Bwebwenato ko an Jeje ko Rekwojarjar
Kalōk Kirtland Tampeļ

“Kalōk Kirtland Tampeļ,” Bwebwenato ko an Katak im Bujen Ko (2024)

“Kalōk Kirtland Tampeļ,” Bwebwenato ko an Katak im Bujen Ko

Tijem̧ba 1832–M̧aaj 1836

Kalōk Kirtland Tampeļ

Juon em̧ aorōk n̄an Irooj

Josep im Emma Smith im Phebe im Sidney Rigdon rej lale ia eo Kirtland Tampeļ eo enaaj kar ekkal ie.

Irooj ekar jiron̄ Josep Smith bwe ekar iien n̄an an Armej ro Rekwojarjar kalōk juon em̧ eaorōk ilo Kirtland. Im̧wiin enaaj juon tampeļ, juon jikin ijo Irooj enaaj loļo̧k armej ro An im kōm̧m̧ani bujen ko ippāer. E enaaj leļo̧k n̄an er juon menin letok eo eaorōk ilo tampeļ eo An. E ekar kūr menin letok eo menin letok eo kwojarjar an kajoor.

Katak im Bujen Ko 88:119; 95:8; Armej ro Rekwojarjar, 1:205

Hyrum Smith ej tōn jipan̄ jerbale tampeļ eo.

Armej ro Rekwojarjar raar jab jino kalōk tampeļ eo ilo iien eo emōkaj. Jejjo allōn̄ tokālik, Irooj ekar kakeememej er bwe tampeļ eo ekar lukkuun aorōk. Hyrum Smith ekar ettōrļo̧k n̄an m̧weo im̧ōn jinen im jemān n̄an aiin kein jerbal ko an. Ke jinen ekar kajjitōk ippān ia eo ekar etal n̄an e, ekar ba bwe ekar kōņaan bwe en eo m̧oktata n̄an jerbale im̧weo im̧ōn Irooj.

Katak im Bujen Ko 95:1–8

Sidney Rigdon ej lale an tampeļ eo ekkal.

Armej ro Rekwojarjar ilo Kirtland rekar jino kalōk tampeļ eo. Ekar ļap wōņāān im ekar bōk eļap jerbal. Ro uwaan Kabun̄ in āinwōt Sidney Rigdon ekar leļo̧k eļap jāān ko n̄an kalōk tampeļ eo. Raar lo̧udin̄din̄ n̄an ļoor kien ko an Irooj im bōk kōjeraam̧m̧an ko An ilo m̧weo Im̧ōn.

Armej ro Rekwojarjar, 1:209–211

Sidney ej jar kōn jipan̄ kōn tampeļ eo.

Ke Armej ro Rekwojarjar raar jerbale tampeļ eo, ekar jino an maatļo̧k jāān. Sidney im ritōl ro jet an Kabun̄ in raar inepata. Sidney ekar jar n̄an Anij kōn jipan̄.

Armej ro Rekwojarjar, 1:210–11

Caroline Tippets ej jikrōkļo̧k n̄an jipan̄.

Juon membōr in Kabun̄ in kar etan Caroline Tippets im baam̧le eo an raar kakoņ eļap jāān. Caroline ekar kōtļo̧k an Kabun̄ in barroik jāān ko aer n̄an jipan̄ kalōk tampeļ eo.

Armej ro Rekwojarjar, 1:211–13

Ajri ro rej jipan̄ ae kūlaaj ko rerup.

Elōn̄ Armej ro Rekwojarjar ilo Kirtland raar buuļ jerbal kate er n̄an kalōk tampeļ eo. Jet raar kattōri waikōn ko robrak kōn dekā ko n̄an tampeļ eo. Ro jet raar kōm̧m̧ani nuknuk ko im m̧ōn̄ā ko n̄an rijerbal ro. Ajri ro raar ae m̧ōttan kūlaaj ko rerup n̄an kajjidikdiki im likūt ilo dipin tampeļ eo bwe ren kar rabōlļo̧k im erabōlbōl ilo meram in aļ.

Armej ro Rekwojarjar, 1:210, 219, 221

Kirtland Tampeļ eo ej dedeļo̧k.

Ejjab to tampeļ eo ekar dedeļo̧k. Armej ro Rekwojarjar raar lo̧udin̄din̄ n̄an etal n̄an lowaan m̧weo im̧ōn Irooj n̄an bōk kōjeraam̧m̧an ko im E ekar kallim̧uri er.

Armej ro Rekwojarjar, 1:221