Juon ‘Iien Bōjrak” ilo Ghana

Alice Johnson ekar juon mijenede ej jerbal ilo kapijuknen eo an, Ghana. Ekar em̧m̧an ippān kwaļo̧k naan in kam̧ool eo an kōn Jisōs Kraist im jipan̄ Kabun̄ in eddōkļo̧k.

Armej ro Rekwojarjar, 4:416–17

Juon raan, Alice ekar bōk jet nuuj ko rejjab em̧m̧an. Kien eo ilo Ghana ekar ba bwe ejjeļo̧k bar kweilo̧k an Kabun̄. Mijenede ro rekar jab maron̄ bar katakin.

Armej ro Rekwojarjar, 4:417

Būliij opiija ro rekar kōm̧m̧an bwe mijenede ro ren em̧m̧akūt jān apaatmen ko aer im bōk baajkōļ ko aer. Jet iaan membōr ro an Kabun̄ in rekar likūt er ilo jikin kalbuuj. Ritariņae ro rekar ļake Mōnjar ko im jamin kadeļo̧n̄e jabdewōt armej ie. Armej ro rekar ņaetan menin “kabōjrak.”

Armej ro Rekwojarjar, 4:417–18

Mijenede ro rekar aikuj in ro̧o̧l n̄an m̧ōko m̧weer. Alice ekar em̧m̧akūt im jokwe ippān juon eo m̧ōttan ilo bar juon bukwōn. Lieo ekar inepata bwe ej jāmin kam̧ōj mijen eo an.

Armej ro Rekwojarjar, 4:418

Armej ro Rekwojarjar ilo Ghana rekar tarpok, būrom̧ōj, im mijak. Rekar ļōmņak kōn ta eo ebōd rekar kōm̧m̧ane. Renaaj ke bar etal n̄an m̧ōnjar eo?

Armej ro Rekwojarjar, 4:418

Men̄e rekar jab maron̄ aiintok doon ilo ward ko aer, Armej ro Rekwojarjar rekar iakwe wōt Irooj im kōņaan kabun̄jar n̄an E. Rekar kōm̧m̧ani kweilo̧k in kwojkwoj ko ilo m̧ōko m̧weer. Ro uwaan baam̧le eo ro ewōr aer priesthood rekar kōjeraam̧m̧an pilawe eo im dān eo im ajeje n̄an baam̧le ko jet.

Katak im Bujen Ko 6:32; Armej ro Rekwojarjar, 4:419

Allōn̄ ālkin allōn̄, kabōjrak eo ekar wōnm̧aanļo̧k wōt. Armej ro Rekwojarjar rekar al in jar im katakin doon gospel eo ilo m̧ōko m̧weer. Rekar loļo̧k doon n̄an jipan̄ kōkajoorļo̧k wōt tōmak eo aer. Rekar kōjenolo̧k juon m̧ōttan jon̄oul eo aer n̄e renaaj maron̄ ro̧o̧l im jar. Rekar jar im kar jitlo̧k bwe kabōjrak eo en maron̄ jem̧ļo̧k.

Armej ro Rekwojarjar, 4:436–37

Ālktata, ālkin 18 allōn̄ ko, kien eo ekar pepe bwe Kabun̄ in en maron̄ kōm̧m̧an kweilo̧k bar juon alen. Juon mijen būreejtōn ekāāl ekar kajjitōk bwe en kōnono n̄an Alice, eo ekar kiiō juon rijikuuļ ilo kaļej. “Kokōņaan ke ro̧o̧ltok im jerbale juon mijen ālkin am̧ jikuuļ?” ļeo ekar kajjitōk. “Jaab,” lieo ekar ba. “Ikōņaan jerbal kiiō wōt!”

Armej ro Rekwojarjar, 4:437–39

Alice im Armej ro Rekwojarjar jet rekar lukkuun m̧ōņōņō bwe remaron̄ bar etal im jar! Ilo Jabōt eo kein kajuon ālkin bōjrak eo, kweilo̧k in kwojkwoj eo ekar jem̧ļo̧k ruo awa kōn an booļ armej ro rekar kōņaan kwaļo̧k aer naan in kam̧ool. Rekar jiron̄ doon ewi wāween an Irooj kar kōjeraam̧m̧an er im jipan̄ er kōkajoor wōt tōmak eo aer.

Katak im Bujen Ko 20:75; Armej ro Rekwojarjar, 4:438