“Josep im Hyrum rej Ajeļo̧k Mour ko Aer n̄an Gospel eo,” DBwebwenato ko an Katak im Bujen Ko (2024)
“Josep im Hyrum rej Ajeļo̧k Mour ko Aer n̄an Gospel in,” Bwebwenato ko an Katak im Bujen Ko
M̧aaj–Juun 1844
Josep im Hyrum rej Ajeļo̧k Mour ko Aer n̄an Gospel in.
Rikanaan eo ej mej, bōtaab jerbal eo an Irooj ej wōnm̧aanļo̧k wōt
Josep Smith ekar inepata. Ta eo enaaj kar waļo̧k n̄an Kabun̄ in eļan̄n̄e ekar mej? E ekar kōņaan jeļā bwe jerbal eo an Irooj enaaj kar etal wōt. Kōn menin e ekar aiintok Rijilōk ro im leļo̧k n̄an er ki ko an priesthood eo me Jisōs Kraist ekar leļo̧k n̄an e. Menin ekar meļeļe in bwe Rijilōk ro remaron̄ tōl Kabun̄ eo an Irooj im kōm̧m̧ane jerbal eo An. Menin ekar jipan̄ bwe en em̧m̧anļo̧k an Josep en̄jake.
Armej ro Rekwojarjar, 1:519–20
Bōtaab ekar lōn̄ armej ro me raar illu ippān Josep. Em̧ool jet raar kōņaan m̧an e. Er raar jab kōņaan ta eo e ekar katakin. Er raar jeje kōn e ilo juon nuujpeba n̄an kōm̧m̧an bwe en lōn̄ļo̧k armej ro ren illu ippān Josep im Kabun̄ eo. Jet iaer raar kōņaan kakkure Nauvoo.
Armej ro Rekwojarjar, 1:526–28, 530–32, 533–34
Josep im ritōl ro jet ilo Nauvoo raar kōņaan bwe jikin kōm̧m̧an nuuj eo ren kakkure n̄an kabōjrak matōrtōr eo jān an ajeeded. Em̧ool menin ekaran kōm̧m̧an lōn̄ļo̧k ro rej illu. Kabna eo ekar jiron̄ Josep n̄an etal n̄an jikin kweilo̧k Carthage bwe juon riekajet en maron̄ jokāālet eļan̄n̄e e ekar rupe kien. Josep ekar jeļā bwe eļan̄n̄e enaaj etal n̄an Carthage, armej ro renaajm̧an e.
Katak im Bujen Ko135:4; Armej ro Rekwojarjar, 1:533–37, 539–41
Bōtaab Josep ekar barāinwōt kōņaan bwe Armej ro Rekwojarjar ren jokane. Eļan̄n̄e e ekar etal n̄an Carthage, bōlen amrej ro reban kar eļļok n̄an Armej ro Rekwojarjar ilo Nauvoo. Josep ekar jokāālet n̄an etal. E ekar kōjeraam̧m̧an Emma im ajri ro nejin, kar mejān maik er im ba goodbye, im ilo̧k n̄an Carthage.
Armej ro Rekwojarjar, 1:542–44
Hyrum eo jein Josep ekar etal ippānļo̧k. Barāinwōt John Taylor, Willard Richards, im ro jet m̧ōttaer rekar bar etal. Ke rej ilo̧k, Josep ekar kabōjrak kidia eo waan im kar reililo̧k n̄an Nauvoo. “En̄in ej jikin eo em̧m̧an tata im armej ro rem̧m̧an tata ium̧win lan̄ ko,” e ekar ba.
Armej ro Rekwojarjar, 1:543–45
Ke rekar jikrōkļo̧k ilo Carthage, rekar door er ilo kalbuuj. Ke rekar pād ilo kalbuuj, Hyrum ekar riit n̄an er jān Bok in Mormon. Josep ekar jiron̄ļo̧k ro rejlale jikin kalbuuj eo bwe Bok in Mormon ej m̧ool.
Armej ro Rekwojarjar, 1:546
N̄an kaenōm̧m̧an ro m̧ōttan, John Taylor ekar al juon al in jar kōn Jisōs. Ekar aiboojoj, im Hyrum ekar kajjitōk ippān n̄an bar al kake juon alen.
Armej ro Rekwojarjar, 1:549
Tokālik ilo raan jab eo, em̧m̧aan ro rellu ippān bu ko aer raar ettōrļo̧k n̄an lowaan kalbuuj. Er raar iuun kōjām eo im kar jino buļo̧k ruum̧ eo ijo Josep im ro m̧ōttar raar pād ie. John Taylor ekar lukuun jorrāān. Hyrum im Josep raar mej.
Katak im Bujen Ko 135:1–2; Armej ro Rekwojarjar, 1:550–52
Armej ro Rekwojarjar raar lukkuun in būrom̧ōj ke raar ron̄ bwe Josep im Hyrum raar mej. Bōtaab er raar jeļā bwe m̧an Rikanaan eo ejjamin naaj kar kabōjrak Kabun̄ in. Ej Kabun̄ eo an Rilo̧mo̧o̧r eo, im E enaaj kar wōnm̧aanļo̧k wōt n̄an tōl e. Kabun̄ eo enaaj eddōkļo̧k wōt im kōjeraam̧m̧an ajri ro nejin Anij ilo aolepān laļ in
Armej ro Rekwojarjar, 1:553–59