“Rijilōk ro rej Jerbale juon Mijen n̄an Great Britain,” Bwebwenato ko an Katak im Bujen Ko (2024)
“Rijilōk ro rej Jerbale juon Mijen n̄an Great Britain,” Bwebwenato ko an Katak im Bujen Ko
Juļae 1838–Juļae 1841
Rijilōk ro rej Jerbale juon Mijen n̄an Great Britain
Lōke kallim̧ur ko an Irooj
Ilo juon revelesōn n̄an Josep Smith, Irooj ekar kūr Rijilōk ro n̄an juon mijen n̄an Great Britian. Jekdo̧o̧n n̄e ekar pen n̄an Josep n̄an kōm̧m̧an bwe Rijilōk ro ren lukkuun ettoļo̧k, e ekar lōke Irooj. Ekar barāinwōt pen n̄an Rijilōk ro n̄an ilo̧k jān baam̧le ko aer. Bōtaab Irooj ekar kallim̧ur n̄an kōjeraam̧m̧an er.
Heber C. Kimball im kōrā eo pāleen, Vilate, ewōr aer juon baam̧le edik. Ekar wōr juon nejier nin̄nin̄ me ekar juon wōt allōn̄ dettan. Elōn̄ ro uwaan baam̧le eo aer raar lukkuun in nan̄inmej.
Armej ro Rekwojarjar, 1:405
Brigham Young ekar barāinwōt nan̄inmej, im baam̧le eo an rekar jeram̧ōļ. Ak kōrā eo pāleen Brigham, Mary Ann, ekar jiron̄ e, “Etal im kakūrņool mijen eo am̧, im Irooj enaaj kōjeraam̧m̧an eok.”
Armej ro Rekwojarjar, 1:404–5
Brigham ekar jino etal, bōtaab ilo tōre eo ekar tōparļo̧k m̧weo im̧ōn Heber, e ekar kanooj in m̧ōjņo e ekar jab maron̄ etetal. E ekar jokwe ippān baam̧le eo an Heber ium̧wij jejjo raan ko.
Armej ro Rekwojarjar, 1:405
Mary Ann ekar itok im kauuk Brigham m̧ae iien eo e im Heber ekar em̧m̧anļo̧k aer ājmour n̄an em̧m̧akūt. Erro jim̧or rekar lukkuun m̧ōjņo, bōtaab raar kōņaan kwaļo̧k gospel eo.
Armej ro Rekwojarjar, 1:405
Heber im Brigham rej iak-iakwe kōrā ro pālerro im iuweļo̧k ilo itulikin in juon waikōn. Ekar nana aerro mour n̄an ilo̧k jān baam̧le ko aer ro rekanoojj nan̄inmej im jerata. Ke waikōn eo ej ilo̧k, Heber ekar ba n̄an Brigham, “Menin ebwe an pen.” E ekar kōņaan jipan̄ baam̧le ko aer en̄jake peran. Heber ekar kajjitōk ippān rikattōr waikōn eo n̄an bōjrak.
Armej ro Rekwojarjar, 1:405–6
Jān ilowaan m̧weo, Vilate ekar ron̄ juon ainikien. Liin ekar etal n̄an kōjām eo, ijo Mary Ann ekar jutak. Er raar lo Heber im Brigham jutak ilo iļokan waikōn eo kōjaaļaļ aat ko aer ilo mejatoto im lam̧ōj, “Hurrah! Hurrah! Hurrah n̄an Israel!” Kōrā ro raar ukōtļo̧k, “Goodbye! Anij en kōjeraam̧m̧an kom̧iro!”
Armej ro Rekwojarjar, 1:406
Ālkin juon tūreep eaitok kijoone lo̧jet eo, Heber im Brigham rekar itaakļo̧k ilo Great Britian. Ippān Rijilōk ro jet, er raar katakin elōn̄ armej ro kōn Jisōs Kraist im gospel eo An. Taujin armej ro raar peptaij im kobaļo̧k ilo Kabun̄ eo an Rilo̧mo̧o̧r.
Armej ro Rekwojarjar, 1:408–11
Elōn̄ iaan armej ro me raar peptaij ilo Great Britian kar em̧m̧akūtļo̧k n̄an Nauvoo n̄an jipan̄ kalōk jikin kweilo̧k eo im tampeļ eo. Irooj ekar kōjparok kallim̧ur eo An im kōjparoke baam̧le ko an Heber im Brigham ilo iien eo rekar jerbal n̄an E āinwōt mijenede ro.
Armej ro Rekwojarjar, 1:437–39