క్రీస్తునందు అందరు బ్రదికింపబడుదురు

కొరింథీ అనే నగరంలోని కొంతమంది సంఘ సభ్యులకు మనం మరణించిన తర్వాత ఏమి జరుగుతుంది అనే ప్రశ్నలు ఉన్నాయి. యేసు నిజంగా పునరుత్థానము చెందారని వారికి ఖచ్చితంగా తెలియదు. కొంతమంది పునరుత్థానము లేదని అన్నారు. పౌలు దీని గురించి విని కొరింథీలోని పరిశుద్ధులకు ఒక లేఖ వ్రాశాడు.

1 కొరింథీయులకు 15:12–14

యేసు క్రీస్తు యొక్క పునరుత్థానము ఆయన సువార్తలో ఒక ముఖ్యమైన భాగమని పౌలు వ్రాశాడు. “క్రీస్తు మన పాపములనిమిత్తము మృతిపొందెను మరియు మూడవదినమున లేపబడెను,” అని పౌలు చెప్పెను. ఆయన పునరుత్థానము చెందిన తర్వాత పౌలు మరియు ఇతర అపొస్తలులతో సహా 500 మందికి పైగా ప్రజలు ఆయనను చూశారు.

1 కొరింథీయులకు 15:1–8

క్రీస్తు పునరుత్థానం చెందకపోతే, మనమందరం విచారంగా మరియు నిరీక్షణ లేకుండా ఉంటామని పౌలు బోధించాడు. ఆదాము పతనం కారణంగా, మనమందరం చనిపోతాము, కానీ యేసు క్రీస్తు కారణంగా, మనమందరం కూడా పునరుత్థానము చేయబడతాము!

1 కొరింథీయులకు 15:17–22

ప్రజలు మరణించినవారి కోసం బాప్తిస్మము తీసుకుంటున్నారని పౌలు కొరింథులోని పరిశుద్ధులకు గుర్తు చేశాడు. మరణించిన వారు మళ్ళీ లేవకపోతే మనం అలా ఎందుకు చేయాలి? అందరూ తిరిగి బ్రతుకుతారని మనకు తెలుసు కాబట్టి మనం చనిపోయినవారి కోసం బాప్తిస్మము తీసుకున్నాము. ఇది వారికి ప్రభువు యొక్క దీవెనలను పొందే అవకాశాన్ని ఇస్తుంది.

1 కొరింథీయులకు 15:29

మనం పునరుత్థానం చేయబడినప్పుడు మన శరీరాలు ఎలా ఉంటాయని కొరింథులోని కొంతమంది పరిశుద్ధులు ఆలోచించారు. మన శరీరాలు మహిమగలవిగా ఉంటాయని పౌలు చెప్పాడు. వారు బలహీనంగా ఉండరు లేదా అనారోగ్యానికి గురికారు లేదా వృద్ధాప్యం చెందరు. కొంతమందికి సూర్యుడిలా ప్రకాశవంతమైన సిలెస్టియల్ శరీరాలు ఉంటాయి. మరికొన్ని చంద్రుడిలా ప్రకాశవంతంగా ఉంటాయి, మరికొన్ని నక్షత్రాలలా ప్రకాశవంతంగా ఉంటాయి.

1 కొరింథీయులకు 15:35, 40–43; సిద్ధాంతము మరియు నిబంధనలు 76:96–98; 88:20–23