Parley ej Kajjitōk kōn Jeorļo̧k Bōd

Ke ekar iien n̄an an Thankful im Parley Pratt kōļļotak nin̄nin̄ eo nejierro, raar ro̧o̧l n̄an kapijuknen eo aer jān mijen eo aer ilo Canada. Nin̄nin̄ ļaddik eo nejierro ājmour ejja wōt an kar Irooj kallim̧ur ke enaaj kar.

Armej ro Rekwojarjar, 1:270

Ilo būrom̧ōj, Thankful ekar mej jejjo awa ālkin an nin̄nin̄ eo kar ļotak. Parley ekar jeļā bwe eban kar maron̄ in lale nin̄nin̄ eo ilo an jako. Ekar kajjitōk ippān juon kōrā ilo Kirtland n̄an lale nin̄nin̄ eo ilo an kar bar ro̧o̧lļo̧k n̄an Canada n̄an kadedeļo̧k mijen eo an.

Armej ro Rekwojarjar, 1:270

Ilo Kirtland, Josep Smith ekar jino juon pāān̄ n̄an kōļapļo̧k jāān n̄an jerbal eo an Anij. Ekar kajjitōk ippān armej ro n̄an kōm̧m̧an bwe pāān̄ eo en kōjerbal jāān ko aer bwe ro jet ren maron̄ baroiki. Bōtaab, kōn elōn̄ un ko, pāān̄ eo ekar jab bwe an jāān im ekar aikuj in kilōk. Pāān̄ ko jet ilo United States raar barāinwōt jorrāān.

Armej ro Rekwojarjar, 1:260–61, 264–68

Mour ekar penļo̧k n̄an Armej ro Rekwojarjar. Jet rekar jako jān jerbal ko aer im kiiō ekar jab bwe aer jāān n̄an wia m̧ōn̄ā im nuknuk. Jet armej raar illu ippān Josep, em̧ool jekdo̧o̧n jet iaan ro m̧ōttan repaake. Raar ļōmņak Josep ekar jab juon rikanaan em̧ool kōnke pāān̄ eo ekar jab tōprak.

Armej ro Rekwojarjar, 1:264–68, 272–275

Ilo an menin kar waļo̧k, Parley ekar ro̧o̧lļo̧k n̄an kapijuknen jān mijen eo an. Jorrāān ko an pāān̄ eo rekar kōm̧m̧an bwe mour en pen n̄an Parley barāinwōt. Enaaj kar jab bwe an jāān n̄an kōļļāik m̧weo im̧ōn, im enaaj kar ejjeļo̧k juon an jikin jokwe.

Armej ro Rekwojarjar, 1:270–71

Kiiō Parley ekar illu ippān Josep barāinwōt. Ekar je juon leta n̄an Josep. Ekar jiron̄ Josep bwe ekar tōmak wōt ilo Bok in Mormon. Bōtaab ekar barāinwōt ba men ko rejjab em̧m̧an kōn Rikanaan eo. Ekar jiron̄ Josep bwe ekar bōd kōn an kar tin jino juon pāān̄ jinoin.

Armej ro Rekwojarjar, 1:271

Tokālik, jet iaan ro m̧ōttan Parley jān Canada raar itok n̄an Kirtland. Parley ekar katakin er gospel eo, im raar m̧ōņōņō in bar lo e.

Armej ro Rekwojarjar, 1:279–80

Bōtaab raar barāinwōt bwilōn̄ bwe Parley im bar elōn̄ ro jet raar ebweer ilo tōmak eo aer bwe Josep Smith ekar juon rikanaan.

Armej ro Rekwojarjar, 1:279–80

Juon iaan ro m̧ōttan Parley jān Canada ekar John Taylor. Ke Parley ekar lo e, ekar jiron̄ John ewi jon̄an an kar illu ipppān Josep Smith. Ekar jiron̄ļo̧k John n̄an jab bar ļoor Josep.

Armej ro Rekwojarjar, 1:280

John ekar kakeememej Parley bwe ke raar pād ilo Canada, Parley ekar kwaļo̧k naan in kam̧ool eo an bwe Josep Smith ekar juon rikanaan em̧ool. “Ewōr ippa kiiō ejja naan in kam̧ool eo wōt,” John ekar ba. “Eļan̄n̄e jerbal eo ekar m̧ool jiljino allōn̄ remootļo̧k, ej m̧ool rainin. Eļan̄n̄e Josep Smith ekar juon rikanaan tōre eo, e ej kiiō juon rikanaan.”

Armej ro Rekwojarjar, 1:280

Parley ekar jeļā bwe eo m̧ōttan John ekar jim̧we. Ekar en̄jake būrom̧ōj kōn leta eo an ekar illu ļo̧k n̄an Josep. Ekar jeļā bwe Josep ekar kōm̧m̧ane ijo kōņaan jon̄an wōt an maron̄n̄an kōm̧m̧ane jerbal eo an Irooj. Jorrāān ko kōn pāān̄ eo rekar jab meļeļe in bwe Josep ekar jab juon rikanaan em̧ool an Jisōs Kraist.

Armej ro Rekwojarjar, 1:283

Parley ekar etal n̄an m̧weo im̧ōn Josep. Ekar jiron̄ļo̧k Josep bwe en joļo̧k an bōd kōn men ko relej ekar ba. Josep ekar jeorļo̧k an Parley bōd, kar jar kōn e, im kar kōjeraam̧m̧an e. Parley ekar jerbali elōn̄ļo̧k mijen ko im jiron̄ļo̧k armej ro aolepān laļ in bwe Josep Smith ekar rikanaan eo an Irooj.

Katak im Bujen Ko 64:7–11; Armej ro Rekwojarjar, 1:283