నీటి మీద నడవడం

యేసు కొంత సమయం ఒంటరిగా ప్రార్థన చేయాలనుకున్నారు. ఆయన తన శిష్యులను పడవలో గలిలయ సముద్రం అవతలి ఒడ్డుకు పంపారు. యేసు ఒక కొండ మీద ప్రార్థన చేయడానికి వెళ్ళారు.

మత్తయి 14:22–23

ఆ రాత్రి, గాలి బలంగా వీచింది, అలలు పెద్దగా ఎగసిపడ్డాయి. యేసు యొక్క శిష్యులు పడవను సముద్రం అవతలి ఒడ్డుకు చేర్చడానికి రాత్రంతా కష్టపడి పనిచేశారు.

మత్తయి 14:24–25

రాత్రి దాదాపు ముగిసే సమయానికి, శిష్యులు ఎవరో నీటి మీద తమ వైపు నడుచుకుంటూ రావడం చూశారు. వాళ్ళు దెయ్యం అనుకుని భయపడ్డారు. అది దెయ్యం కాదు; యేసు! ఆయన వారిని పిలిచి, “ధైర్యము తెచ్చుకొనుడి, నేనే; భయపడకుడని” చెప్పెను.

మత్తయి 14:25–27

నీళ్లమీద నడిచి నీయొద్దకు వచ్చుటకు నాకు సెలవిమ్మని పేతురు యేసుతో అనెను, యేసు “రమ్ము!” అని చెప్పారు, పేతురు పడవ దిగి, యేసు మాదిరిగానే నీటి మీద నడవడం ప్రారంభించాడు!

మత్తయి 14:28–29

కానీ పేతురు బలమైన గాలిని, పెద్ద అలలను చూసినప్పుడు భయపడ్డాడు. అతను నీటిలో మునిగిపోసాగెను. అతను యేసును, “ప్రభువా, నన్ను రక్షించుమని కేకలువేసెను.”

మత్తయి 14:30

యేసు చెయ్యి చాపి పేతురును పట్టుకున్నారు. మిక్కిలిగా విశ్వసించే బదులు ఎందుకు సందేహిస్తున్నావని ఆయన పేతురును అడిగారు.

మత్తయి 14:31

యేసు మరియు పేతురు పడవ ఎక్కగానే గాలి ఆగిపోయింది. జరిగిన దానిని చూసి శిష్యులు ఆశ్చర్యపోయారు. యేసు నిజంగా దేవుని కుమారుడని వారికి తెలుసు మరియు వారు ఆయనను ఆరాధించారు.

మత్తయి 14:32–33