స్వస్థత దినము

జోసెఫ్ స్మిత్ మరియు ఇతర సంఘ నాయకులు మిస్సోరిలో ఖైదీలుగా ఉండగా, కొంతమంది కాపలాదారులు వారిని వేరే జైలుకు తీసుకెళ్లారు. కాపలాదారులు ఖైదీల పట్ల దయ చూపారు. ఒక రాత్రి, తాను నిద్రపోతున్నాడని, జోసెఫ్ మరియు అతని స్నేహితులు పారిపోతే అతను వారిని ఆపడని కాపలాదారుల నాయకుడు జోసెఫ్‌కు చెప్పాడు.

Saints, 1:392–93

జోసెఫ్ మరియు ఇతర సంఘ నాయకులు పారిపోయారు. క్విన్సీ అనే పట్టణంలో వారి కుటుంబాలు నివసిస్తున్నట్లు వారు కనుగొన్నారు.

Saints, 1:395–96

క్విన్సీలోని జనులు పరిశుద్ధుల పట్ల దయతో ఉన్నారు. వారు పరిశుద్ధులకు ఆహారం, దుస్తులు మరియు ఉండడానికి స్థలాన్ని ఇచ్చారు.

Saints, 1:377

క్విన్సీలోని జనుల దయకు పరిశుద్ధులు కృతజ్ఞతలు తెలిపారు. అయితే వారికి నివాసం ఉండేందుకు సొంత స్థలం అవసరమని జోసెఫ్‌కు తెలుసు. ఎవరూ కోరుకోని కొంత స్థలాన్ని సంఘ నాయకులు కొనుగోలు చేసారు మరియు పరిశుద్ధులు అక్కడికి వెళ్లడం ప్రారంభించారు.

Saints, 1:399–400

ఆ స్థలం ఒక పెద్ద నదికి దగ్గరలో ఉంది. అది తడిగా ఉండి, బురదతో దోమలతో నిండియుంది. దోమలు మలేరియా అనే వ్యాధితో చాలామంది పరిశుద్ధులను చాలా అనారోగ్యానికి గురిచేసాయి. వారిలో కొందరు చనిపోయారు.

Saints, 1:402

చాలామంది జనులు అనారోగ్యంతో ఉన్నారని జోసెఫ్ చూసినప్పుడు, అతను కొంతమంది సంఘ నాయకులను పిలిచి తనతో రమ్మని కోరాడు. ఉదయం అంతా, వారు ఒక్కొక్క కుటుంబానికి వెళ్లి, అనారోగ్యంతో ఉన్నవారిని దర్శించి, వారిని దీవించారు. వారి జబ్బును నయం చేసేందుకు వారు యేసు క్రీస్తు యొక్క శక్తిని ఉపయోగించారు.

Saints, 1:402

వారు సందర్శించిన ఒక వ్యక్తి ఎలైజా ఫోర్డమ్. అతను చాలా అనారోగ్యంతో ఉన్నాడు, అతను త్వరలో చనిపోతాడని అతని భార్య భావించింది. స్వస్థత పొందుతాననే విశ్వాసం ఉందా అని జోసెఫ్ ఎలైజాను అడిగాడు.

Saints, 1:402

“చాలా ఆలస్యం అయిందేమో,” అన్నాడు ఎలైజా. మీరు యేసు క్రీస్తును నమ్ముతున్నారా అని జోసెఫ్ ఎలైజాను అడిగాడు. “నేను నమ్ముతున్నాను, బ్రదర్ జోసెఫ్,” అని అతను జవాబిచ్చాడు.

Saints, 1:402

యేసు క్రీస్తు నామములో జోసెఫ్ అతడిని దీవించాడు. ఎలైజా లేచి నిలబడ్డాడు. యేసు అతడిని స్వస్థపరిచారు! తర్వాత ఎలైజా జోసెఫ్‌తో పాటు పక్క ఇంటికి వెళ్లి, అనారోగ్యంతో ఉన్న ఇతర వ్యక్తులను దీవించడంలో అతనికి సహాయం చేసాడు.

Saints, 1:402–3