Bwebwenato ko an Jeje ko Rekwojarjar
Juon Raan in Kōmour

“Juon Raan in Kōmour,” Bwebwenato ko an Katak im Bujen Ko (2024)

“Juon Raan in Kōmour,” Bwebwenato ko an Katak im Bujen Ko

Eprōļ–Juļae 1839

Juon Raan in Kōmour

Kōjeraam̧m̧an rinan̄inmej kōn kajoor eo an Anij

Juon rilale kalbuuj ej kōnono ippān Josep Smith.

Ke Josep Smith im ritōl ro jet an Kabun̄ in raar kalbuuj ilo Missouri, jet iaan rilale kalbuuj ro raar bōkļo̧k er n̄an juon kalbuuj eoktak. Rilale kalbuuj ro raar jouj n̄an rikalbuuj ro. Juon bon̄, ritōl eo an rilale kalbuuj ro ekar jiron̄ Josep ke ej ilen kar tōn kiki, im eļan̄n̄e Josep im ro m̧ōttan renaaj ko, eban kabōjrak er.

Armej ro Rekwojarjar, 1:392–93

Josep ej iak-iakwe baam̧le eo an.

Josep im ritōl ro jet an Kabun̄ in raar ko. Raar lo baam̧ļe ko aer rej jokwe ilo bukwōn eo kar ņa etan Quincy.

Armej ro Rekwojarjar, 1:395–96

Armej ro rej leļo̧k m̧ōn̄ā im jikin jokwe n̄an Armej ro Rekwojarjar.

Armej ro ilo Quincy raar jouj n̄an Armej ro Rekwojarjar. Raar leļo̧k n̄an Armej ro Rekwojarjar m̧ōn̄ā im nuknuk im juon jikin n̄an pād.

Armej ro Rekwojarjar, 1:377

Armej ro Rekwojarjar rej jino kalōk Nauvoo.

Armej ro Rekwojarjar raar kam̧m̧oolol kōn jouj eo an armej ro ilo Quincy. Bōtaab Josep ekar jeļā renaaj kar aikuj jikier make n̄an mour. Ritōl ro an Kabun̄ in raar wiaiki jet bwidej ko ejjeļo̧k juon ekar kōņaan, im Armej ro Rekwojarjar raar jino em̧m̧akūtļo̧k n̄an ijo.

Armej ro Rekwojarjar, 1:399–400

Juon kōrā ej kauik bar juon kōrā eo ewōr an malaria.

Bwidej eo ekar pād iturin juon reba eļap. Ekar tutu im eppedkatkat im obrak kōn ņam̧ ko. Ņam̧ ko raar kōm̧m̧an an lōn̄ wōt iaan Armej ro Rekwojarjar kanooj nan̄inmej kōn juon nan̄inmej kar ņa etan malaria. Jet iaer rekar mej

Armej ro Rekwojarjar, 1:402

Josep Smith im Wilford Woodruff rej leļo̧k juon kōjeraam̧m̧an an priesthood n̄an juon ļaddik eo enan̄inmej.

Ke Josep ekar lo bwe ekanooj lōn̄ armej ro raar nan̄inmej, ekar aiintok jet iaan ritōl ro an Kabun̄ in im kajjitōk ippāer n̄an etal ippānļo̧k. Aolepān jibbon̄ōn eo, raar etal jān baam̧le n̄an baam̧le, loļo̧k armej ro renan̄imej im kōjeraam̧m̧an er. Raar kōjerbal kajoor eo an Jisōs Kraist n̄an kemour er jān nan̄inmej eo aer.

Armej ro Rekwojarjar, 1:402

Josep ej kōnono ippān Elijah Fordham.

Juon armej raar loļo̧k ekar Elijah Fordham. Ļein ekar kanooj nan̄inmej, lio pāleen ekar ļōmņak ejjab to enaaj kar mej. Josep ekar kajjitōk ippān Elijah eļan̄n̄e ekar wōr an tōmak bwe enaaj kar mour.

Armej ro Rekwojarjar, 1:402

Elijah ej jiron̄ Josep bwe ewōr an tōmak bwe enaaj kar mour.

Elijah ekar ba, “Ij mijak erum̧wij.” Josep ekar kajjitōk ippān Elijah eļan̄n̄e ekar tōmak ilo Jisōs Kraist. “N̄aij, Brother Josep,” ekar uwaak.

Armej ro Rekwojarjar, 1:402

Elijah ej jutak ālkin bōk kōjeraam̧m̧an an priesthood eo.

Josep ekar kōjeraam̧m̧an ļein ilo etan Jisōs Kraist. Elijah ekar jutak. Jisōs ekar kemour e! Innām Elijah ekar ļoor Josep n̄an m̧weo tok juon im kar jipan̄ e kōjeraam̧m̧an armej ro jet im raar nan̄inmej.

Armej ro Rekwojarjar, 1:402–3