Bwebwenato ko an Jeje ko Rekwojarjar
Doulul eo an Kōrā ro

“Doulul eo an Kōrā ro,” Bwebwenato ko an Katak im Bujen Ko (2024)

“Doulul eo an Kōrā ro,” Bwebwenato ko an Katak im Bujen Ko

M̧aaj 1842

Doulul eo an Kōrā ro

Kōrā in Nauvoo ro rej jerbal n̄an Irooj

Margaret Cook im Sarah Kimball rej kōnono kōn tampeļ kāāl eo em̧ōj an jutak ilo Nauvoo.

Margaret Cook ekar jokwe ilo Nauvoo. Liin ekar jerbal n̄an Sarah Kimball, jipan̄ liin keke. Ke liin ekar jerbal, er raar kōņaan ekōnono kōn tampeļ kāāl eo em̧ōj an ekkal ilo Nauvoo. Raar m̧ōņōņō kōn tampeļ eo.

Armej ro Rekwojarjar, 1:447

Margaret ej kile ļo̧k ke rijerbal ro an tampeļ eo rej ekōņak nuknuk m̧or.

Juon raan, Margaret ekar kile bwe elōn̄ wōt iaan em̧m̧aan ro rej kalōk tampeļ eo ewōr aer nuknuk m̧or im epotaktak. Liin ekar ļōmņak eļan̄n̄e e im Sarah remaron̄ jerbal ippān doon n̄an keke jōōt ko rekāāl n̄an em̧m̧aan ro. Ekar em̧m̧an ippān Sarah ļōmņak eo. Liin im Maragaret raar kōnono n̄an kōrā ro jet n̄an ejake juon doulul n̄an jipan̄ rijerbal ro.

Armej ro Rekwojarjar, 1:447–48

Josep Smith ej kweilo̧k ippān Margaret, Sarah, im ro jet n̄an ejake Doulul eo an Kōrā ro an Kabun̄ in.

Rikanaan Josep ekar ba Irooj ekar m̧ōņōņō kōn ļōmņak eo aer, im E ewōr juon men em̧ool em̧m̧anļo̧k n̄an er. Josep ekar kūrļo̧k kōrā ro n̄an kweilo̧k ippān ilo M̧aaj 17, 1842. Kōjerbal mālim in priesthood eo, e ekar ejake kōrā ro an Kabun̄ in. Raar pepe n̄an ņa etan doulul eo aer Kōrā in Doulul eo an Kōrā in Nauvoo.

Armej ro Rekwojarjar, 1:448, 450–51

Margaret ej kōnono ippān ruo kōrā.

Josep ekar kajjitōk ippān Doulul eo an Kōrā ro n̄an jipan̄ armej ro kōppopo n̄an kōjeraam̧m̧an ko an tampeļ im mour indeeo. Er rej aikuj in waanjon̄ak ko n̄an ļoor Jisōs.

Armej ro Rekwojarjar, 1:451

Ro uwaan Doulul eo an Kōrā ro rej ebbōkļo̧k m̧ōn̄ā n̄an baam̧le eo ej pād ilo aikuj.

Josep ekar barāinwōt ba Doulul eo an Kōrā ro ej aikuj pukot armej ro me raar jeram̧ōl n̄an jipan̄ er. Em̧ool kōrā ro me raar jeram̧ōļ kar kōņaan jipan̄ armej ro rej pād ilo aikuj.

Armej ro Rekwojarjar, 1:449

An Doulul eo an Kōrā ro kar ejaak.

Doulul eo an Kōrā ro eaar ejaak. Emma Smith kar kūr n̄an erom būreejtōn eo. Liin ekar kūr ruo rikakpilōklōk, Sarah Cleveland im Ann Whitney. Liin ekar barāinwōt kūr juon rijeje, Eliza R. Snow.

Armej ro Rekwojarjar, 1:450

Emma ej katakin kōrā ro ilo Doulul eo an Kōrā.

Irooj ekar jipan̄ Emma kakūrm̧ool kūr eo an. Emma ekar katakin kōrā ro bwe ren maron̄ kōm̧m̧ani men ko rem̧m̧an ilo jerbal eo an Irooj. Liin ekar kōņaan bwe kajjojo iaer ren pukot wāween ko n̄an kōm̧m̧an em̧m̧an. Eo aorōk tata, liin ekar jiron̄ er, ekar n̄an iakwe armej ro jet ilo wāween eo Jisōs ekar kōm̧m̧ane. Elōn̄ kōrā ro ilo Nauvoo rekar kobaļo̧k ilo Doulul eo an Kōrā ro.

Katak im Bujen Ko 25:3, 7; Armej ro Rekwojarjar, 1:451

Juon wāween kar kwaļo̧k juon kōmeļeļe ej wāween an kōrā ro ilo Kabun̄ in kar jipan̄ armej ipeļaakin laļ in.

Raar jipan̄ armej ro m̧aanjabpopo n̄an kōjeraam̧m̧an ko an tampeļ im kar jipan̄ elōn̄ baam̧le ko me raar pād ilo aikuj ilo Nauvoo. Jān tōre eo, kōrā ro ilo aolepān laļ in rekar kobaļo̧k ilo Doulul eo an Kōrā ro. Raar wōnm̧aanļo̧k wōt n̄an jerbal n̄an armej ro im jipan̄ er bōk kōjeraam̧m̧an ko an tampeļ.

Armej ro Rekwojarjar, 1:451