ma se paga po o se vaega toalaiti. Uunaia i latou e saili mo ni faaataataga e uiga i uiga o faataoto latou te suesueina. (E mafai foi ona faasino atu tagata aoga i le “Mataio 13:3–9, 18–33, 43–50. O le a se mea e mafai ona tatou aoao mai faataoto o le faapotopotoina?” i le Fesoasoaniga a Tusitusiga paia: Feagaiga Fou.) Ona mafai lea e vaega ona talanoaina faatasi fesili nei mo faataoto taitasi latou te faitauina:

• E faapefea ona pei le malo o le lagi, po o le Ekalesia a Iesu Keriso, e pei o le mataupu o lenei faataoto?

• E mafai faapefea ona faatatau lenei faataoto ia i tatou i o tatou aso?

• O a ni auala o loo faamalosia ai e le Faaola Lana Ekalesia i aso nei?

Valaaulia tagata aoga e faasoa mai ni malamalamaaga ma ni upumoni na talanoaina e le latou vaega ma tusi i luga o le laupapa. E mafai ona e aoteleina mea ua latou faailoa mai e ala i le faaalia o le upumoni lenei: Ua faapotopotoina e le Alii e amiotonu i le malo o le lagi, o Lana Ekalesia lea ma mulimuli ane ai i le malo selesitila.

Filifili ni nai malamalamaaga i luga o le laupapa, ma fai atu i vaega na tusia e faamatala atili. E mafai ona e faaaogaina ni fesili faaopoopo e pei o fesili nei e fesoasoani ai i tagata aoga e faaaoga faataoto a le Alii ia i latou lava (e mafai e tagata aoga ona tali leotele nisi o nei fesili, mafaufau loloto i nisi, pe faamaumau foi tali e i latou lava):

Ina ia faaiu, e mafai ona e valaaulia tagata aoga e toe iloilo le lisi na latou fatuina i le amataga o lenei gaoioiga faaleaoaoga ma faaopoopo i ai se isi mafuaaga ua avea ai le Ekalesia ma se vaega taua o o latou olaga.

Toe foi i le “Filifiliga o Gaoioiga e Aoao Ai.”