యేసు తన అపొస్తలులను ఎంపిక చేయును

ఒకరోజు, యేసు బోధనను వినడానికి ప్రజలు గలిలయ సముద్రం దగ్గరకు వచ్చారు. వారు తీరమున వింటుండగా యేసు పడవలో నుండి వారికి బోధించారు. ఆ పడవ సీమోను అనే జాలరికి చెందినది.

లూకా 5:1–3

యేసు బోధించడం ముగించిన తర్వాత, పడవను సముద్రపు లోతైన ప్రదేశానికి తీసుకెళ్లమని సీమోనును అడిగారు. చేపలు పట్టడానికి నీళ్లలో వల వేయమని ఆయన సీమోనుతో చెప్పారు. రాత్రంతా చేపలు పట్టానని, ఒక్క చేప కూడా దొరకలేదని సీమోను చెప్పాడు. కానీ యేసు అతన్ని అడిగినందున, అతను మళ్ళీ ప్రయత్నిస్తాడు.

లూకా 5:4–5

సీమోను అతని వల తెగిపోయేంతగా చాలా చేపలు పట్టాడు! అతను మరొక పడవలో ఉన్న తన స్నేహితులను సహాయం కోసం పిలిచాడు. త్వరలోనే పడవలు చేపలతో నిండిపోయాయి, అవి మునిగిపోవడం ప్రారంభించాయి. సీమోను మరియు అతని స్నేహితులు ఆశ్చర్యపోయారు!

లూకా 5:6–7, 9

సీమోను యేసు యెదుట మోకరించాడు. “ప్రభువా, నేను పాపాత్ముడను” అని అతను చెప్పాడు. యేసు దేవుని నుండి పంపబడ్డారని అతనికి తెలుసు. భయపడకు అని యేసు అతనికి చెప్పారు.

లూకా 5:8

యేసు సీమోనును, అతని సోదరుడు అంద్రెయను, అతని స్నేహితులైన యాకోబు, యోహానులను తనను వెంబడించమని ఆహ్వానించారు. చేపలు పట్టే బదులు, ప్రజలు యేసు దగ్గరికి వచ్చేలా వారు సహాయం చేస్తారు.

మార్కు 1:16–17; లూకా 5:10–11.

సీమోను, యాకోబు, యోహానులు తమ చేపలు పట్టే పడవలను విడిచిపెట్టి యేసు యొక్క అపొస్తలులయ్యారు. తరువాత, యేసు సీమోనుకు పేతురు అనే పేరు పెట్టారు. ఒక అపొస్తలుడు యేసు క్రీస్తు యొక్క ప్రత్యేకమైన సాక్షి. యేసు 12 మందిని తన అపొస్తలులుగా పిలిచారు. ఆయన ఎవరిని పిలవాలో తెలుసుకోవడానికి ప్రార్థించారు. యేసు తన సంఘాన్ని నడిపించడానికి అపొస్తలులకు తన యాజకత్వ అధికారాన్ని ఇచ్చారు.

మత్తయి 10; లూకా 6:12–16; 9:1–2

అపొస్తలులు దేవుని శక్తిని కలిగి ఉన్నారు కాబట్టి, వారు అనారోగ్యంతో ఉన్నవారిని స్వస్థపరచగలరు, చనిపోయిన తర్వాత వారిని తిరిగి బ్రతికించగలరు మరియు ఇతర అద్భుతాలు చేయగలరు.

మత్తయి 10:8

ప్రజలకు తన సువార్తను బోధించడానికి యేసు తన అపొస్తలులను అనేక పట్టణాలకు పంపారు. వారు ఏమి చెప్పాలో తెలుసుకోవడానికి పరిశుద్ధాత్మ వారికి సహాయం చేస్తుందని ఆయన చెప్పారు. కొంతమంది తాము బోధించేది ఇష్టపడరని, అయితే వారు నమ్మకంగా సేవ చేసినప్పుడు, దేవుడు వారితో ఉంటారు అని యేసు చెప్పారు.

మత్తయి 10:5–7, 19–22