“Parley im Thankful Pratt,” Bwebwenato ko an Katak im Bujen Ko (2024)
“Parley im Thankful Pratt,” Bwebwenato ko an Katak im Bujen Ko
O̧kwoj–Jeptōm̧ba 1830
Parley im Thankful Pratt
Tōmak n̄an ļoor Jetōb eo
Parley Pratt im Thankful Pratt raar rikallib ro ilo Ohio. Juon raan, Parley ekar en̄jake an Jetōb eo jiron̄ e n̄an em̧m̧akūt jān im̧weo m̧ōn n̄an katakin armej ro kōn Baibōļ.
Armej ro Rekwojarjar, 1:92
Parley im Thankful raar wia kake farm eo aer. Raar jab jeļā ia eo rej etal n̄an e, bōtaab raar lōke bwe Anij enaaj kar kōjeraam̧m̧an er kōn aer jerbal n̄an E.
Armej ro Rekwojarjar, 1:92
Parley im Thankful raar bōk jet nuknuk im jāān im iuweļo̧k ioon juon tim̧a. Ke rekar eļļāļo̧k n̄an New York, Jetōb eo ekar jiron̄ Parley n̄an to jān wa eo. Parley ekar kajjitōk ippān Thankful n̄an etal wōt jen e. Ekar kallim̧ur n̄an bar ro̧o̧lļo̧k ippān. Ekar en̄jake ewōr juon men eo Anij ekar kōņaan bwe en kōm̧m̧ane ilo New York.
Armej ro Rekwojarjar, 1:92
Parley ekar etetal ilo juon iaļ aitok. Āliktata ekar itok n̄an juon m̧ōn rikwaļo̧k naan. Rikwaļo̧k naan eo ekar jiron̄ Parley kōn juon bok ainjuon im kar leļo̧k n̄an e. Ekar itok jān piliej kooļ ko im kar je jem̧aan. Ekar ņa etan Bok in Mormon. Juon likao ilo New York ekar ukōte kōn kajoor an Anij.
Armej ro Rekwojarjar, 1:92
Parley ekar lukkuun ikdeelel. Rikwaļo̧k eo ekar kwaļo̧k n̄an Parley bok eo. Ilo an kar itok limo, Parley ekar kōpeļļo̧ke im jino riiti. Jet awa ko rekkar eļļāļo̧k, bōtaab ekar jab maron̄ bōjrak riiti, em̧ool jekdo̧o̧ņ bōjrak n̄an m̧ōn̄ā ak kiki. Jetōb eo an Irooj ekar jiron̄ e ekar m̧ool.
Armej ro Rekwojarjar, 1:92–93
Parley ekar kanooj lukkuun iakwe Bok in Mormon, ekar kōņaan pukot em̧m̧aan eo ekar ukōte. Ekar etetalļo̧k n̄an farm eo an Smith baam̧le, ijo ekar ioon Hyrum, ļeo jein Josep. Raar kōnono aolepān bon̄ōn eo. Hyrum ekar jiron̄ Parley bwe Bok in Mormon ej m̧ool. Ekar leļo̧k n̄an Parley kape in bok eo an make.
Armej ro Rekwojarjar, kar 1:93
Ke ekar riit wōt, Parley ekar katak bwe Jisōs Kraist ekar loļo̧k armej ro ilo Amedka etto. Parley ekar maron̄ lo bwe Bok in Mormon ekar aorōkļo̧k jān aolep m̧weie ko an laļ in. Ekar kijerer in jepļaakļo̧k n̄an ippān Thankful im kwaļo̧k n̄ane ta eo ekar katak.
Armej ro Rekwojarjar, 1:93; 3 Nipai 11:1–12
Parley ekar jiron̄ Thankful im ro jet uwaan baam̧le eo an kōn Bok in Mormon. Ekar jiron̄ er ta eo ej katakin kōn Jisōs Kraist. Thankful ekar m̧ōņōņō bwe Parley ekar ļoor Jetōb eo im kar lo jerbal eo an Anij ekar kōņaan bwe en kōm̧m̧ane. Āinwōt Parley, Thankful ekar katak kōn e make bwe Bok in Mormon ej m̧ool.
Armej ro Rekwojarjar, 1:98–99