Mateo 13; Lucas 8; 13

Sabihin sa mga estudyante na isipin at talakayin ang sumusunod na sitwasyon, o gamitin ang isa sa sarili mong halimbawa:

• Sa palagay ninyo, bakit kaya magkaibang-magkaiba ang nararamdaman ng dalawang tao na parehong nasa miting, at parehong mga mensahe ang naririnig?

Sabihin sa mga estudyante na isipin kung gaano sila kahandang makinig at tumanggap ng salita ng Diyos. Pagkatapos ay sabihin sa kanila na rebyuhin ang talinghaga tungkol sa manghahasik. Hikayatin ang mga estudyante na pag-isipan ang mga paraan na mas magiging bukas at handa sila sa mga salita ng Diyos.

Ipabasa sa mga estudyante ang Mateo 13:3–8, na inaalam kung paano ginamit ng Tagapagligtas ang mga bagay, tao, at mga kilos sa talinghaga. Maaaring idrowing ng mga estudyante ang mga bagay na ito para matulungan sila na maisalarawan ang talinghaga. Pagkatapos ay maaari nilang talakayin ang sa palagay nila ay itinuturo ng Tagapagligtas. Maaari mong gamitin ang kasanayang “Visualizing the Scriptures” sa Scripture Study Skills.

4:38

Ipabasa sa mga estudyante ang paliwanag ng Tagapagligtas tungkol sa talinghaga tungkol sa manghahasik sa Mateo 13:19–23 (tingnan din sa Lucas 8:12–15) at talakayin ang natutuhan nila.

Isiping ipakita ang sumusunod na pahayag ni Pangulong Dallin H. Oaks:

Ang iba’t ibang lupang kinahulugan ng mga binhi ay kumakatawan sa iba’t ibang paraan ng pagtanggap at pagsunod ng mga tao [sa mga turo ng Panginoon at Kanyang mga tagapaglingkod]. …

Ang talinghaga ng manghahasik ay nagbababala sa atin tungkol sa mga sitwasyon at saloobin na maaaring humadlang sa sinumang nakatanggap ng binhi ng mensahe ng ebanghelyo na magkaroon ng magandang ani. …

… Tayo na ang magtatakda ng mga prayoridad at gagawa ng mga bagay para maging mabuti ang ating lupa at umani tayo nang sagana. (“Ang Talinghaga ng Manghahasik,” Liahona, Mayo 2015, 32, 35)

Para matulungan ang mga mag-aaral na suriin ang kanilang mga priyoridad at kung ano ang ginagawa nila para “maging mabuti ang [kanilang] lupa at umani [sila] nang sagana” isiping bigyan ang mga estudyante ng sumusunod na self-assessment:

Matapos makumpleto ng mga estudyante ang self-assessment, maaari mong tapusin ang lesson sa pagtalakay sa sumusunod na mga tanong:

• Anong paraan ang inilaan ng Tagapagligtas para mabunot ang mga damo, maitapon ang mga bato, at mapagyaman ang lupa?

• Paano magdudulot sa inyo ng pag-asa ang kaalaman na mapapangalagaan ninyo ang mabubuting binhi sa inyong puso?

Isiping anyayahan ang isa o dalawang estudyante na ibahagi kung paano sila napalapit sa Tagapagligtas dahil sa paglilinang ng kanilang lupa at pagtulong sa kanila na matamasa ang mabuting bunga ng Kanyang ebanghelyo.

Balikan ang “Mga Opsiyon sa Aktibidad sa Pag-aaral.”

Isiping ipakita ang sumusunod na hindi kumpletong pahayag: “Ang pagsisisi ay tulad ng …” Pagkatapos ay sabihin sa mga estudyante na mag-isip ng isang pisikal na bagay na maaaring sumagisag sa pagsisisi.

O maaari mong idispley ang sumusunod na mga larawan at anyayahan ang mga estudyante na ipaliwanag kung paano natutulad ang bawat larawan sa pagsisisi.

• Ano ang kahalagahan ng paggamit ng pisikal na mga bagay sa pagtuturo ng mga espirituwal na katotohanan?

Ituro na madalas gamitin ng Tagapagligtas ang mga tao, bagay, at kilos sa mga simpleng kuwento, o talinghaga, “upang ilarawan at ituro ang espirituwal na katotohanan o alituntunin” (Gabay sa mga Banal na Kasulatan, “Talinghaga,” Gospel Library).

Ipakita ang sumusunod na itinanong ng mga disipulo ng Tagapagligtas sa Kanya: “Bakit ka nagsasalita sa kanila sa pamamagitan ng mga talinghaga?” (Mateo 13:10). Sabihin sa mga estudyante na alamin ang sagot ng Tagapagligtas sa Mateo 13:11–17. Pagkatapos ay anyayahan sila na ibahagi ang kanilang nalaman. Habang nagbabahagi sila, isipin kung ang alinman sa sumusunod na mga tanong ay maaaring magpalalim sa kanilang natututuhan:

• Ano ang “mga hiwaga ng kaharian”? (Mateo 13:11). (Kung kailangan ng mga estudyante ng tulong sa pagsagot sa tanong na ito, maaari mo silang anyayahang basahin ang “Mga Hiwaga ng Diyos” sa Gabay sa mga Banal na Kasulatan [Gospel Library]).

• Ano ang humahadlang sa mga tao na malaman ang mga hiwaga ng Diyos? Ano kaya ang ibig sabihin ng mga mata na hindi nakakakita, mga tainga na hindi nakakarinig, o isang puso na hindi makaunawa?

• Ano ang magagawa natin para maihanda ang ating sarili na tanggapin ang mga hiwaga ng Diyos? (Isiping ipabasa sa mga estudyante ang 1 Nephi 10:19 at Alma 12:9–11. Maaaring tukuyin ng mga estudyante ang isang alituntuning tulad ng sumusunod: Kung bubuksan natin ang ating isipan at puso sa Diyos, ihahayag Niya sa atin ang Kanyang mga hiwaga.)

Maaaring magsulat ang mga estudyante ng halimbawa ng hiwaga ng Diyos—isang bagay na inihayag sa kanila ng Espiritu Santo—na natanggap nila. Maaari din silang magsulat ng isang bagay na gusto nilang malaman.

Bilang pagtatapos, maaari mong ipakita ang sumusunod na pahayag ni Pangulong Russell M. Nelson:

Talaga bang nais ng Diyos na mangusap sa inyo? Oo! …

Hinihimok ko kayong dagdagan pa ang espirituwal na kakayahan ninyong makatanggap ng personal na paghahayag, sapagkat ipinangako ng Panginoon na “Kung kayo ay hihingi, kayo ay makatatanggap ng paghahayag sa paghahayag, ng kaalaman sa kaalaman, upang inyong malaman ang mga hiwaga at mapayapang bagay—yaon na nagdadala ng kagalakan, yaon na nagdadala ng buhay na walang hanggan” [Doktrina at mga Tipan 42:61].

Napakarami pang bagay na nais ng Ama sa Langit na malaman ninyo. Tulad ng itinuro ni Elder Neal A. Maxwell, “Sa mga may matang nakakakita at mga taingang nakaririnig, malinaw na ibinibigay ng Ama ang mga lihim ng sansinukob!” (“Paghahayag para sa Simbahan, Paghahayag para sa Ating Buhay,” Liahona, Mayo 2018, 95)

Bigyan ng oras ang mga estudyante na pagnilayan ang pahayag ni Pangulong Nelson at isulat ang anumang impresyon nila at dapat nilang gawin.

Balikan ang “Mga Opsiyon sa Aktibidad sa Pag-aaral.”

Isiping anyayahan ang mga estudyante na isulat ang tatlong dahilan kung bakit dapat maging mahalagang bahagi ng ating buhay ang tapat at personal na pangako kay Jesucristo. Maaari ding isulat ng mga estudyante ang tatlong posibleng kahihinatnan kung hindi tayo tapat. Maaari nilang ibahagi sa kapartner ang isinulat nila.

Ipaliwanag na matutukoy ng mga estudyante ang ilang dahilan kung bakit itinuro ni Jesucristo na mahalaga ang kaharian ng langit, na siyang Ang Simbahan ni Jesucristo ng mga Banal sa mga Huling Araw. (Maaari ninyong sama-samang basahin ang “Kaharian ng Diyos o Kaharian ng Langit” sa Gabay sa mga Banal na Kasulatan [Gospel Library] para sa karagdagang kaalaman tungkol sa katagang kaharian ng langit.)

Sa pag-aaral ng mga estudyante ng mga talinghaga ni Jesus tungkol sa kaharian ng langit, maaari mo silang anyayahang gamitin ang kasanayan na “Understanding Symbolism in the Scriptures” sa Scripture Study Skills. Maaari mong ipakita at ibahagi ang sumusunod na mga tip para maunawaan ang simbolismo sa banal na kasulatan:

1. Tukuyin ang mga simbolo sa pamamagitan ng paghahanap ng mga paghahambing.

2. Maghanap ng mga clue tungkol sa kahulugan ng mga simbolo sa teksto ng mga banal na kasulatan at sa mga footnote, chapter heading, Gabay sa mga Banal na Kasulatan o iba pang source.

3. Pag-isipan ang simbolismo. Maaari mong itanong sa iyong sarili, “Ano ang katulad ng kaharian ng langit o ng Simbahan ni Jesucristo ?”

Sabihin sa mga estudyante na pahapyaw na tingnan ang Mateo 13:24, 31, 33, 44, 45, at 47, na inaalam ang mga paghahambing na ginawa ng Tagapagligtas sa kaharian ng langit.

Maaari mong isulat sa pisara ang sumusunod na hindi kumpletong pangungusap: Ang kaharian ng langit ay tulad ng …

Sabihin sa mga estudyante na ibahagi kung paano nila kukumpletuhin ang pangungusap batay sa nalaman nila nang basahin nila ang mga talata. (Maaaring kabilang sa mga sagot ang sumusunod: isang lalaking naghahasik ng mabuting binhi, binhi ng mustasa, lebadura o pampaalsa, kayamanan na nakatago sa bukid, mangangalakal na naghahanap ng perlas, at lambat sa pangingisda. Isulat ang bawat isa sa mga ito sa pisara habang tinutukoy ng mga estudyante.)

Isulat sa pisara ang sumusunod na scripture passage:

• Mateo 13:24–30

• Mateo 13:31–32

• Mateo 13:33

• Mateo 13:44

• Mateo 13:45–46

• Mateo 13:47–50

Sabihin sa mga estudyante na pumili ng ilan sa mga talinghaga na pag-aaralan kasama ang isang kapartner o maliit na grupo. Hikayatin silang maghanap ng mga clue tungkol sa mga kahulugan ng mga talinghaga na kanilang pinag-aaralan. (Maaari ding patingnan sa mga estudyante ang “Matthew 13:3–9, 18–33, 43–50. What can we learn from the parables of gathering?” sa Scripture Helps: New Testament.) Pagkatapos ay sama-samang tatalakayin ng mga grupo ang sumusunod na mga tanong para sa bawat talinghaga na kanilang mababasa:

• Paano nakatulad ang kaharian ng langit, o ang Simbahan ni Jesucristo, sa paksa ng talinghagang ito?

• Paano maiaangkop sa atin ang talinghagang ito sa ating panahon?

• Sa anong mga paraan pinatatatag ng Tagapagligtas ang Kanyang Simbahan ngayon?

Sabihin sa mga estudyante na magbahagi ng mga ideya at katotohanang tinalakay ng kanilang grupo at isulat ang mga ito sa pisara. Maaari mong ibuod ang tinutukoy nila sa pagpapakita ng sumusunod na katotohanan: Tinitipon ng Panginoon ang mabubuti sa kaharian ng langit, na siyang Kanyang Simbahan at kalaunan ay ang kahariang selestiyal.

Pumili ng ilan sa mga kaalaman sa pisara, at sabihin sa mga grupong sumulat nito na mas ipaliwanag pa ito. Maaari mong gamitin ang karagdagang mga tanong tulad ng sumusunod para tulungan ang mga estudyante na gamitin ang mga talinghaga ng Panginoon sa kanilang sarili (maaaring sagutin ng mga estudyante nang malakas ang ilan sa mga ito, pagnilayan ang ilan, o kaya’y isulat nang mag-isa ang mga sagot):

Bilang pagtatapos, maaari mong anyayahan ang mga estudyante na rebyuhin ang listahang ginawa nila sa simula ng aktibidad na ito sa pag-aaral at magdagdag ng isa pang dahilan kung bakit mahalagang bahagi ng buhay nila ang Simbahan.

Balikan ang “Mga Opsiyon sa Aktibidad sa Pag-aaral.”