Kabun̄ eo an Jisōs Kraist Ej Ejaak

Bok in Mormon eo ekar kiiō būriin, im kajoor in priesthood eo an Anij ekar pād ioon laļ in bar juon alen. Irooj ekar jiron̄ Josep Smith ekar iien n̄an ejaake Kabun̄ eo an Jisōs Kraist.

Armej ro Rekwojarjar, 1:84

Ilo Eprōļ 6, 1830 eo enan̄in 40 kōrā ro im em̧m̧aan ro raar itok n̄an m̧weo im̧ōn baam̧le eo an Whitmer ro n̄an ejaake Kabun̄ in. Irooj ekar kūr Josep im Oliver n̄an tōl Kabun̄ eo An. Josep im Oliver raar kajjitōk ippān armej ro n̄an kajutak peier n̄an kwaļo̧k aer rejtake er āinwōt ritōl ro aer.

Katak im Bujen Ko 20:1–3; Armej ro Rekwojarjar, 1:84

Eo tok juon, Josep im Oliver raar kōjeraam̧m̧an kwojkwoj eo. Raar leļo̧k e n̄an armej ro n̄an jipan̄ er keememej Jisōs Kraist. Innām Josep im Oliver raar likūt peier ioon bōran armej ro rekar m̧ōj aer kar peptaij. Raar kapen er membōr ro an Kabun̄ in im kar leļo̧k n̄an er menin letok eo an Jetōb Kwojarjar.

Katak im Bujen Ko 20:75–79; Armej ro Rekwojarjar, 1:85

Irooj ekar leļo̧k n̄an Josep juon ennaan n̄an Kabun̄ eo ekāāl. E ekar jiron̄ er n̄an je ta eo ekar waļo̧k ilo Kabun̄ in. E ekar ba bwe Josep Smith ekar An rikanaan. E ekar kallim̧uri membōr ro an Kabun̄ in bwe eļan̄n̄e rej ļoor kien ko E ekar liļo̧k n̄an Josep, E enaaj kar kōjeraam̧m̧an er. Devil eo eban wōr an kajoor ioer.

Kaak im Bujen Ko 21:1–6; Armej ro Rekwojarjar, 1:85

Armej ro raar kanooj m̧ōņōņō n̄an bōk Kabun̄ eo an Jisōs Kraist! Ālkin kweilo̧k eo, elōn̄ armej ro raar peptiaj, ekoba jinen im jemān Josep. Ke jemān ekar waļo̧ktok jān dān eo, Josep ekar lukkun atbakwoje. “Ikar mour n̄an lo an jema kar peptaij tok n̄an kabun̄ eo em̧ool an Jisōs Kraist!” ekar ba.

Armej ro Rekwojarjar, 1:86

Lukōnļo̧k bon̄ōn eo, Josep ekar ilo̧k n̄an wōjke ko in make iaan. Būruōn ekar obrak kōn lan̄lōn̄. Ekar ļo̧k 10 iiō ko jān ke ekar m̧oktata lo Jemādwōj Ilan̄ im Jisōs Kraist. Ekanooj ļap ijo ekar kōm̧m̧an jān tōre eo. Josep ekar lukkuun kam̧m̧oolol bwe emaron̄ in kar jipan̄ kōjepļaaktok, ak bar karo̧o̧ltok, Kabun̄ eo an Jisōs Kraist!

Armej ro Rekwojarjar, 1:86