“Hiram Page im Revelesōn,” Bwebwenato ko an Katak im Bujen Ko (2024)
“Hiram Page im Revelesōn,” Bwebwenato ko an Katak im Bujen Ko
Jeptōm̧ba 1830
Hiram Page im Revelesōn
Armej ro Rekwojarjar rej katak ekōjkan an Anij tōl Kabun̄ eo An
Hiram Page ekar juon m̧ōttan Josep Smith im Oliver Cowdery Ekar barāinwōt juon iaan rikam̧ool ro ruwalitōk an piliej kooļ ko. Hiram ekar wōr juon an dekā, im ekar tōmak bwe Anij ekar kōjerbale n̄an leļok ennaan ko n̄ane, ak revelesōn, n̄an Kabun̄ in. Oliver im Armej ro Rekwojarjar jet raar tōmak bwe revelesōn ko an Hiram raar itok jān Anij.
Katak im Bujen Ko 28, taitōļ eo an jekjōk eo; Armej ro Rekwojarjar, 1:97
Revelesōn ko an Hiram ekar āinwōt jeje ko rekwojarjar. Bōtaab raar oktak jān ta eo Baibōļ ej katakin. Raar barāinwōt oktak jān ta eo Irooj ekar jiron̄ Rikanaan Josep. Josep ekar jab kanooj jeļā ta eo n̄an kōm̧m̧ane.
Armej ro Rekwojarjar, 1:97
Josep ekar ruj wōt enan̄in aolepān bon̄ōn eo n̄an kajjitōk ippān Anij kōn jipan̄. Ekar inepata in kōm̧m̧ane men eo ebōd im kōmetak en̄jake ko an ro m̧ōttan.
Armej ro Rekwojarjar, 1:97
Josep ekar kōņaan bwe armej ro ren kappukot revelesōn n̄an mour ko aer make. Bōtaab enaaj kar kapokpok eļan̄n̄e juon im juon ekar kajjieon̄ in bōk revelesōn n̄an aolepān Kabun̄ in.
Armej ro Rekwojarjar, 1:97
Āliktata, Irooj ekar leļo̧k n̄an Josep juon revelesōn n̄an kwaļo̧ke ippān Oliver. Irooj ekar ba bwe rikanaan eo wōt emaron̄ bōk revelesōn im kien ko n̄an aolepān Kabun̄ in. Ekar ba bwe Oliver ej aikuj katakin Hiram menin.
Irooj ekar kōņaan bwe Hiram en meļeļe bwe emaron̄ bōk revelesōn n̄an mour eo an make. Bōtaab revelesōn n̄an Kabun̄ in aikuj itok jān rikanaan eo an Irooj. Hiram ekar ron̄jake Oliver im kar ukweļo̧k. Armej ro Rekwojarjar ekar em̧m̧anļo̧k aer meļeļe ekōjkan an Irooj tōl Kabun̄ eo An.
Armej ro Rekwojarjar, 1:98