Bwebwenato ko an Jeje ko Rekwojarjar
Telii ej Jerbal n̄an Irooj

“Telii ej Jerbal n̄an Irooj,” Bwebwenato ko an Katak im Bujen Ko (2024)

“Telii ej Jerbal n̄an Irooj,” Bwebwenato ko an Katak im Bujen Ko

Eprōļ 1844–M̧aaj 1852

Telii ej Jerbal n̄an Irooj

Kajutake Kabun̄ in ilo Tubuai

Telii im ro jet rej alooje an mijenede ro an Armej ro Rekwojarjar ilo Raan Ko Āliktata itaakļo̧k.

Juon kōrā etan in Telii ekar jokwe ilo juon āne jidikdik ņaetan Tubuai Mijenede ro jān elōn̄ kabun̄ ko roktak jet iien rej loļo̧k Tubuai, ak rekar jab aitok aer pād ijo. Juon raan ilo 1844, Telii ekar m̧ōņōņō in ron̄ bwe mijenede ro jān Kabun̄ eo an Jisōs Kraist im Armej ro Rekwojarjar ilo Raan Ko Āliktata rekar itaakļo̧k ilo Tubuai.

Katak im Bujen Ko 1:1; 133:8

Telii im Nabota rej karuwaineneik mijenede ro n̄an pād ippāer.

Mijenede ro rekar etal ilo iaļ eo aer ļo̧k n̄an jet āne ko rekilepļo̧k. Ak armej ro ilo Tubuai rekar kōņaan bwe er ren pād wōt im kwaļo̧k gospel eo. Telii im ļeo pāleen, Nabota, ekar ba mijenede ro remaron̄ pād wōt ilo m̧ōko im̧weer. Juon iaan mijenede ro, Addison Pratt, ekar errā.

Armej ro Rekwojarjar, 1:573–74

Telii im Nabota rej jaake ippān doon juon m̧ōn̄ā ippān juon iaan mijenede ro.

Telii im Nabota raar jeere ippān doon men otemjej ewōr ippāer ippān Addison. Rekar katakin e bwe en kōnono kajin eo aer. Addion ekar katakin er kōn Jisōs Kraist.

Telii ekar peptaij ke Nabota ej alooj.

Jetōb Kwojarjar ekar jiron̄ Telii im Nabota bwe gospel eo an Rilo̧mo̧o̧r ej m̧ool. Rekar armej ro jinointata ilo Tubuai n̄an kar peptaij.

Armej ro Rekwojarjar, 1:573–74

Telii im ro jet rej kwaļo̧k gospel eo ippān armej ro ilo Tubuai.

Telii, Nabota, im Addison rekar erom̧ m̧ōttā ro rem̧m̧an. Rekar ito itak ippān doon im katakin gospel eo ilo Tubuai im āne ko jet. Ke armej ro rekar kajjieon̄ jiron̄ļo̧k Armej ro Rekwojarjar ilo Tubuai bwe rejjab aikuj in kobaļo̧k ilo Kabun̄ in, Telii ekar katakin er jān jeje ko rekwojarjar bwe Kabun̄ in ej m̧ool.

Armej ro Rekwojarjar, 2:27, 45

Telii, Nabota, im Armej ro Rekwojarjar jet rej al ippān doon.

Telii ekar kōņaan in jipan̄ elōn̄ļo̧k armej ro ilo Tubuai ekkatak kōn gospel eo an Jisōs Kraist. Lieo ekar ejaake eoon ko n̄an al ko im karuwaineneik kūrub ko rekillep n̄an al ippān ilo joteen ko. Al al ko an Telii rekar jipan̄ elōn̄ armej ro ekkatak jān eoon ko im kakeememej ta eo rekar ekkatak.

Katak im Bujen ko 25:12

Telii im baam̧le eo an rej karuwaineneik baam̧le eo an Addison.

Iiō ko tokālik, elōn̄ļo̧k mijenede ro rekar itok n̄an Tubuai, ekoba baam̧le eo an Addison. Telii ekar karuwaineneik er n̄an m̧weo im̧weer. Ekar jerbal ippān kōrā eo pāleen Addison, Louisa, n̄an jerbal n̄an kōrā ro Tubuai.

Armej ro Rekwojarjar, 2:133–34

Telii im baam̧le eo an rej wōnm̧aanļo̧k wōt in kwaļo̧k gospel eo ippān ro jet.

Ālkin jidik iien, mijenede ro kar kipel er bwe ren em̧m̧akūt jān Tubuai im āne ko jet. Ak Telii ekar katakin wōt im tōl Armej ro Rekwojarjar. Kōnke waanjon̄ak eo an Telii im jerbal in jipan̄ eo, Kabun̄ in ilo Tubuai ekar kajoor wōt.

Armej ro Rekwojarjar, 2:150–51