యేసు తుఫానును శాంతింపజేస్తారు

ఒకరోజు, యేసు మరియు ఆయన శిష్యులు గలిలయ సముద్రంలో ఒక పడవలో ప్రయాణిస్తున్నారు. గాలి చాలా బలంగా వీచడం ప్రారంభించింది. అలలు పడవను నీటితో నింపడం ప్రారంభించాయి. అయితే, యేసు ప్రశాంతంగా నిద్రించుచున్నారు.

మత్తయి 8:23–24

శిష్యులు భయపడ్డారు. వారు యేసును నిద్ర లేపారు. “ప్రభువా, మమ్మును రక్షించుము,” అని వారు కేకలు వేశారు. వాళ్ళు సముద్రంలో మునిగిపోతామని అనుకున్నారు.

మత్తయి 8:25

“మీరెందుకు భయపడుతున్నారు?” అని యేసు అడిగారు. శిష్యులు మరింత విశ్వాసం కలిగి ఉండాలని ఆయన వారితో చెప్పారు. తరువాత ఆయన లేచి నిలబడి గాలితో మరియు సముద్రముతో, “నిశ్శబ్దమై ఊరకుండుమని” అన్నారు.

మత్తయి 8:26; మార్కు 4:39

వెంటనే తుఫాను ఆగిపోయింది, సముద్రం ప్రశాంతంగా ఉంది. యేసు మరియు శిష్యులు సురక్షితంగా ఉన్నారు. యేసు యొక్క శిష్యులు ఆశ్చర్యపోయారు. వారు ఆశ్చర్యపడి ఈయన ఎట్టివాడో; ఈయనకు గాలియు సముద్రమును లోబడుచున్నవని చెప్పుకొనిరి!

మత్తయి 8:26–27