క్షమించని సేవకుడి ఉపమానం

ఒకరోజు పేతురు యేసును ఒక ముఖ్యమైన ప్రశ్న అడిగాడు. ప్రజలు పాపం చేసినప్పుడు తాను వారిని ఎన్నిసార్లు క్షమించాలో అతను తెలుసుకోవాలనుకున్నాడు. “ఏడు సార్లా?” అని పేతురు అడిగాడు. యేసు పేతురు ప్రశ్నకు ఒక కథ లేదా ఉపమానం చెప్పడం ద్వారా సమాధానం చెప్పారు.

మత్తయి 18:15–21

కథలో, ఒక రాజుకు చాలా మంది సేవకులు ఉండేవారు. సేవకులలో ఒకడు రాజుకు పదివేల తలాంతులు అప్పు ఉన్నాడు. అది చాలా ఎక్కువ డబ్బు!

మత్తయి 18:23–24

ఆ సేవకుడు రాజుకు ఎప్పటికీ తిరిగి చెల్లించలేడు. అప్పు తీర్చడానికి ఆ సేవకుడిని, అతని కుటుంబాన్ని అమ్మేస్తానని రాజు చెప్పాడు.

మత్తయి 18:25

ఆ సేవకుడు అది విన్నప్పుడు, మోకాళ్లపై పడిపోయాడు. తనకు మరికొంత సమయం ఇవ్వమని రాజును వేడుకున్నాడు. “నాయెడల ఓర్చుకొనుము,” “నీకు అంతయు చెల్లింతును” అని చెప్పెను.

మత్తయి 18:26

రాజుకు ఆ సేవకుడిపై దయ కలిగింది. అతన్ని క్షమించాలని నిర్ణయించుకున్నాడు. ఆ సేవకుడు ఆ డబ్బు తిరిగి చెల్లించాల్సిన అవసరం లేదు. అతను వెళ్ళడానికి స్వేచ్ఛగా ఉన్నాడు!

మత్తయి 18:27

తరువాత ఆ సేవకుడు వెళ్లి తనకు కొంత మొత్తం బాకీ ఉన్న వ్యక్తిని కనుగొన్నాడు. అతను ఆ వ్యక్తిని పట్టుకుని, “నా అప్పు చెల్లింపుము” అన్నాడు.

మత్తయి 18:28

ఆ వ్యక్తి మోకాళ్లపై పడిపోయాడు. “నాయెడల ఓర్చుకొనుము,” “నీకు అంతయు చెల్లింతును” అని చెప్పెను. కానీ ఆ సేవకుడు అతన్ని క్షమించలేదు. అతన్ని జైలుకు పంపాడు.

మత్తయి 18:29–30

జరిగిన విషయం రాజుకు తెలియగానే, ఆ సేవకుడిని పిలిపించమని అడిగాడు. రాజు తన సేవకుడికి చాలా పెద్ద అప్పు క్షమించబడిందని గుర్తు చేశాడు. తనకు అప్పు ఉన్న వ్యక్తిని కూడా క్షమించి ఉండాల్సిందని అతను తన సేవకుడితో చెప్పాడు.

మత్తయి 18:31–33

మనమందరం ఎప్పటికీ తీర్చుకోలేని ఋణాన్ని కలిగి ఉన్నాము. దేవుడు మనల్ని క్షమిస్తారు కాబట్టి మనం కూడా ఇతరులను క్షమించాలని యేసు పేతురుకు వివరించారు. మరియు మనం ఏడు సార్లు క్షమించిన తర్వాత ఆపకూడదు అయితే ఎల్లప్పుడూ క్షమించడానికి సిద్ధంగా ఉండాలి.

మత్తయి 18:22, 34–35; మత్తయి 6:14; సిద్ధాంతము మరియు నిబంధనలు 64:9–10 కూడా చూడండి.