మార్టిన్ కుటుంబము

హల్వీసియో మార్టిన్స్ బ్రెజిల్‌లోని రియో డి జనీరోలో పని ముగించుకొని కారులో ఇంటికి వెళ్తున్నాడు. రోడ్డు అంతా కార్లతో నిండిపోయింది, వాటిలో ఏవీ కదలలేకపోయాయి. హల్వీసియో తన జీవితం గురించి ఆలోచించాడు. అతనికి మంచి ఉద్యోగం ఉంది. అతను తన భార్య రూడాను మరియు అతని ఇద్దరు పిల్లలు మార్కస్ మరియు మారిసాను ప్రేమించాడు. కానీ అతనికి ఏదో కోల్పోయినట్లు అనిపించింది.

Saints, 4:229–30

హల్వీసియో కారు దిగి ప్రార్థన చేయడం ప్రారంభించాడు. అతను ఇలా అన్నాడు, “నా దేవా, నువ్వు ఎక్కడో ఉన్నావని నాకు తెలుసు, కానీ ఎక్కడో నాకు తెలియదు.” తన కుటుంబం ఏదో వెదుకుతోందని, వారికి ఆయన సహాయం అవసరమని అతను పరలోక తండ్రికి చెప్పాడు. తర్వాత హల్వీసియో తన కారు ఎక్కి ఇంటికి వెళ్ళాడు.

Saints, 4:230

ఆ తరువాత, ప్రభువు సంయుక్త రాష్ట్రాల నుండి సువార్తికులను పంపారు. వారు మార్టిన్స్ కుటుంబాన్ని సందర్శించారు. వారు తన ఇంటికి శాంతికరమైన ఆత్మను తీసుకువచ్చారని హల్వీసియో గమనించాడు. ఆ సమయంలో, నల్లటి చర్మం ఉన్నవారిని సంయుక్త రాష్ట్రాల‌లో తరచుగా బాగా చూసుకునేవారు కాదని అతనికి తెలుసు. “మీ మతం నల్లజాతీయులను ఎలా చూస్తుంది?” అని అతను అడిగాడు.

Saints, 4:230–31

దేవుని పిల్లలందరూ బాప్తిస్మం తీసుకోవచ్చని సువార్తికులు వివరించారు. కానీ ఆ సమయంలో, ఆఫ్రికా నుండి వచ్చిన పూర్వీకులు గల నల్లజాతీయులు యాజకత్వాన్ని కలిగియుండలేకపోయారు లేదా దేవాలయ ఆశీర్వాదాలలో ఎక్కువమట్టుకు పొందలేకపోయారు. హల్వీసియో మరియు రూడాకు ఇంకా చాలా ప్రశ్నలు ఉన్నాయి. సువార్తికులు వాటికి సమాధానం ఇవ్వడానికి తమ వంతు కృషి చేశారు.

Saints, 4:231

చాలా సంవత్సరాలుగా, ప్రవక్తలు యాజకత్వం మరియు దేవాలయ ఆశీర్వాదాలు ప్రజలందరికీ ఎప్పుడు ఇవ్వబడతాయో తెలుసుకోవడానికి ప్రార్థించారు.

Saints, 4:71

హల్వీసియో మరియు రూడా సంఘానికి వెళ్లాలని నిర్ణయించుకున్నారు. అక్కడి పరిశుద్ధులు చాలా ప్రేమగా మరియు దయతో ఉన్నారు. సంఘములో వారు నేర్చుకున్నది మార్టిన్స్ కుటుంబానికి నచ్చింది.

Saints, 4:231–32

ఒక రోజు సంఘం నుండి ఇంటికి వెళ్తుండగా, మార్కస్ తన కుటుంబంతో మాట్లాడుతూ, వారు సంతోషంగా ఉన్నట్లు తాను గమనించానని చెప్పాడు. “దానికి కారణం ఏమిటో నాకు తెలుసు,” అని మార్కస్ అన్నాడు. “యేసు క్రీస్తు యొక్క సువార్త.” మార్కస్ చెప్పింది నిజమని మిగిలిన కుటుంబ సభ్యులకు తెలుసు. వారు బాప్తిస్మము పొంది, నిర్ధారించబడాలని నిర్ణయించుకున్నారు.

Saints, 4:232

కొన్ని సంవత్సరాల తరువాత, బ్రెజిల్‌లోని పరిశుద్ధులు ఒక దేవాలయాన్ని నిర్మించడంలో తీరికలేకుండా ఉన్నారు. మార్టిన్స్ కుటుంబం ఉత్సాహంగా ఉంది, కానీ వారు విచారంగా కూడా ఉన్నారు. దేవాలయం ప్రతిష్ఠించబడిన తర్వాత వారు లోపలికి ప్రవేశించలేరు. “చింతించకు,” అని హల్వీసియో రూడాతో అన్నాడు. “ప్రభువుకు అన్నీ తెలుసు.”

Saints, 4:293–94

విశ్వాసంగా ఉండడం అంత సులభంగా లేదు. ప్రజలు మార్టిన్స్ కుటుంబాన్ని ఎగతాళి చేశారు. వారు సంఘములో ఎందుకు నిలిచియున్నారో వారి స్నేహితులకు కూడా అర్థం కాలేదు. కానీ అది యేసు క్రీస్తు యొక్క సంఘమని హల్వీసియోకు మరియు అతని కుటుంబానికి తెలుసు.

Saints, 4:251–52

ఒక రోజు, హల్వీసియో పని నుండి ఇంటికి వచ్చినప్పుడు, రూడా ఇలా అన్నది, “నా దగ్గర ఒక అద్భుతమైన వార్త ఉంది!” చాలా ఉపవాసం మరియు ప్రార్థన చేసిన తర్వాత, ప్రవక్త, అధ్యక్షులు స్పెన్సర్ డబ్ల్యు. కింబల్ ఒక బయల్పాటును పొందారు. వారి చర్మ రంగుతో సంబంధం లేకుండా, ఎవరైనా యాజకత్వం మరియు దేవాలయం యొక్క ప్రతి ఆశీర్వాదాన్ని పొందవచ్చని దేవుడు ఆయనకు చెప్పారు.

అధికారిక ప్రకటన 2; Saints, 4:318–19

మార్టిన్స్ కుటుంబం మరియు అనేకమంది ఇతరులు చాలా కాలం వేచి ఉన్నారు. ఇప్పుడు నిరీక్షణ ముగిసింది! హల్వీసియో మరియు మార్కస్ యాజకత్వాన్ని పొందారు. హల్వీసియో, రూడా మరియు వారి పిల్లలు దేవాలయంలో ఒక కుటుంబంగా ముద్రవేయబడ్డారు. వారు ఇప్పుడు సువార్త యొక్క అన్ని ఆశీర్వాదాలను పొందగలరు.

Saints, 4:319–21