Baam̧le eo an Martin

Helvécio Martins ekar kattōrļo̧k n̄an m̧weo jān jikin jerbal ilo Rio de Janeiro, Brazil. Iaļ eo ekar lukkuun obrak kōn wa jon̄an ejjeļo̧k juon iaer rekar m̧aaj. Helvécio ekar ļōmņak kōn mour eo an. Ewōr juon an jerbal em̧m̧an. Ekar iakwe kōrā eo pāleen, Rudá, im ajri ro ruo nejin, Marcus im Marisa. Ak ekar en̄jake bwe juon men eaar jako.

Armej ro Rekwojarjar, 4:229–30

Helvécio ekar diwōj jān wa eo im jino kar jar. “Aō Anij,” ekar ba, “Ijeļā bwe kwon pād ijeņe ilo juon jikin, ak ijjab jeļā ia.” Ekar ba n̄an Jemedwōj Ilan̄ bwe baam̧le eo an rekar kappukote juon men, im raar aikuji jipan̄ eo An. Innām Helvécio ekar etal n̄an wa eo waan im kattōrļo̧k n̄an m̧weeo.

Armej ro Rekwojarjar, 4:230

Tokālik, Irooj ekar jilkinļo̧k mijenede ro jān United States. Rekar loļo̧k baam̧le eo an Martin. Helvécio ekar kile bwe rekar boktok juon jetōb in aenōm̧m̧an n̄an m̧weo im̧ōn. Ekar jeļā bwe, ilo iien eo, armej ro rekilmeej kilieer ekar emakijkij aer jab kōm̧m̧an em̧m̧an n̄an er ilo United States. Ekar kajjitōk, “Elmen an kabun̄ eo am̧ kōm̧m̧an n̄an Rikilmeej ro?”

Armej ro Rekwojarjar, 4:230–31

Mijenede ro rekar kōmeļeļeiki bwe aolep ro nejin Anij remaron̄ peptaij. Ak ilo iien eo, armej ro Rekilmeej me jibuer im jim̧aer rej jān Africa rekar jab maron̄ kabwijer priesthood eo ak bōk enan̄in aolep kōjeraam̧m̧an ko an tampeļ. Helvécio im Rudá ekar lōn̄ļo̧k bar aer kajjitōk ko. Mijenede ro rekar kajjieon̄ jon̄an wōt aer n̄an maron̄ uwaaki.

Armej ro Rekwojarjar, 4:231

Ium̧win elōn̄ iiō ko, rikanaan ro rekar jar n̄an jeļā n̄āāt eo kōjeraam̧m̧an ko an priesthood im tampeļ remaron̄ liļo̧k n̄an aolep armej.

Armej ro Rekwojarjar, 4:71

Helvécio im Rudá rekar pepe in kajjieon̄ etal n̄an m̧ōnjar eo. Armej ro Rekwojarjar rekar lukkuun iakwe im jouj. Baam̧le eo an Martin ekar em̧m̧an ippāer ta eo rekar ekkatak ilo m̧ōnjar eo.

Armej ro Rekwojarjar, 4:231–32

Juon raan, ilo iaļ eo ļo̧k n̄an m̧weo im̧weer jān m̧ōnjar eo, Marcus ekar ba n̄an baam̧le eo bwe rekar kile ke rem̧ōņōņō ļo̧k. “Ijeļā ta eo ej kōm̧m̧ane,” Marcus ekar ba. “Gospel eo an Jisōs Kraist.” Ro jet uwaan baam̧ļe eo rekar jeļā bwe Marcus ekar jim̧we. Rekar pepe n̄an peptaij im kapen.

Armej ro Rekwojarjar, 4:232

Iiō ko tokālik, Armej ro Rekwojarjar ilo Brazil rekar boub in kalōke juon tampeļ. Baam̧le eo an Martin rekar m̧ōņōņō, ak rekar barāinwōt būrom̧ōj. Reban maron̄ in deļo̧n̄e tampeļ eo ālkin an kar aje. “Jab inepata,” Helvécio ekar ba n̄an Rudá. “Irooj ejeļā men otemjej.”

Armej ro Rekwojarjar, 4:293–94

Ekar jab pidodo n̄an pād wōt im tōmak. Armej ro rekar kōm̧m̧an kōjak kōn baam̧le eo an Martin. Barāinwōt ro m̧ōttāer rekar jab meļeļe etke rekar pād wōt ilo Kabun̄ in. Ak Helvécio im baam̧le eo an rekar jeļā bwe ekar Kabun̄ eo an Jisōs Kraist.

Armej ro Rekwojarjar, 4:251–52

Juon raan, ke Helvécio ekar ro̧o̧ltok n̄an m̧weo ālkin jerbal, Rudá ekar ba, “Ewōr ippa nuuj ko, nuuj ko rekabwilōn̄lōn̄!” Ālkin eļap jitlo̧k im jar, rikanaan eo, Būreejtōn Spencer W. Kimball, ekar bōk juon a revelesōn. Anij ekar ba n̄an e bwe jabdewōt, jekdo̧o̧n kōļar in ānbwinnier, maron̄ bōk aolep kōjeraam̧m̧an ko an priesthood im tampeļ eo.

Kean̄ Jān Kabun̄ in 2; Armej ro Rekwojarjar, 4:318–19

Baam̧le eo an Martin im elōn̄ ro jet rekar aikuj in kōttar eaitok. Kiiō kōttar eo ekar ejem̧ļo̧k! Helvécio im Marcus rekar bōk priesthood eo. Helvécio, Rudá, im ajri ro nejier rekar liāp āinwōt juon baam̧le ilo tampeļ eo. Rekar maron̄ kiiō bōk aolep kōjeraam̧m̧an ko an gospel eo.

Armej ro Rekwojarjar, 4:319–21