“Juon Mijen n̄an Native American ro,” Bwebwenato ko an Katak im Bujen Ko (2024)
“Juon Mijen n̄an Native American ro,” Bwebwenato ko an Katak im Bujen Ko
Oktoba 1830–Jānwōde 1831
Juon Mijen n̄an Native American ro
Riindian in Delaware ro rej ron̄ gosple eo
Ejjab to ālkin an Parley Pratt kar peptaij, Irooj ekar kūr e n̄an kobaļo̧k ippān Oilver Cowdery im ro jet ilo juon mijen. Ekar kōņaan bwe ren kwaļo̧k gospel eo n̄an Native American ro. Mijenede ro raar ito-itak ium̧win elōn̄ wiik ko ibwilōn jiņo immijel. Āliktata, raar ioon Kikthawenund, juon irooj in RiIndian in Delaware ro.
Katak im Bujen Ko 28:14; 30:5–6; 32; Armej ro Rekwojarjar, 1:98, 115
Irooj eo ekar jouj n̄an mijenede ro. Ekar karuwaineneik ro m̧ōttan n̄an ron̄jake ennaan eo aer. Oliver ekar ba e im Parley kar etal jān ettoļo̧k n̄an bōkļo̧k n̄an er Bok in Mormon. Ej ba kōn armej ro raar jokwe ilo Amedka etto. Anij ekar kōņaan bwe ren kwaļo̧k bok eo bwe aolep ren maron̄ jeļā kōn Jisōs Kraist.
Armej ro Rekwojarjar, 1:115–16
Oilver ekar leļo̧k n̄an Kikthawenund juon kape in Bok in Mormon. Ekar kam̧m̧oolol bwe Oliver im ro m̧ōttan raar etal jān ettoļo̧k n̄an kwaļo̧ke ippān armej ro an. Ekar jiron̄ Oliver im Parley bwe ekar kōņaan bwe ren bar ro̧o̧lļo̧k n̄an riit n̄an er im katakin er eļapļo̧k kōn Bok in Mormon
Armej ro Rekwojarjar, 1:116–17