Josep im Emma

Jerbal ippān doon n̄an boktok n̄an lalin Bok in Mormon eo

Emma Hale ej jijjōt turin juon reba epaake m̧weeo m̧ōn.

Emma Hale eaar rittoļo̧k ilo juon baam̧le kileplep ilo Pennsylvania, ejjab ettoļo̧k jān ijo Josep Smith ekar jokwe ie. Emma im baam̧le eo an raar tōmak ilo Anij. Em̧m̧an ippān Emma riit, al, uwe kidia, im aōņōōņ wa ilo reba eo turin m̧weeo m̧ōn.

Armej ro Rekwojarjar, 1:31–32

Josep Smith im jemān erro ej etetal turin m̧weeo m̧ōn Emma Hale. Emma ej reinabōjļo̧k ilo wūntō eo im lo Josep.

Ke ej 21 an Emma iiō, Josep Smith im jemān raar itok im jerbal n̄an juon iaan ro riturin Emma. Jemān Emma eaar karuwainene er bwe ren pād m̧weeo m̧ōn.

Joseph Smith—Bwebwenato 1:56–57; Armej ro Rekwojarjar, 1:31–32

Josep im Emma rej kōnaan ippān doon nabōjin m̧ōn Emma. Jinen im jemān Emma rej pād ilo kōjām̧ eo.

Josep im Emma rej jeļāļo̧k kajjeen doon. Em̧m̧an ippāer pād ippān doon. Ak jinen im jemān Emma raar jab kōņaan Josep. Raar jab tōmak ke eaar lo juon enjeļ.

Armej ro Rekwojarjar, 1:32–33

Emma im Josep rej uwe ippān doon ilo juon waan kidia.

Emaron̄ juon iiō tokālik, Josep ekar kajjitōk bwe Emma en m̧arreiki. Emma im Josep raar iakwe doon. Raar m̧are im etal im jokwe ippān jinen im jemān Josep ilo New York.

Joseph Smith—Bwebwenato 1:57–58; Armej ro Rekwojarjar, 1:34–35

Emma im Josep rej uwe ippān doon ilo juon waan kidia ibulōn wōjke ko.

Emen iiō emootļo̧k jān ke Moronai ekar jiron̄ Josep kōn pileij gold ko. Ke ekar iien, Emma im Josep raar etal n̄an toļ eo ijo kar ņooji pileij ko.

Joseph Smith—Bwebwenato 1:59; Armej ro Rekwojarjar, 1:36 –37

Moronai ej leļok pileij gold ko n̄an Josep Smith.

Enjeļ eo Moronai ej ioon Josep ilo toļ eo im leļo̧k pileij ko n̄an e. Eaar jiron̄ Josep bwe n̄e enaaj kate kōjparok pileij ko, renaaj pād ilo kōjparok.

Joseph Smith—Bwebwenato 1:59; Armej ro Rekwojarjar, 1:37 –38

Josep Smith ej ineek pileij gold ko. Juon em̧m̧aan ej kipeļļe im kajjieon̄ bōk pileij ko.

Armej raar ron̄ ke pileij gold ko repād ippān Josep, im jet iaer raar kajjieon̄ kooti pileij ko jān e. Josep eaar aikuj pukot juon jikin nooji. Ke Josep ekar ineek pileij ko n̄an jikin kutileek eo ilo wōjke ko, jet em̧m̧aan raar kakure. Ekar m̧an er im ko n̄an m̧weo m̧ōn jinen im jemān.

Joseph Smith—Bwebwenato 1:60; Armej ro Rekwojarjar, 1:38, 40–41

Josep Smith ar boktok pileij ko n̄an m̧weeo m̧ōn im kōtļo̧k an baam̧le eo an jibwi pileij ko.

Ke Josep ekar boktok pileij ko n̄an m̧weo m̧ōn, sister eo an eaar jipan̄ e doori ioon tebōļ eo. Moronai ekar jiron̄ Josep bwe en jab kōtļo̧k an jabdewōt lo pileij ko, ak baam̧le eo an remaron̄ jibwi ilo aer kalbubu kōn nuknuk m̧ōttan.

Armej ro Rekwojarjar, 1:41

Emma im Josep rej em̧m̧akūt n̄an juon em̧ kāāl.

Anij eaar kōņaan bwe Josep en ukōt pileij gold ko bwe armej ren maron̄ riiti. Ak armej in New York raar kajjieon̄ kooti pileij ko. Josep eaar aikuj nooje n̄an kōjparoki. Josep im Emma raar em̧m̧akūt n̄an juon em̧ epaake m̧weo m̧ōn jinen im jemān Emma. Raar kōjatdikdik n̄an kar ukōt pileij ko ilo aenōm̧man.

Joseph Smith—Bwebwenato 1:61–62; Armej ro Rekwojarjar, 1:43, 45–46

Josep Smith ej mejmāik dem̧an Emma. Emma ej jipan̄ Josep ukōt pileij gold ko.

Josep Smith ej jino ukōt pileij ko. Eaar kōjerbal kein jerbal ko rejenolo̧k me Anij ekar kepooji n̄an e. Ke Josep ej ukook, Emma ej je ta ko ej ba. Awa ālkin awa raar jerbal ippān doon. Emma eaar lo̧kjen an. Eaar jeļā ke ļeo ippān ekar ukook jān kajoor eo an Anij.

Joseph Smith—Bwebwenato 1:35; Armej ro Rekwojarjar, 1:49