"మీరు నాకు చేసితిరి"

యేసు క్రీస్తు తన శిష్యులతో పరలోకంలో తన తండ్రి దగ్గరకు తిరిగి వచ్చిన తర్వాత, తాను పరిశుద్ధ దేవదూతలందరితో కలిసి భూమికి తిరిగి వస్తానని చెప్పారు. ఆ రోజున, అన్ని దేశాల ప్రజలు ఆయన ముందు సమావేశమవుతారు—ఆయనను అనుసరించిన వారు మరియు అనుసరించని వారు.

మత్తయి 25:31–33

తనను వెంబడించిన ప్రజలు తన రాజ్యంలోకి ప్రవేశించవచ్చని యేసు చెబుతాడు, ఎందుకంటే ఆకలిగా ఉన్నప్పుడు వారు ఆయనకు ఆహారం పెట్టారు. దాహం వేసినప్పుడు వారు ఆయనకు నీళ్లు ఇచ్చారు.

మత్తయి 25:34–35

అవసరమైనప్పుడు వారు ఆయనకు బట్టలు, ఉండడానికి స్థలం ఇచ్చారు. ఆయన రోగియై ఉన్నప్పుడు లేదా చెరసాలలో ఉన్నప్పుడు, వారు ఆయనను సందర్శించారు.

మత్తయి 25:36

ప్రజలు యేసును, వారు ఆయనకు ఇలాంటి మంచి పనులు ఎప్పుడు చేశామని అడుగుతారు. మనం ఇతరులకు దయగల పనులు చేసినప్పుడు, అది ఆయనకు మనం దయగల పనులు చేస్తున్నట్లు అవుతుందని రక్షకుడు వివరిస్తారు.

మత్తయి 25:37–40

తనను అనుసరించని ప్రజలు తన రాజ్యంలోకి ప్రవేశించలేరని యేసు చెబుతారు. ఆయనకు ఆకలిగా, దాహం వేసినప్పుడు, వారు ఆయనకు ఆహారం లేదా పానీయం ఇవ్వలేదు.

మత్తయి 25:41–42

ఆయనకు బట్టలు లేదా ఉండడానికి స్థలం అవసరమైనప్పుడు వారు ఆయనకు సహాయం చేయలేదు. ఆయన అనారోగ్యంతో ఉన్నప్పుడు లేదా చెరసాలలో ఉన్నప్పుడు, వారు ఆయనను సందర్శించలేదు.

మత్తయి 25:43

అవసరంలో ఉన్నవారికి సహాయం చేయకూడదని మనం ఎంచుకున్నప్పుడు, మనం ఆయనకు సహాయం చేయకూడదని ఎంచుకుంటున్నామని యేసు వివరిస్తారు. మనం ఇతరులకు సహాయం చేయాలని ఎంచుకున్నప్పుడు, మనం యేసుకు సహాయం చేయాలని ఎంచుకుంటున్నాము.

మత్తయి 25:45