యేసు, ఒక స్త్రీ మరియు ఒక బావి

యేసు మరియు ఆయన శిష్యులు గలిలయకు వెళ్లుచుండగా సమరయ మార్గమున నడుచుచున్నారు. వాళ్ళు ఒక బావి దగ్గర నీళ్ళ కొరకు ఆగిపోయారు. యేసు అక్కడ విశ్రాంతి తీసుకుంటుండగా, ఆయన శిష్యులు ఆహారం కొనడానికి వెళ్ళారు.

యోహాను 4:3–8

సమరయ నుండి వచ్చిన ఒక స్త్రీ తన కుండలో నీళ్లు నింపుకోవడానికి బావి దగ్గరకు వచ్చింది. యేసు ఆమెను దాహమునకు నీళ్ళు అడిగారు. ఆ స్త్రీ ఆశ్చర్యపోయింది. యేసు ఒక యూదుడు, మరియు చాలా మంది యూదులు సమరయులతో మాట్లాడరు.

యోహాను 4:7–9

బావి నీళ్లు తాగేవాళ్లకు మళ్ళీ దాహం వేస్తుందని యేసు ఆమెతో చెప్పారు. కానీ ఆయన ఆమెకు నిత్యజీవము అనే “జీవజలమును” ఇవ్వగలడు మరియు ఆమెకు ఎప్పటికీ దాహం వేయదు. ఆ స్త్రీ తనకు ఈ “జీవజలము” కొంచెం కావాలని చెప్పింది.

యోహాను 4:10–14

తన భర్తను తీసుకురమ్మని యేసు ఆమెతో చెప్పారు. “నాకు భర్త లేడు,” అని ఆమె చెప్పింది. ఆమెకు ఐదుగురు భర్తలు ఉన్నారని, ఆమెతో నివసించిన వ్యక్తి ఆమె భర్త కాదని యేసు చెప్పారు.

యోహాను 4:16–18

యేసు తన గురించి ఈ విషయాలు తెలుసుకున్నాడని ఆ స్త్రీ ఆశ్చర్యపోయింది. త్వరలో ఒక రక్షకుడు వస్తున్నాడని తనకు తెలుసునని ఆమె చెప్పింది. తానే రక్షకుడిని అని యేసు ఆమెకు చెప్పారు.

యోహాను 4:19, 25–26

ఆ స్త్రీ తన నీటి కుండను బావి దగ్గర విడిచిపెట్టి ఊరిలోనికి వెళ్ళింది. ఆమె రక్షకుడిని కనుగొన్నానని చాలా మందికి చెప్పింది. వచ్చి ఆయన బోధనను వినమని ఆమె వారిని ఆహ్వానించింది. ఈ స్త్రీ కారణంగా, చాలా మంది సమరయులు యేసు క్రీస్తును విశ్వసించారు.

యోహాను 4:28–29, 39–42