యేసు సౌలుకు ప్రత్యక్షమయ్యారు

సౌలు ఒక పరిసయ్యుడు—యూదుల నాయకుడు, ఆయన ధర్మశాస్త్రాన్ని బాగా తెలిసినవాడు. కానీ యేసే రక్షకుడని సౌలు నమ్మలేదు. అతను తరచుగా యేసును అనుసరించిన వారిని చెరసాలలో వేసేవాడు. ఒక రోజు సౌలు యేసును అనుసరించిన కొంతమందిని పట్టుకొని శిక్షించేందుకు, దమస్కు అనే పట్టణానికి ప్రయాణించి, వారిని యెరూషలేముకు తీసుకురావాలని ప్రయత్నించాడు.

అపొస్తలుల కార్యములు 9:1–2; 22:4–5; 26:5

సౌలు ప్రయాణిస్తుండగా, అకస్మాత్తుగా ఒక వెలుగు అతనిపై ప్రకాశించింది. అది సూర్యుని కంటే ప్రకాశవంతంగా ఉంది. సౌలు నేలమీద పడ్డాడు. “సౌలా, సౌలా” అని ఒక స్వరం చెప్పడం అతను విన్నాడు. తరువాత ఆ స్వరం సౌలును, యేసుకు వ్యతిరేకంగా ఎందుకు పోరాడుతున్నావు, ఆయన శిష్యులను ఎందుకు బాధపెడుతున్నావు అని అడిగింది.

అపొస్తలుల కార్యములు 9:3–4; 26:13–14

మాట్లాడుతున్నది ఎవరు అని సౌలు అడిగాడు. “నేను యేసును,” అని స్వరము చెప్పెను. సౌలు భయపడ్డాడు మరియు ఆశ్చర్యపోయాడు. అతను ఏమి చేయాలి అని యేసును అడిగాడు. యేసు సౌలుతో, “లేచి పట్టణములోనికి వెళ్లుము” అని అన్నారు. తరువాత ఏమి చేయాలో అతను అక్కడ నేర్చుకుంటాడు.

అపొస్తలుల కార్యములు 9:5–6

సౌలు విధేయత చూపి లేచి నిలబడ్డాడు. కానీ ఇప్పుడు అతను గుడ్డివాడయ్యాడు. అతను ఏమీ చూడలేడు. అతనితో ప్రయాణించిన వారు అతన్ని దమస్కు నగరంలోకి నడిపించారు. మూడు రోజులు సౌలు ఏమీ తినలేదు, ఏమీ తాగలేదు.

అపొస్తలుల కార్యములు 9:8–9

దమస్కులో నివసించిన యేసు శిష్యులలో అననీయ ఒకరు. యేసు ఒక దర్శనంలో అననీయను సందర్శించి, వెళ్లి సౌలుకు సహాయం చేయమని చెప్పారు.

అపొస్తలుల కార్యములు 9:10–12

అయితే అననీయ అయోమయంలో పడిపోయాడు. అతను సౌలు గురించి విన్నాడు. సౌలు యేసు శిష్యులకు వ్యతిరేకంగా ఎంతగా పోరాడాడో అతనికి తెలుసు.

అపొస్తలుల కార్యములు 9:13–14

ఎలాగైనా సౌలుకు సహాయం చేయమని యేసు అననీయను అడుగుతారు. యూదులు కాని, తన గురించి తెలియని చాలా మందికి తన సువార్తను ప్రకటించడానికి తాను సౌలును ఎంచుకున్నానని యేసు చెప్పాడు.

అపొస్తలుల కార్యములు 9:15–16

అననీయ యేసుకు విధేయుడయ్యాడు. అతను సౌలును కనుగొని అతనికి ఒక దీవెన ఇచ్చాడు. అననీయ అతనిని “సౌలా, సహోదరుడా” అని పిలిచాడు.

అపొస్తలుల కార్యములు 9:17

అననీయ మాట్లాడుతూ, యేసు క్రీస్తు తనను పంపారని, తద్వారా సౌలు స్వస్థత పొందుతూ పరిశుద్ధాత్మతో నిండిపోవాలని చెప్పారు. వెంటనే సౌలు మళ్లీ చూడగలిగాడు.

అపొస్తలుల కార్యములు 9:17–18

సౌలు బాప్తిస్మము పొందాడు. తరువాత అతను నగరంలోని అందరికీ యేసు క్రీస్తు గురించి బోధించాడు. సౌలు అంతగా మారిపోయినందుకు ప్రజలు ఆశ్చర్యపోయారు. తన మిగిలిన జోవితమంతా సౌలు పౌలు అని పిలువబడ్డాడు. అతను యూదులు మరియు ఇతర ప్రజలతో సహా అందరికీ యేసును నమ్మమని బోధించాడు. పౌలు యేసు క్రీస్తు యొక్క అపొస్తలుడయ్యాడు.

అపొస్తలుల కార్యములు 9:18–22, 29–31; 13:9