“Sidney im Phebe Rigdon,” Bwebwenato ko an Katak im Bujen Ko (2024)
“Sidney im Phebe Rigdon,” Bwebwenato ko an Katak im Bujen Ko
Oktoba–Nobōm̧ba 1830
Sidney im Phebe Rigdon
Ukōt mour ko aer n̄an bōk gospel eo
Parley Pratt im ro jet raar ilo̧k n̄an kwaļo̧k gospel eo ippān Lukkuun RiAmedka (Native American) ro. Ilo iaļ eo aer, Parley ekar kōņaan bōjrak im loļo̧k eo m̧ōttan Sidney Rigdon. Sidney ekar juon rikwaļo̧k naan eo ekar katakin Parley kōn Jisōs Kraist ilo Baibōļ eo. Kiiō Parley ekar kōņaan katakin Sidney kōn Jisōs ilo Bok in Mormon eo.
Katak im Bujen Ko 32; Armej ro Rekwojarjar, 1:99
Parley ekar jiron̄ Sidney kōn Bok in Mormon im kar kajjitōk ippān n̄an riiti. Sidney ekar jab kanooj tōmak, bōtaab kōnke Parley ekar juon m̧ōttan, ekar kallim̧ur enaaj kar.
Armej ro Rekwojarjar, 1:100
Ke Sidney ej riiti Bok in Mormon, ekar jeļā ekar itok jān Anij. Ekar kwaļo̧k en̄jake ko an ippān lio pāleen, Phebe.
Armej ro Rekwojarjar, 1:101
Bōtaab Sidney ekar jab jeļā ta eo n̄an kōm̧m̧an tokālik. Eļan̄n̄e enaaj kar peptaij, enaaj kar luuji jerbal eo an āinwōt juon rikwaļo̧k naan ilo kabun̄ eo an. Ekōjkan an maron̄ kar lale Phebe im ajri ro jiljino nejier? Ekōjkan an naj armej ro ilo kabun̄ eo an en̄jake? Ekar jar n̄an Jemādwōj Ilan̄ kōn jipan̄, im ekar bōk juon en̄jake eaenōm̧m̧an.
Armej ro Rekwojarjar, 1:101; Katak im Bujen Ko 19:23
Sidney ekar kajjitōk ippān Phebe eļan̄n̄e ekar m̧ōņōņō in joļo̧k mour eo aer em̧m̧an im kobaļo̧k ilo kabun̄ kāāl in ippān. “Ej aō ikdeelel n̄an kōm̧anm̧an ankilan Anij,” liin ekar ba, “mour itok ak mej itok.” Raar jokāālet n̄an kar peptaij.
Armej ro Rekwojarjar, 1:101
Tokālik, Sidney ekar ioon Rikanaan eo Josep Smith. Irooj ekarr leļo̧k n̄an Sidney juon ennaan kōn Josep. E ekar ba bwe E ekar lo men ko rem̧m̧an Sidney ekar kōm̧m̧ani im kar ron̄ jar ko an. Irooj ekar jiron̄ Sidney bwe ewōr juon jerbal eļap n̄an e n̄an kōm̧m̧ane. Sidney enaaj kar kōm̧m̧ani men ko rem̧m̧an.