Juan 1

Maaari kang magsimula sa pagtatanong ng mga sumusunod:

• Sa inyong palagay, gaano karaming titulo, pangalan, at tungkulin ang mayroon si Jesus? Ano ang ilan sa Kanyang mga titulo, pangalan, at tungkulin? (Bigyan ang mga estudyante ng ilang minuto para magbahagi o maghanap ng mga sagot. Maaari mo silang anyayahang basahin ang “50 Names and Titles of Jesus Christ” [ComeuntoChrist.org] upang makakita ng mga halimbawa mula sa Biblia.)

• Sa inyong palagay, bakit mahalagang mas alamin pa ang kahulugan ng mga titulo, pangalan, at tungkulin ni Jesus?

Sabihin sa mga estudyante na rebyuhin ang Juan 1:1–14, 29, 34, 36, 41, 49, 51, na inaalam ang mga titulo, pangalan, at tungkulin ni Jesus. Maaaring gawin ito ng mga estudyante sa mga grupo at pagkatapos ay isulat sa pisara ang nalaman nila. Pagkatapos ay maaari mong anyayahan ang isa o dalawang estudyante na ibahagi kung ano ang pinakanakaantig sa kanila tungkol sa ilan sa mga titulo, pangalan, at tungkulin ni Jesucristo na nakalista sa pisara.

Para mapalalim ang pag-aaral, maaari mong anyayahan ang mga estudyante na makipagtulungan sa isang kapartner at pumili ng isa sa mga titulo, pangalan, o tungkulin at alamin pa ang tungkol dito.

Paalala: Kung makatutulong, ipakita sa mga estudyante ang ilang resources o tools na tulad ng mga sumusunod: Gabay sa mga Banal na Kasulatan, (tingnan sa “Paghahanap ng Kahulugan ng mga Salita at Parirala” sa Mga Kasanayan sa Pag-aaral ng mga Banal na Kasulatan).

Pagkatapos ay maaari mong ipakita at sabihin sa mga estudyante na sagutin ang mga sumusunod na tanong:

• Ano ang matututuhan ninyo tungkol kay Jesucristo at sa Kanyang banal na misyon mula sa titulo, pangalan, o tungkuling pinili ninyo?

• Paano madaragdagan ng kaalamang ito tungkol kay Jesucristo ang inyong pananampalataya sa Kanya?

Matapos ang sapat na oras na makapag-aral ang mga estudyante, anyayahan ang ilan sa kanila na ibahagi sa klase ang natutuhan o nadama nila nang magtuon sila sa mga titulo, pangalan, o tungkulin ng Tagapagligtas.

Hikayatin ang mga estudyante na patuloy na abangan ang mga titulo, pangalan, at tungkulin ng Tagapagligtas habang pinag-aaralan nila ang Bagong Tipan.

Balikan ang “Mga Opsiyon sa Aktibidad sa Pag-aaral.”

Ipabasa sa mga estudyante ang Juan 1:18 at pag-isipan kung anong problema sa doktrina ang inilalahad ng talatang ito. Pagkatapos ay ihambing ang talata sa Juan 6:46.

• Paano natin malulutas ang tila kontradiksyon sa Ebanghelyo Ayon kay Juan? (Paalala: Maaaring ipaliwanag ng mga estudyante na inihahayag sa iba pang mga scripture passage na nagpakita ang Diyos sa mga tao [halimbawa, Exodo 33:11; Mga Gawa 7:55–56; Joseph Smith—Kasaysayan 1:17].)

Kung hindi ito nabanggit ng mga estudyante, ipaliwanag na ang pagsasalin ni Joseph Smith ay maglilinaw sa Juan 1:18 (tingnan sa PJS, Juan 1:19 sa Pagsasalin ni Joseph Smith ng Biblia).

Paalala: Kung hindi pamilyar ang iyong mga estudyante sa Pagsasalin ni Joseph Smith ng Biblia, maaari ninyong sama-samang rebyuhin ang “Pagsasalin ni Joseph Smith (PJS)” sa Gabay sa mga Banal na Kasulatan (Gospel Library). Maaari mo ring ipaliwanag na ang paggamit ng Pagsasalin ni Joseph Smith at iba pang mga banal na kasulatan ng Panunumbalik ay makatutulong sa atin na mas maunawaan ang Biblia (tingnan sa “Paggamit ng mga Banal na Kasulatan ng Panunumbalik upang Maunawaan ang Biblia” sa Mga Kasanayan sa Pag-aaral ng mga Banal na Kasulatan).

Ipakita sa mga estudyante kung paano mahahanap ang Pagsasalin ni Joseph Smith ng Juan 1:19 sa Pagsasalin ni Joseph Smith ng Biblia sa bahaging Tulong sa Pag-aaral ng Gospel Library. Basahin ito nang sabay-sabay at ipaliwanag na ang mga inspiradong pagbabago ni Propetang Joseph Smith ay naka-italicize upang makita ang kaibhan nito sa orihinal na ayos ng mga salita na matatagpuan sa King James Version ng Biblia. Pagkatapos ay talakayin kung paano nakatutulong sa atin ang mga inspiradong idinagdag ni Joseph sa Juan 1:19 na mas maunawaan ang tila kontradiksyon dito.

Sabihin sa mga estudyante na alamin pa ang tungkol sa Juan 1 sa Pagsasalin ni Joseph Smith. Bilang bahagi ng aktibidad na ito, maaaring makipagtulungan ang mga estudyante sa isang kapartner o sa maliliit na grupo at talakayin ang mga sumusunod na tanong:

• Anong mga pagbabago sa Pagsasalin ni Joseph Smith ang nakita ninyong makatutulong?

• Anong mga kabatiran ang natamo ninyo tungkol kay Jesucristo mula sa Pagsasalin ni Joseph Smith?

Matapos bigyan ng oras ang talakayan sa grupo, sabihin sa ilang estudyante na ibahagi kung ano ang pinakamahalaga para sa kanila tungkol sa Pagsasalin ni Joseph Smith ng scripture passage na ito. Hikayatin ang mga estudyante na patuloy na gamitin ang Pagsasalin ni Joseph Smith sa kanilang pag-aaral ng Biblia.

Balikan ang “Mga Opsiyon sa Aktibidad sa Pag-aaral.”

Maaari mong itanong sa mga estudyante kung paano naiiba ang pamantayan ng mundo at ng Diyos sa kadakilaan.

Magpakita ng larawan ni Juan na Tagapagbautismo. Talakayin ang pagkakaiba ng tingin sa kanya ng mga tao ayon sa paglalarawan sa kanya sa Marcos 1:6–7 at ang tingin sa kanya ng Tagapagligtas ayon sa inilarawan sa Lucas 7:28.

Sabihin sa mga estudyante na ibahagi kung ano sa palagay nila ang dahilan kaya naging isa si Juan na Tagapagbautismo sa pinakadakilang mga propeta ng Panginoon.

Maaaring pag-aralan ng mga estudyante ang Juan 1:19–34, na inaalam ang matututuhan nila mula sa ministeryo ni Juan na Tagapagbautismo.

• Ano ang itinuturo ng mga talatang ito tungkol sa tungkulin ng propeta? Para sa karagdagang impormasyon tungkol sa pangalan at titulong Elias, tingnan sa “Juan 1:19–28. Sino si Elias” sa Mga Tulong sa Banal na Kasulatan: Bagong Tipan.)

Matapos bigyan ng oras ang pag-aaral, maaari mong itanong ang tulad ng mga sumusunod:

• Ano ang misyon at mensahe ni Juan na Tagapagbautismo?

• Ano ang maituturo sa atin ng pagtutuon ni Juan na Tagapagbautismo sa Tagapagligtas tungkol sa mga propeta? (Maaaring matukoy ng mga estudyante ang katotohanang tulad ng sumusunod: Ang mga salita ng mga propeta ay nagtuturo sa atin kay Jesucristo. Maaari mo ring ibahagi ang sumusunod na pahayag ni Elder Neil L. Andersen: “Ang pinakamahalagang tungkulin ng propeta ng Panginoon ay turuan tayo tungkol sa Tagapagligtas at akayin tayo sa Kanya” [“Ang Propeta ng Diyos,” Liahona, Mayo 2018, 25].)

• Paano naimpluwensyahan ng mga turo ng mga propeta at apostol ni Jesucristo ang inyong nadarama para sa Kanya?

Maaari mong ipanood ang video na “Living Apostles Testify of Jesus Christ” (2:16). Hikayatin ang mga estudyante na isulat ang kanilang mga iniisip at impresyon habang nakikinig sila sa mga patotoong ito. Anyayahan silang pag-isipan kung sino ang maaari nilang pagbahagian ng video na ito.

2:16

Balikan ang “Mga Opsiyon sa Aktibidad sa Pag-aaral.”

Kung may isang tao sa klase mo na ipinakilala sa Simbahan ng isang kaibigan, anyayahan siyang ibahagi ang kanyang karanasan. O sabihin sa mga estudyante na isipin ang isang pagkakataon na inanyayahan sila ng isang tao na mas sundin ang Tagapagligtas. Maaari mo ring ibahagi ang sarili mong karanasan sa pag-anyaya mo sa isang tao o pag-anyaya sa iyo ng isang tao na lumapit kay Cristo.

Ipaliwanag na noong ministeryo ni Juan na Tagapagbautismo, maraming tao ang naghahanap sa Mesiyas. (Kung kinakailangan, maikling rebyuhin ang kahulugan ng salitang Mesiyas [tingnan sa Gabay sa mga Banal na Kasulatan, “Mesiyas,” Gospel Library].) Bigyan ang mga estudyante ng sumusunod na handout at sabihin sa kanila na alamin kung paano natagpuan nina Andres, Pedro, Felipe, at Nathanael ang tunay na Mesiyas.

Matapos makumpleto ng mga estudyante ang handout, maaari nilang ibahagi sa isang kapartner o sa maliliit na grupo ang isinulat nila. Pagkatapos ay maaari mong itanong ang mga sumusunod:

• Paano maiiba ang mga karanasang ito kung hindi sinabi nina Juan na Tagapagbautismo, Andres, at Felipe sa kanilang mga kaibigan ang paanyayang “halikayo at tingnan ninyo”? (Juan 1:39).

• Anong alituntunin ang matututuhan natin mula sa mga karanasang ito? (Tulungan ang mga estudyante na matuklasan ang sumusunod na katotohanan: Kapag inanyayahan natin ang iba na lumapit kay Cristo, matatanggap nila ang sarili nilang patotoo sa Kanyang kabanalan.)

Maaari mong sabihin sa mga estudyante na magbahagi ng mga paraan na inanyayahan nila ang iba na lumapit kay Jesucristo. Para makapag-isip ng mga ideya, maaari ninyong panoorin ang isa sa mga sumusunod na video. Sabihin sa mga estudyante na isipin kung sino ang maaari nilang sabihan ng paanyayang “halikayo at tingnan ninyo” ang Tagapagligtas.

• “Inviting Others to ‘Come and See’” (1:17)

  

  1:23

• “Inviting All to Come unto Christ: Sharing the Gospel” (4:30)

  

  4:30

• “Magmahal, Magbahagi, Mag-anyaya” (13:03; panoorin mula sa time code na 8:28 hanggang 9:42)

  

  13:3

Balikan ang “Mga Opsiyon sa Aktibidad sa Pag-aaral.”