రక్షణ కోసం యేసు క్రీస్తుపై ఆధారపడడం

అనేక భిన్నమైన ప్రాంతాల నుండి వచ్చిన ప్రజలు యేసు క్రీస్తు సంఘంలో చేరుతున్నారు. సంఘ సభ్యులు పరిశుద్ధులని పిలవబడ్డారు.

రోమీయులకు 1:7

కొంతమంది పరిశుద్ధులు యూదులు; వారు ఇంకా మోషే ధర్మశాస్త్రాన్ని అనుసరిస్తూ ఉండేవారు. ఇతరులు అలా కాదు. వారు మోషే ధర్మశాస్త్రాన్ని అనుసరించాలా లేదా అన్న విషయంలో విభేదించారు.

రోమీయులకు 2:14–15, 23–29

పరిశుద్ధులకు ఈ ప్రశ్నలు ఉన్నాయని పౌలు తెలుసుకున్నాడు. ఆయన రోములో ఉన్న పరిశుద్ధులకు ఒక లేఖ రాశాడు. మోషే ధర్మశాస్త్రాన్ని మాత్రమే పాటించడం ద్వారా ఎవ్వరూ రక్షింపబడరని ఆయన వారికి చెప్పాడు. మనమందరం పాపం చేస్తామని ఆయన వివరించాడు. రక్షింపబడుటకు, ప్రతి ఒక్కరూ యేసు క్రీస్తునందు విశ్వాసం ఉంచి ఆయనను అనుసరించాలి.

రోమీయులకు 3:20–23

మన పాపాలను తనపై తీసుకోవడానికి దేవుడు యేసు క్రీస్తును పంపారని పౌలు బోధించాడు. యేసు చేసిన బలిదానం కారణముగా మనమందరం పశ్చాత్తాపపడుతూ మన పాపాలకు క్షమాపణ పొందగలం.

రోమీయులకు 3:24–31

యేసు క్రీస్తు మనకు క్షమాపణ యొక్క వరమును మరియు మంచి పనులు చేయడానికి శక్తిని ఇస్తారని పౌలు బోధించాడు. ఈ ప్రేమపూర్వక బహుమతిని యేసు క్రీస్తు వరము అని పిలుస్తారు మరియు అది మనల్ని నిరీక్షణ మరియు ఆనందంతో నింపుతుంది. యేసు మాదిరిగా మనం బాప్తిస్మము తీసుకున్నప్పుడు, అది యేసు అనుచరుడిగా కొత్త జీవితాన్ని ప్రారంభించినట్లుగా ఉంటుందని పౌలు చెప్పాడు.

రోమీయులకు 5:1–11; 6:3–6