Hawn’s Mill

Williard Josep ekar 11 iiō rūttoon. Baam̧le eo an rekar jokwe ilo Miil eo an Hawn, Missouri, ippān Armej ro Rekwojarjar jet. Rekar kōņaan aiintok doon jidik iien tokālik ippān Armej ro Rekwojarjar ilo Far West.

Katak Im Bujen Ko 115:7–8; Armej ro Rekwojarjar, 1:347–48

Juon raan, Williard ekar pād ippān jemān im ļaddik ro jein, Sardius im Alma. Ejjab etto, rekar ron̄ ainikien bu im ellamōjmōj. Armej ro rekar itok im jodiki Armej ro Rekwojarjar.

Armej ro Rekwojarjar, 1:348–49

Aolep rekar ko im kappok jikin jokne. Elōn̄ em̧m̧aan ro im ajri ro rekar kittilekeek ilowaan m̧ōn wia eo an blacksmith. Jemān Willard im ļaddik ro jein rekar barāinwōt etal, ak Willard ekar jepel jān er. Ekar kittilekeek iturin juon ejojik in alal. Ekar ron̄ ainikien bu ipeļaakin.

Armej ro Rekwojarjar, 1:349, 353

Willard ekar ettōr jān jikin n̄an jikin n̄an kittilekeek. Āliktata, ainikien bu ko rekar bōjrak. Rijodik ro rekar em̧m̧akūt jān miil eo an Hawn.

Armej ro Rekwojarjar, 1:353

Willard ekar itok n̄an m̧ōn wia eo an blacksmith n̄an pukot baam̧le eo an. Jemān im Sardius em̧ōj aer m̧an er. Ak ļaddik eo jatin Willard ekar mour wōt.

Armej ro Rekwojarjar, 1:353

Em̧ōj aer buki katin Alma. Ekar lukkuun metak. Willard ekar bōke Alma im kotakeļo̧k n̄an em̧ nuknuk eo an baam̧le eo aer.

Armej ro Rekwojarjar, 1:353–54

Jinen Willard, Amanda, ekar jab jeļā wāween jipan̄ katin Alma. Ak ekar jeļā bwe Anij ekar jeļā. Ekar jar, im ekar ron̄ juon ainikien ej ba ta eo en lukkuun kōm̧m̧ane.

Armej ro Rekwojarjar, 1:354

Amanda ekar karreoki kinej eo an Alma kōn ubaaj ko. Innām ekar bōk jet okar in wōjke im likūti ioon kinej eo an. Ekar korake katin kōn nuknuk. “Babu rot ne, im jab m̧akūtkūt,” ekar ba, “im Irooj enaaj kōm̧m̧ane katim̧.”

Armej ro Rekwojarjar, 1:354–55

Tokālik, kabna eo an Missouri ekar ba bwe Armej ro Rekwojarjar rej aikuj em̧m̧akūt jān bukwōn eo ne ejjab renaaj mej. Ak katin Alma ekar jab em̧m̧anļo̧k. Amanda ekar jar im kajjitōk ippān Irooj kōn jipan̄. Juon ainikien ekar jiron̄ e bwe Jisōs ej jāmin etal jān baam̧le eo an. Amanda ekar en̄jake bwe ejjeļo̧k juon men emaron̄ kōmetak e.

Katak im Bujen Ko 88:83; Armej ro Rekwojarjar, 1:372, 378–79

Jidik iien ālkin an kar jar, Amanda ekar ron̄ ainikien an ajri lamōj. Ekar ettōrļo̧k n̄an pukōt er, im ke ekar kōm̧m̧ane, Alma ekar ettōrto ettōrtak. “Em̧m̧an aō mour, Ma, em̧m̧an aō mour!” ekar ba. Katin ekar mo! Ekar juon kabwilōn̄lōn̄ jān Irooj. Amanda im ajri ro rekar etal jān Missouri n̄an kappukot juon jikin ejokne ippān Armej ro Rekwojarjar.

Armej ro Rekwojarjar, 1:379