Visōn eo M̧oktata an Josep Smith

Juōn uwaak n̄an juon jar ettā

Josep Smith ej ron̄jake armej ro rej kwaļo̧k kōn tōmak ko aer reoktaktak.

Ilo jikin eo baam̧le eo an Josep Smith raar jokwe ie, ebooļ m̧ōnjar ko me raar kwaļo̧k kōn Jisōs Kraist. Er aolep raar katakin men ko reoktaktak kōn E. Josep eaar jab jeļā wōn iaer eaar jim̧we. Eaar jeļā ke ej aikuj Rilo̧mo̧o̧r, ak eaar jab jeļā ewi iaan kabun̄ ko en kobaļo̧k ie.

Josep Smith—Bwebwenato 1:5–6; Armej ro Rekwojarjar, 1:9

Josep eto an ļōmņak kōn men in. Eaar kōņaan jeorļo̧k bōd in jerawiwi ko an. Eaar loļo̧k elōn̄ kabun̄ ko, ak eaar pok wōt.

Joseph Smith—Bwebwenato 1:8–10; Armej ro Rekwojarjar, 1:9–12

Josep Smith ej riiti Baibōļ turin kāāntōļ eo.

Juon raan, Josep eaar riiti Jemes 1:5 ilo Baibōļ eo. Ekar ba eļan̄n̄e jej aikuj māletlet, jemaron̄ kajjitōk ippān Anij. Josep eaar jeļā ilo būruōn ke men eo in eaikuj in kōm̧m̧ane.

Josep Smith—Bwebwenato 1:11–13

Josep Smith eaar etetalļo̧k turin wōjke ko turin m̧weeo im̧ōn bwe en jar.

Ilo juon jibbon̄ eaiboojoj ilo 1820, Josep ej etal n̄an wōjke ko turin m̧weeo im̧ōn. Ekar kōņaan pād ilo juon jikin eo emake iaan bwe en jar n̄an Jemedwōj Ilan̄.

Josep Smith—Bwebwenato 1:14–15

Josep ekar bukwelōlō im jar. Ke ej jinoe, eaar en̄jake juon kajoor nana ioon. Eaar en̄jake marok ipeļaakin. Āinwōt n̄e juon armej ej kajjieon̄ kōbōjrak e jān an kōnono ippān Anij. Josep eaar kōjerbal aolepen an maron̄ n̄an kajjitōk bwe Anij en kōjparoke.

Josep Smith—Bwebwenato 1:15–16

Jemedwōj Ilan̄ im Jisōs Kraist raar waļo̧k n̄an Josep Smith. Eaar bukwelōlō im̧aer.

Innām, Josep eaar loe juon meram eaiboojoj ej walļaļtak jān lan̄. Marok eaar jako, innām eaar en̄jake aenōm̧m̧an. Ilo meram eo, Josep eaar lo Jemedwōj Ilan̄ im Jisōs Kraist rej jutak imejatoto. Jemādwōj Ilan̄ ekar ba etan Josep. Innām E ekar jitōn̄ļo̧k Jisōs im ba, “En̄in Nejū Jitōnbōro. Ron̄jake E!”

Josep Smith—Bwebwenato 1:16–17

Jisōs ej jiron̄ Josep Smith ke em̧ōj jeorļo̧k an bōd jān jerawiwi ko an.

Jisōs ekar jiron̄ Josep ke em̧ōj jeorļo̧k bōd in jerawiwi ko an. Josep eaar kajjitōk ippān Jisōs ewi iaan kabun̄ eo ej aikuj kobaļo̧k ie. Jisōs ekar jiron̄ e bwe ejjeļo̧k iaer en kobaļo̧k ie.

Joseph Smith—Bwebwenato 1:18–19; Armej ro Rekwojarjar, 1:16

Josep Smith, ej bukwelōlō ilo bukwin wōjke ko, ej ron̄jake Rilo̧mo̧o̧r.

Jisōs ekar ba ke m̧ool ko raorōk ilo gospel eo An raar jako. Ekar ba E naaj jilkintok enjeļ ro n̄an katakin m̧ool kein n̄an Josep, n̄an kwaļo̧k n̄an laļin.

Armej ro Rekwojarjar, 1:16–17

Josep Smith ej etetal n̄an m̧weeo m̧ōn jān wōjke ko.

Ālkin an jem̧ļo̧k visōn eo, Josep eaar obrak kōn iakwe im lan̄lōn̄. Eaar jako an pok. Ekar jeļā bwe Anij ekar iakwe e. Jekdo̧o̧n n̄e armej raar dike kōn an ba ekar lo Jemedwōj Ilan̄ im Jisōs Kraist, Josep ekar jeļā ke em̧ool.

Joseph Smith—Bwebwenato 1:20–26; Armej ro Rekwojarjar, 1:16