“Mijen eo an Parley n̄an Canada,” Bwebwenato ko an Katak im Bujen Ko (2024)
“Mijen eo an Parley n̄an Canada,” Bwebwenato ko an Katak im Bujen Ko
Eprōļ–Juun 1836
Mijen eo an Parley n̄an Canada
Kwaļo̧k tōmak ilo kallim̧ur ko an Irooj
Ejjab to ālkin an Kirtland Tampeļ eo kar aje, elōn̄ ritōl ro an Kabun̄ in raar etal n̄an mijen ko n̄an kwaļo̧k gospel eo.
Katak im Bujen Ko 88:81; 109:22–23; 112:28–29; Armej ro Rekwojarjar, 1:249
Parley Pratt ekar lukkuun em̧m̧an ippān kwaļo̧k gospel eo. Bōtaab ekar ļōmņak ej aikuj pād wōt m̧weo kōnke lio pāleen, kar etan Thankful, ekar nan̄inmej. Ekar barāinwōt jab kanooj ļap aerro jāān.
Armej ro Rekwojarjar, 1:249
Heber Kimball, eo m̧ōttan Parley im juon iaan Rijilōk ro, ekar lotok. Ekar leļo̧k n̄an Parley juon kōjeraam̧m̧an im kar ba bwe ej aikuj kwaļo̧k gospel eo ilo Canada. Ilo kōjeraam̧m̧an eo, Heber ekar kallim̧ur bwe Thankful enaaj em̧m̧anļo̧ an mour. Ekar kallim̧ur bwe liin enaaj wōr juon nejin ļaddik im Irooj enaaj jipan̄ Parley bōk jāān eo ekar aikuji.
Armej ro Rekwojarjar, 1:249–50
Thankful im Palrey raar m̧are ium̧win 10 iiō ko. Ekar ejjeļo̧k nejierro ajri. Bōtaab ekar wōr aer tōmak ilo kallim̧ur ko an Irooj. Em̧ool men̄e enaaj kar pen n̄an ettoļo̧k jān Thankful ilo Canada, Parley ekar ilo̧k n̄an kwaļo̧k gospel eo.
Armej ro Rekwojarjar, 1:250
Ilo Canada, Parley ekar pukot jikin ko im emaron̄ kar katakin armej ie. Ekar kajjitōk eļan̄n̄e emaron̄ kar katakin ilo kabun̄ ko im im̧ōko jet. Aolep raar ba jaab.
Armej ro Rekwojarjar, 1:252–53
Innām Parley ekar ioone John im Leonora Taylor. Raar iakwe Jisōs Kraist im Baibōļ eo. John ekar kajjitōk ippān Parley eļan̄n̄e ta eo ekar kwaļo̧k ekar oktak jān Baibōļ.
Armej ro Rekwojarjar, 1:252–53
Parley ekar ba bwe ekar kwaļo̧k kōn Jisōs Kraist, rikanaan ro, peptaij, im Jetōb Kwojarjar. Aolep men ko raar pād ilo Baibōļ. John ekar kajjitōk, “Akō kōn Josep Smith im Bok in Mormon?” Parley ekar jiron̄ John bwe ekar jeļā bwe Bok in Mormon ekar m̧ool, ejja āinwōt Baibōļ, im bwe Josep Smith ekar juon rikanaan an Anij.
Armej ro Rekwojarjar, 1:253
John ekar tōmak ta eo Parley ekar ba. Ekar riiti Bok in Mormon im kar jeļā m̧ool. John im Leonora rekar karuwaineneik ro m̧ōttaer, Joseph, Mercy, im Mary Fielding im ro jet n̄an itok n̄an ron̄jake an Parley katakin. Elōn̄ armej raar peptaij im kobatok ilo Kabun̄ in.
Armej ro Rekwojarjar, 1:254–55
Parley ekar m̧ōņōņō, bōtaab ekar kōņaan ro̧o̧l n̄an kapijuknen eo an ippān Thankful ilo Kirtland. Ekar ba bar iakwe n̄an ro m̧ōttan rōkāāl ilo Canada. Ke ekar idik peier, raar leļo̧k n̄an e jāān n̄an jipan̄ e lale baam̧le eo an.
Armej ro Rekwojarjar, 1:255–56
Ke Parley ekar tōkākļo̧k kapijuknen eo an, ekar lo bwe Thankful ekar em̧m̧anļo̧k an pād. Parley ekar bōk elōn̄ļo̧k kape ko an Bok in Mormon im kar bar ro̧o̧lļ o̧k n̄an Canada n̄an wōnm̧aanļo̧k wōt in kwaļo̧k gospel eo. Iien in, Thankful ekar etal ippānļo̧k.
Armej ro Rekwojarjar, 1:256
Ejjab tok Thankful im Parley raar lo bwe enaaj wōr juon nejier nin̄nin̄. Raar keememej kōjeraam̧m̧an eo im Heber ekar leļo̧k n̄an Parley. Raar en̄jake bwe āinwōt aolep men ko Irooj ekar kallim̧ur kaki ilo kōjeraam̧m̧an jab eo raar m̧ool.
Armej ro Rekwojarjar, 1:256