ఒహైయోలో సమకూడుట

ఒహైయోలో చాలామంది సంఘములో చేరుతున్నారు. వేరే ప్రదేశాలలో ఉన్న పరిశుద్ధులు ఒహైయోలో సమకూడాలని ప్రభువు జోసెఫ్ స్మిత్‌కు చెప్పారు. దానికోసం చాలా దూరం ప్రయాణించాలి. కానీ వారు సమకూడిన తర్వాత, పరిశుద్ధులకు తన ధర్మశాస్త్రాన్ని బోధిస్తానని మరియు ఆయన పనిని చేయడానికి వారికి శక్తినిస్తానని ప్రభువు వాగ్దానం చేసారు.

సిద్ధాంతము మరియు నిబంధనలు 37; 38:32; Saints, 1:109–110

జోసెఫ్ తల్లి లూసీ మరియు సుమారు 80 మంది సంఘ సభ్యుల సమూహం న్యూయార్క్‌లో ఉన్న తమ ఇళ్ళను వదిలి, ఒహైయోకు వెళ్ళారు. వారు తమను కొంతదూరం వరకు తీసుకువెళ్ళే పడవలో ఎక్కారు. వారు కొన్ని రోజులు ప్రయాణించిన తర్వాత, పడవ ఆగిపోవలసి వచ్చింది. నీళ్ళలో దట్టమైన మంచు వారి దారిని అడ్డుకుంది.

Saints, 1:121-22

పరిశుద్ధులు మంచు విడిపోయే వరకు వేచి ఉండాల్సి వచ్చింది. వారు అలసిపోయారు, ఆకలితో, తడిగా మరియు చల్లగా ఉన్నారు.

Saints, 1:122

వేచి ఉండడం కష్టమైంది. కొంతమంది పరిశుద్ధులు ఒకరితో ఒకరు వాదించుకోవడం ప్రారంభించారు.

Saints, 1:122

పరిశుద్ధులు వాదించుకోవడం లూసీకి నచ్చలేదు. ఏదో చెప్పాలని ఆమెకు తెలుసు. “మీ విశ్వాసానికి ఏమైంది?” అని ఆమె అడిగింది. వారు దేవుణ్ణి ప్రార్థిస్తే, వారు తమ ప్రయాణాన్ని కొనసాగించడానికి ఆయన మంచును విడగొడతారని లూసీ పరిశుద్ధులతో చెప్పింది.

Saints, 1:122-23

అకస్మాత్తుగా, మంచు విరిగిపోయినప్పుడు వారు ఉరుములాంటి శబ్దం విన్నారు. వారి పడవ వెళ్ళడానికి తగినంత దారినిస్తూ, మంచులో ఒక మార్గం తెరుచుకుంది.

Saints, 1:123

పరిశుద్ధులు ఆశ్చర్యపోయారు మరియు కృతజ్ఞతతో ఉన్నారు. వారు ప్రార్థన చేయడానికి మరియు పరలోక తండ్రికి కృతజ్ఞతలు చెప్పడానికి సమకూడారు. వారి పడవ ఒహైయో వైపు సురక్షితంగా ప్రయాణించింది.

Saints, 1:123

పరిశుద్ధులు ఒహైయోకు వచ్చినప్పుడు, అక్కడి సంఘ సభ్యులు వారిని స్వాగతించారు మరియు నివసించడానికి స్థలాలను కనుగొనడంలో వారికి సహాయం చేశారు. ప్రభువు వారికి తన ధర్మశాస్త్రాన్ని బోధిస్తానని మరియు ఆయన పనిని చేయడానికి వారికి శక్తినిస్తానని చెప్పిన తన వాగ్దానాన్ని నిలబెట్టుకున్నారు.

సిద్ధాంతము మరియు నిబంధనలు 42; Saints, 1:126