సూసా యంగ్ గేట్స్ మరియు జోసెఫ్ ఎఫ్. స్మిత్‌

సూసా యంగ్ గేట్స్ బ్రిగమ్ యంగ్ కుమార్తె. ఆమె యూటాలో జన్మించి అక్కడే పెరిగింది. ఆమెకు వ్రాయడమంటే ఇష్టం మరియు ప్రభువు సంఘములో సేవ చేయడమంటే ఇష్టం.

Saints, 3:9–10, 64

సూసా పెద్దయ్యాక, ఆమె చాలా అనారోగ్యానికి గురైంది. ఆమె యాజకత్వ దీవెన కోరింది. దీవెనలో, ఆమె దేవాలయ కార్యము చేయాలని ఆయన కోరుకుంటున్నట్లు ప్రభువు సూసాతో చెప్పారు.

Saints, 3:193–94

దీవెన తర్వాత, సూసా కోలుకుంది. ఆమె తన కుటుంబ చరిత్ర గురించి తెలుసుకోవడానికి తన సమయాన్ని వెచ్చించింది. బాప్తిస్మం పొందకుండానే మరణించిన కుటుంబ సభ్యులను కనుగొన్నప్పుడు, ఆమె వారి కోసం బాప్తిస్మం పొందడానికి దేవాలయానికి వెళ్ళింది. కుటుంబ చరిత్ర కార్యము గురించి జనులకు చెప్పడం ఆమెకు చాలా ఇష్టం. దురదృష్టవశాత్తూ, చాలా మందికి దానిపై ఆసక్తి లేదు.

Saints, 3:194–95, 206

ఒకరోజు, సూసా తన స్నేహితుడు, సంఘ అధ్యక్షుడు అయిన జోసెఫ్ ఎఫ్. స్మిత్‌ని సందర్శించింది. అధ్యక్షులు స్మిత్ చాలా వారాలుగా అనారోగ్యంతో ఉన్నారు. ఆయన కొడుకు చనిపోయాడని కూడా చాలా విచారంగా ఉన్నారని సూసాకు తెలుసు. ప్రపంచంలో జరుగుతున్న యుద్ధాలు, అనారోగ్యాలు వంటి ఇతర విషయాల గురించి కూడా ఆయన విచారంగా ఉన్నారు.

Saints, 3:197–99, 205–6

కానీ సూసా అధ్యక్షులు స్మిత్‌తో కూర్చున్నప్పుడు, ఆమెతో మాట్లాడడానికి ఆయన ఉత్సాహంగా ఉన్నారు. దేవుడు తనకు ఒక ప్రత్యేక దర్శనం ఇచ్చారని ఆయన సూసాకు చెప్పారు. అదంతా ఆత్మ లోకం గురించి, జనులు చనిపోయిన తర్వాత అక్కడికి వెళతారు. ఆయన దర్శనం ఒక కాగితంపై వ్రాయబడింది. అధ్యక్షులు స్మిత్ దానిని సూసాకు ఇచ్చి, చదవమని అడిగారు.

Saints, 3:206–7

సూసా ఆ పత్రాన్ని చదివింది. యేసు క్రీస్తు ఆత్మ లోకాన్ని సందర్శించారని అందులో ఉంది. జీవించి ఉన్నప్పుడు సువార్తను స్వీకరించని ఆత్మలకు బోధించడానికి ఆయన ఆదాము, హవ్వ మరియు ఇతర విశ్వాసపాత్రులైన స్త్రీ పురుషులను పంపించారు. దేవాలయంలో జనులు వారి కోసం బాప్తిస్మం తీసుకునేలా ఈ ఆత్మలను సిద్ధం చేయడంలో వారు సహాయం చేస్తున్నారు.

సిద్ధాంతము మరియు నిబంధనలు 138:11–19, 29–48; Saints, 3:206–7

అధ్యక్షులు స్మిత్ దర్శనాన్ని చదివి సూసా ఆశ్చర్యపోయింది. అధ్యక్షులు స్మిత్ ఆమెను చూసి నవ్వారు. “సూసా, నువ్వు గొప్ప పని చేస్తున్నావు” అని అన్నారాయన. ప్రభువుపై ఆమెకున్న విశ్వాసాన్ని బట్టి తాను ఆమెను ప్రేమిస్తున్నట్లు ఆయన చెప్పారు.

Saints, 3:206

సూసా తన దినచర్య పుస్తకంలో ఈ బయల్పాటు గురించి రాసింది. “ఓహ్, అది నాకు ఓదార్పునిచ్చింది!” అని ఆమె చెప్పింది. ఆమె తన స్నేహితులకు మరియు సంఘములోని ఇతర సభ్యులకు దాని గురించి చెప్పడానికి వేచియుండలేకపోయింది. ఆత్మ లోకంలోని జనుల కొరకు దేవాలయ కార్యము చేయడానికి పరిశుద్ధులు ఉత్సాహంగా ఉండేందుకు అధ్యక్షులు స్మిత్ యొక్క దర్శనం సహాయపడుతుందని ఆమెకు తెలుసు.

Saints, 3:207