నడవలేని వ్యక్తిని యేసు స్వస్థపరచడం

యేసు బోధించడం వినాలని చాలా మంది కోరుకున్నారు. ఒకరోజు ఆయన జనసమూహముతో నిండిన ఇంట్లో బోధిస్తున్నారు.

మార్కు 2:1–2

నడవలేని స్నేహితుడితో నలుగురు వ్యక్తులు ఆ ఇంటికి వచ్చారు. వారు అతనిని మంచం మీద మోసుకెళ్ళాల్సి వచ్చింది. వారు తమ స్నేహితుడిని యేసు దగ్గరకు తీసుకురావాలనుకున్నారు, కానీ ఇల్లు చాలా రద్దీగా ఉంది, వారు లోపలికి వెళ్ళలేకపోయారు.

మార్కు 2:3–4

కాబట్టి వారు తమ స్నేహితుడిని ఇంటి పైకప్పు మీదకు మోసుకెళ్లారు. వారు పైకప్పులో కొంత భాగాన్ని తొలగించి, తమ స్నేహితుడిని మరియు అతని మంచాన్ని ఇంటిలోకి, జనసమూహం మధ్యలో, యేసు యెదుట దించారు.

మార్కు 2:4.

యేసు వారి విశ్వాసము చూచి, “కుమారుడా నీ పాపములు క్షమింపబడియున్నవి”, అని నడవలేని వ్యక్తితో చెప్పెను.

మార్కు 2:5

ఇది విన్నప్పుడు, కొంతమంది యూదా నాయకులు కలత చెందారు. దేవుడు మాత్రమే పాపాలను క్షమించగలరని వారు భావించారు.

మార్కు 2:6–7

వారు ఏమి ఆలోచిస్తున్నారో యేసుకు తెలుసు. తనకు పాపాలను క్షమించే శక్తి ఉందని వారు అర్థం చేసుకోవడానికి, ఆయన ఒక అద్భుతం చేశారు. ఆయన నడవలేని వ్యక్తితో, “నీవు లేచి నీ పరుపెత్తికొని యింటికి పొమ్ము” అని అన్నారు. ఆ మనిషి లేచి నడిచాడు! అందరూ ఆశ్చర్యపోయి దేవునికి కృతజ్ఞతలు చెల్లించారు.

మార్కు 2:8–12